سلطان النماصي

الجديد : لو نساير الدنيا بحكمة وبعض ايثار نحّد الظروف ونقطع الشر من جذره بسيطين يسعدنا اللقى والسلام الحار ولا يلحق المقفي من افواهنا هذره عسانا ليا غبنا .. نخلّـي لنا تذكار نبي غيبةٍ تاتي على السيرة العطره #سلطان_النماصي

السلام عليكم.. قبل خمس شهور تقريبًا طاح الغالي سعود ولد اختي وكان عمره ماكمّل سنة ودخل بعده للعناية المركّزة واجرى عملية ناجحه وبعد ذلك تمت احالته عبر الاخلاء الطبي الجوي السعودي لاحد المستشفيات المتقدمة بالمنطقة الشرقية وانا شخصيًا انقطعت عن خوياي لفترة طويلة بحكم الامر اللي صار وكان من ضمنهم شخص بعد شهر من طيحة سعود ارسل يشره ويعتب علي بسبب انقطاعي - وكان اسلوبه جاف شوي لا يمّت للعتب بأي صِله - وكتبت هالابيات على أثرها .. وانا اليوم اكتب هالتغريدة كلي فرح وابشركم ان سعود الحمدلله استعاد عافيته ونشاطه بفضل من الله عزّ وجّل ثم جهود مملكتنا الغالية والكادر الطبي المشرف على حالته سواءً بالشمال او بالمنطقة الشرقية.

على شان تقصير الليالي بشكلٍ عام تعوّد على الغيبات لو تقعد لحالك ! #سلطان_النماصي

هنا يضحك اللي كان ضايق من المجلاس يوادع وراه الضيق .. و يواجه اعذاره هنا ارحَب فضى واول محطّات بعض الناس سقى الله رفحاء دار من ضاق به داره ! #سلطان_النماصي

لابتدا الليل خلّوني بوجه القوافي وله علّي الوفى في كل مطلع قصيده.. مشاركة مع الشعراء الغالين 🤍

"حـديث أم مَعبد" -قصيدة مهداة -بخجل- لمقام النبوّة الشريف

انا كيف اعاتب واتبع العالم السالين تمّر الجروح احيان ماحرّكت كفّي صبرنا على موت القريّب من الغالين وش بيفرق غياب المقفّين في شفّي على شان بس اسمٍ وراه الجدود ثنين اشوف القصيد اللي تقولون في ضفّي انا قادر اكتب لو تبوني بسور الصين لو اني ماجيت السور بس شوفه يوفّي ابي منكّم رد ومجاراة لو بيتين هذا وجهي ان جبتوا ولو بيت ويكفّي بعد عام كان الله جعلنا من الحيّين ابا ادرّس الشعّار مجانًا بصفّي (: #سلطان_النماصي

الحمدلله على البلوغ والتمام، ربِّ اجعلنا ممن فاز فوزًا عظيمًا، اللهُمَّ لا تجعل هذا العام آخر عهدنا برمضان وأعده علينا أعواماً عديدة وأزمنة مديدة ونحن ومن نحب بصحة وعافية، اللهُمَّ اجعلنا ممن رفعت اسمائهم وأعتقت رقابهم من النار واستجيبت دعواتهم.

من اول ماعرفت ان لـ الليال سعود وانا اقول الحياة تراضي النسّاي يسّرك من يحّن لصوتك المفقود ويمكن يبغضك واحد من امس وجاي صحيح ان العطى والجود بالموجود ينسّيني كثير ، انه يعيد خطاي عسى ليلٍ يمّر .. وْلا تهّب النود " فدى ليلٍ يضحّك عيني وملقاي " اشوف الوقفه اللي ماعليها زود تكون الوقفه اللي في وجيه عداي ياربّي لا بغيت وماقدرت آجود عساني ماتراجع لا وصلت اقصاي ): #سلطان_النماصي

بروق الاحباب ما سرّت ولا لاحت اشوف بعض الاراضي عوّدت ذبلى مصير الانظار تفرح كل ماشاحت والضحكه اللي بدون احباب ماتحلى لو بايدنا رجعة الايام ؟ ماراحت اللي نبيه انقضى وقلوبنا وجلى صدورنا اللي تبرّت كل مافاحت وعيون الاحباب دون احبابها خجلى لا دار وجه الزمن والاقنعه طاحت عسى الله يعين مانضحك ولا نُبلى الفرصة اللي تمّرك كان ماتاحت بطون الاوجاع بكرى بالفرح حبلى ! #سلطان_النماصي

مضى مامضى يوم البنادم ضميره حّي قبل لا يشوف وجيه الاخصام مبتسمه يضيق ويواجه في حياته ولكن هي! "قصيرة" تمّر بسرعةٍ تشبه النسمه "يقولون .. ما للعبد حيله ولا له شي واقول القوّي اللي يحافظ على قسمه"

قال شاعر سلطان النماصي : « لو كل ماقف يسّر وكل عذرٍ وجيه ! ماكان شفنا الحسود ولا عرفنا الغبي » - وانا أوكِد على ذلك ، لولا المواقف ماعرفنا من ياللي معنا واللي علينا

كما تقول العرب: أُريدُ حياتهُ ويريدُ قتلي .. ما أقبح الجبن والخيانة والغدر يعلمون أن المملكة أكدت أنها لن تُستخدم أراضيها لغزوهم، ثم تأتي هجمات جبانة تم وأدها والتصدي لها، هذا والله اللؤم والفشل بصورته الجليّة الواضحة.. حرس الله المملكة العربية السعودية وأدامها أرض الأمان وحارسة القيم والنبل العربي والإسلامي .. وقوف دائم مع الأصحاب والدول الشقيقة وفي كل موقف صعب تتجلى المملكة لتمثل هذه المبادئ والقيم الراسخة في أراضيها ونفوس قادتها وشعبها 🇸🇦

كل ماتكتب قصيد ويخذلك مطلع قصيده حطّه بوجه الظروف وحط له كرسي سياده القصيد اللي يخلّد بعض الايام السعيده ماهو بحاجه لنقد ولاهو بحاجه لاشاده مُعظم اللي تاخذه خطوى الليال ولا تعيده مايعوّد لو تضيق ان كان عوّد بالجلااده من يلوم الضايق اللي حار دمّه في وريده لا ترك حق القريب ولا نسي معنى بلاده ماعليه ووش عليه ان صارت الدعوى بعيده لا جهل سير الطريق ولا عناه ولا معاده ويوم صار يميّز اللي مايبيه ولا يفيده قدّم العذر السمين وخاض الايام بهواده ادرَك ان بعض الملام ينقّصه ماهو يزيده لين حّس ان السهر عاده وهو ماهو بعاده ومن بعد ذيك الليال اللي من اولها زهيده مابقى فيه امنيه تسوى تعبه ولا جهاده يترك اللي عاش فيه وياخذ اللي مايريده كلّت يدين العباد ولا توانى في عناده الصحيح ان به شعور نحّس فيه ولا نجيده وش جدى اللي كل يوم يخاف من كبوة جواده؟ والله ان كل الامور اللي تحّس انْها عنيده دونها رفع اليدين لواحدٍ يرحم عباده كل ماتكتب قصيد ويخذلك مطلع قصيده حطّه بوجه الظروف وحط له كرسي سياده . #سلطان_النماصي

@WTY_D1 يستاهل الثناء الجزل طالب ندى

عند المبادي طمان الراس وعلوه ؟ أنسى الكرى والطعام ولا تناساها يا ويش معناة رجل ما به مروة ؟! إليا فقدها فقد معناه واياها .. - طالب ندى @talbnda

من اول الليل لين يبين نور الشعاع لا ضاقت الارض عند الله سبيل وسعه كنّا نحّن الصدور ونبخص اللي يشاع ونقدّي اللي تضايق كان غاب سنعه صحيح نحسب حساب لكل طاري وداع والراس يمكن يطيع ، القلب وش يقنعه؟ مطيحك اللي صنَعْك وقمت منّه شجاع لو تجتمع دونه اهل الارض ماتمنعه ماكانت الهقوه اللي ذاهبه للضياع - مع ان الاعذار دايم من بغاه سمعه - احيان يحتاج واحدنا فقط للسماع لاصار ماهو براضي عاد ضقنا معه اشوف رايي صحيح وليه كثر النزاع ايثارك ان كان ماهو طبع - لا تصنعه - #سلطان_النماصي

- اللهم ارحم والدي رحمةً تسع السماوات والأرض، اللهم اجعل قبره في نورٍ دائم لا ينقطع ، واجعله في جنتك آمنًا مطمئنًا يارب العالمين

@majed_almhl تسلم والمبروك اللي يجوز لك

@snjari_7 مطيحك اللي صنَعْك وقمت منّه شجاع لو تجتمع دونه اهل الارض ماتمنعه يااااااااسلاااام

ياهل الشِعر كيف حالكم ملينا من الأبيات المعروفة، وشبعنا من شوفتها، لذلك نبغى فقرة لأبيات غير معروفة ويازينها لو تكون طازجة محد قراها .. اتحفونا