سرور

@QIqi8_ مادة الفنية والله انها تلم شمل الطلاب افرشوا لهم سفره على الارض مجموعات وعطيه ادوات تلقائي بيطلبونه وبتتغير نظرتهم له

كيف نحل هذي الظاهره بالمدارس والله يقطعون القلب😭😭😭😭

@Askmuhami هذا احد الاسباب اللي يمنع دخولكم بدون حجز مسبق ترى هي تقدر تشتكيك بمخالفة النظام ويترتب عليها عقوبات لو انها رفعت فيك شكوى بدون تتكلم معك زياده كان طبقت النظام مباشرة

من الخاص📩 السلام عليكم تكفون دلوني وش التصرف الصحيح ( السالفه ومافيها رحت لمدرسة بنتي عشان استأذن لها ودخلت وانا مرّه حرّانه المهم وقعت بيانات الاستئذان وجلست على كرسي منفرد داخل غرفة الاداريات وكان الكرسي عند باب غرفة الاداره من الداخل .. يعني لايضايقهم وجودي ولا يثقل عليهم - المهم قالت وحده منهم لو سمحتي تفضلي اطلعي ( برا ) هذا المكان مو مسموح لك الجلوس فيه وفيه تعميم بكذا ( انا استفزتني كلمة برا ) وقلت لها بصراحه مارح أطلع وفينه التعميم الي يقول اني اطلع برا .. وبعدين قالت والله بتطلعين .. ولا مارح اطلع بنتك .. قلت لها والله ما أطلع بصوت مو عالي .. المهم قامت وقالت بصوت عالي ( لأنك قليلة حيا ومتخلفه ) المهم قلت انا للي موجودين : تشهدون على كلامها ؛ قالت سوي الي تسوينه ( كلي تراب ) وبصوت عالي برضه وكانت وحده من الادارايات ماسكتها لانها باقي شوي وتضارب . المهم انا رحت للمديره وقالت المديره اكتبي محضر بلي صار وكتبت كل شي وبعدين يومين رحت للمدرسه ما أتصلو علي وقلت لهم وش صار ؟ قالو بنسوي اجتماع عباره عن معلمات من المدرسه وبعدها نقلك قراراتنا .. المهم جيتهم بعد يومين وبرضه محد اتصل علي .. قالو المديره تعبانه مره وغايبه وتعالي الاجتماع ورح نخليها تجي وتعتذر وامسحيها بوجوهنا ومن ذلكلام .. المهم استحيت من المعلمات وقلت خلاص خلوها تجي وتعتذر امامكم وامام الي غلطت علي قدامهم ( جت وهي تنفخ وكل كلامها هجومي وقالت اذا غلطت فأنا اعتذر من اي شخص غلطت بحقه ) قلت بصوت عالي وواضح ( تعتذرين من مين ) قاالت من اي شخص غلطت عليه وعدت كلامي وقلت تعتذرين من مين .. قالت نفس كلامها أول المهم قمت انا وقلت اعتذارك ذا مو مقبول وانا بعرف كيف اخذ حقي ورحت لمكتب التعليم رفعت شكوى هل تكفي انا أحس اني مقهوره وابغى اخذ حقي وأرد اعتباري وماني عارفه كيف اتصرف

@MohmmdShaa68136 @dt7_9 ناجح مع الاعداد القليله

@dt7_9 ممتاز الدمج 100%100 ناجح في علاج التوحد

طفل عمره ٤ سنوات مصاب بالتوحد ولا يستطيع الكلام لكنه لطيف وحبوب وذكي وهو في مدرسة عادية ليست للمصابين بالتوحد وصل هذا المقطع لأمه من المدرسة وزميلته الصغيرة الغير مصابه بالتوحد تغمره بالحب والحنان .. الأم ممنونة جدا لكل الحب والحنان الذي تلقاه ابنها من زميلته الصغيرة في المدرسة بالحب والحنان واللطف نتداوى.

@amalesm @m9fpa نصابه لايقل عن 8 حصص

@m9fpa مرشد الصحي لاهو طبيب ينتظرون منه علاج، ولا ممرض ينتظرون منه خدمات طبية. أقل شيء ممكن يقدمه توعية ومكالمة للأهل ياخذون ولدهم التعبان. ونصابه نظامًا ٨ حصص وبدون انتظار.. وله برنامج في الاستثمار الأمثل.

سؤال : للمعلمين والمعلمات لو عرض عليك : - مدير مدرسة - وكيل مدرسة - مشرف تربوي - موجه طلابي - رائد نشاط - مرشد صحي - البقاء معلم أيها تختار ؟ 🤔

@N__nn1277 وشلون تشبع نوم وهي تصحى الفجر مثل الموظفه تصلي وتجهز الفطور واذا عندها عيال لبستهم وكلتهم ثم تشتغل ع الغدا ويمكن ماعندها عامله تبدا تنظف كل شي واحسبي حساب حق ضيوف الفجأة وغيرهم بس مهما حاولت ماتقدر تطلع بأجمل صورة إلا إذا حطت فلوس على عنايتها بنفسها وهنا نستشعر نعمة الوظيفة.

من الخاص✉️ أنا إذا شفت بنت ربة منزل وزوجها يصرف عليها وموفر لها احتياجها، والصبح تشبع نوم وتستقبل عيالها وزوجها لما يرجعوا من الدوام بنفسيه حلوه يجيني شعور حزن عميق واكره وظيفتي واشوف الحياة رمادية حتى دوامي يصير ثقيل علي سؤالي كيف أتجاوز هذا الشعور؟؟ لحد يقول افصلي وظيفتي حكومية صعب افرط فيها

@SaudiNews50 ليه مافي اقل 💔😭 ماوصلت هالعدد

رسميًا.. فتح التقديم على التقاعد المبكر الاستثنائي للمعلمين والمعلمات لمن أكمل 20 سنه خدمة، بعد دراسة حالة الطلب. -

@b3b3gs @milil_52 ماعجبك انتي بس كلنا عاجبنا إلا انتي هههه

@milil_52 لا هذا غلط بعدين هي تروح تحب غيره وتمد يدها عليه وتتطاول وتدور الشخص اللي يغار عليها ويتحكم في كل شي معها ويكون رجال ترى الحريه الكامله مو حلوه عمك كلامه خطا ماعجبني وانا بنت

اخوي تزوج وعمي مرسله هالنصايح :

@SD_DS8 أنا شفت وحده تفطر على طحين ومويا واذا سالتها تقول وجبتها المفضله

شغالة اختي لما اختي ركبت الكاميرات وشافتها وهذا وهي معها مصروف لحاله للاكل وتروح البقاله 🤣🤣

@1bohe مالت على هالبنت اللي ماتفهم بالذوق

امي تفشلنا قدام صديقاتنا مسويه شبابية وهي بالاربعين او الخمسين ..🤔 يعني الواحد اذا كبر بعمره خلاص ماله حق يتمتع بعمره وصار يفشل ، ولا ذا تفكير مراهقات بس سؤالي لكم مين اللي يفشل ؟

@1p______ تكره زوجك مو تكرهك بينهم ماضي عداوة

من تزوجت زوجي ووحده من خواته تكرهني والله ما كنت أعرف إنو في ناس كذا 💔💔

@Ask__Education منتدبه ليه احط نعم

🇸🇦 مـﻧـــ الخاصــ 📩 في اسئلة التقييم الذاتي خاصة بالمدير هل اعطاك تغذية راجعه هل جلست معك الخ .. وش احط الجواب اذا كان لم يحصل مانبي ندخل في صدام مع المدير اذا هو يطّلع على التقييم . #الأداء_الوظيفي

@3ajel_ksa ماعمري دعمت فيه

🚨قريبا ايقاف خاصة الدعم في بثوث التيك توك وجميع مواقع التواصل الاجتماعي داخل المملكة.

@SaudiNews50 الله يرحمها ويغفر لها

وفاة الفنانة "حياة الفهد" . -

@abbddq وضعنا الحالي يسر ومريح الله لايغير علينا امن وامان وسعاده واعتدال

من سياساتي اذا فتحت كوفي ولا مطعم باذن الله اول شي مكان الشباب لحال ومكان البنات لحال والعوايل لحال ثاني شي كاشير العوايل والبنات بخليهم بنات وكاشير الشباب بخليهم رجال باب العوايل لحال وباب الافراد لحال يعني كل واحد يجي يتقهوى ولا يتغدا ياخذ راحته على اكمل وجهه

@Mr_Ph2023 بصراحة هي غلطت من البداية مفروض تقول له انها مو منقبه عشان مايتصادمون بعدين وهذي غلطتهم الاثنين. في عوائل محجبين وفي عوائل منقبين الواحد مايقدم خطوه على الزواج إلا وعارف عادات وتقاليد الثاني عشان مايدخلون بالنوايا وتتصعد مشاكل كل واحد ياخذ من يشبهه افضل وأسلم بس في ناس ماتفكر صح.

@SALIFATI9 وثق كلامها و ارسله بقروب الجماعه اللي فيه ابوها

#سالفتي بنسافر انا وزوجتي تايلند بالصيفيه وحجزنا وكل شيء بس الحين تقولي ترى ما بلبس نقاب هناك والعبايه بستبدلها بلبس فضفاض طويل وقلت لها لا ، بس تقول كنسل السفريه حنا رايحين ننبسط مو ننكتم ، وش رايكم عادي هناك ولا بحصل مشاكل ؟

@lara19ry وبكره تتحلطم ليه مايعايدون عيالي ليه مايحبونهم ليه مايفزعون لهم ، اي فعل تسوينه الحين احسبي حسابه بالمستقبل وش بيصير بقربهم او ببعدهم .

من الخاص: أهل زوجي مقررين يطلعون مخيم هم وعيالهم والاحفاد فقط والامهات زوجات عيالهم مايجون صدق اللي استحوا ماتوا ه اعتذرت قلت لهم بناتي مايروحون بدوئي وكلهم قلدوني زوجات العيال ، هل انا اخطئت ؟؟

@lara19ry يمكن في سلوكة او طبعه مشكله مو حاس فيها مثلا عصبي جدا وقد يؤذي إذا عصب او شكاك مثل كذا يعني الناس تلاحظ بس الواحد يجهل هالشي او ممكن الوالده خايفه ينقطع عنها المصروف والعمره بسبب توعها الانشغال بالمسؤوليات

من الخاص: انا شاب في الثلاثينات اعمل مهندس في المنطقة الشرقية قبل سنتين ونص كلمت الوالدة عشان تبحث لي عن زوجة وحتى الان ما حصل شي,, بين فترة وفترة اذكرها بالموضوع ويبدا النقاش وينتهي برفع الاصوات,, باختصار غير مقتنعة,, تقول لي ليش تتزوج ؟ انت كبرت على الزواج مين يقبل فيك ؟ بشوف لك مطلقة وربي عيالها , من وين لك فلوس ؟ انت انسان غير اجتماعي مين يقبل فيك؟ انت سيارتك نازلة تفشل المتزوج يركب سيارة مرتفعة, لازم تسفرها ولما ترجعون تسكنون في منطقة فخمة والمهر والشبكة 100 الف ريال والعرس لازم يكون العرس الفلاني. باختصار نظرتها للزواج فشخرة وماديات وتفاخر ولو نفذت طلباتها راح افلس وعلى هالحال كل شهرين افتح الموضوع الى ان صارت تصرفني تقول البحث يطول سنة وارجع لها بعد فترة تقول لي مشغولة مو فاضية لك,, كلمت اخواتي وحدة تقول ( الوالدة تبحث لك) والثانية تقول (ما لي شغل),, كلمت عماتي وما قصروا ارسلوا قائمة للوالدة وقلت لها يلا اخطبي لي ورفضت بحجة انها ما تعرفهم مع انهم من نفس القبيلة بعد مرور عدة أشهر انتشر الكلام للاقارب ان الوالدة واقفة في وجهي ووصل لها الكلام وبدات تبحث لي لكن جابت لي مواصفات عكس اللي طلبتها طبعا رفضت وقالت لي هذا الموجود ومومقتنع بكلامها ,, عرضت فلوس على الوالدة واخواتي ورفضوا,, عرضت فلوس على عماتي وايضا رفضوا, طلبت منهم يخطبون لي (وحدة تقول لي عيب) والثانية تقول اصبر وحاول معها واستغفر ومن هذا الكلام,, بعد فترة زرتهم وكلمتهم بالموضوع ولا في فايدة توجهت الى أئمة المساجد وما حصلت الا الوعود ولا صار شي,, توجهت الى وزارة الشؤون الاجتماعية قسم الزواج بمجهولين الهوية وما حصلت الا موظفات وتركتهم,, كلمت اصحابي اقول لهم كيف اتزوج؟ اغلبهم يقول كلم اهلك واللي يقول شايفني خطابة ؟؟ واحد يطالعني بنظرة فيها استغراب, واحد فقط تجاوب معي وعرض علي بنت من اقاربه واتضح انها كبيرة في العمر,, الوالد يشجعني على الزواج لكن مع الاسف الوالدة مسيطرة عليه بحكم شخصيته ضعيفة وتقول له قدامي انها راح تبحث وتخطب وبعدها يموت الموضوع,, كلمت خطابات وحصلت على قبول مبدئي وزرت اكثر من بيت لكن مع الاسف الناس ما تتقبل اللي جاي لحاله,وبعضهم يشرط الخطبة تتم عن طريق الحريم اولا ثم الرجال, كلمت عمي عشان يجي معي وقال لي مين هذولي عطني اسمهم ورقمهم عشان اسال عنهم وعطيته اللي يبي ولا سوا شي,, الوالد ما اثق فيه بصراحة لانه من النوع اللي يقول للوالدة كل شي واذا درت راح تخرب علي,, الوالدة ما شفت منها الا كل خير لكن مع الاسف متفرعنة في موضوع الزواج مع العلم انها من النوع اللي تخاف من الناس وداخل البيت هي المسيطرة قلت لها تزوجيني ولا اتزوج من برا؟ قالت ما راح ارضى عنك,,, كنت اعطيها مصروف شهري وقطعته عنها وكنت اخذها للعمرة كل سنة وبطلت وقالت لي ما راح تتوفق انا حاليا وصلت الى طريق مسدود,, هل يوجد حلول ؟ هل يوجد منطقة بالمملكة يقبلون بواحد يجي لحاله ولا اتوجه الى الخارج ؟

@M91k8 اهم شي لبس المطبخ وقت الطبخ غير لان ريحة الاكل تلصق بالملابس

طحت على هوشه بالتيك 😂 فيه بنات مقتنعين إن البجامة للنوم بس وفيه اللي يقولون أنا لابستها طول اليوم بالبيت وش المشكلة؟ أنتم مع أي فريق؟

@Aenalhagegah بيجف شعره وملابسه من الشغب بالفصل ولا الهروب من الفصل خلوا الطبيعه تاخذ مجراها البنين حركيين مايقعدون

🔴ظهر موجه طلابي مخلص في عمله عبر مقطع متداول في أحد المدارس وهو يحمي الطلاب عند دخولهم للمدرسة بشماغة من المطر حتى لا يصابون بالبرد وتبتل ملابسهم . حيث تُعد مهنة التعليم رسالة سامية، ووصفها بأنها "مهنة الأنبياء" يعود لكون الأنبياء والرسل بُعثوا معلمين ومُرشدين للبشرية، ناشرين للعلم والقيم الأخلاقية. قال رسول الله صل الله عليه وسلم: إن الله لم يبعثني مُعنّتا ولا مُتَعنّتا، ولكن بعثني مُعلّما ميسرا. رواه الإمام مسلم. #صحيفة_عين_الحقيقة

@z21of ماهي ثقافه وش دخل الثقافة بالموضوع هي بس ارغب او لاارغب يعني شعور لاأقل ولااكثر.