Speaker of Nepal

२०७९ सालको दसैं, तिहार, छठ लगायतका राष्ट्रिय पर्वहरु र नेपाल सम्वत् ११४३ को अवसरमा सम्पूर्ण दिदीबहिनी एवं दाजुभाइहरुमा हार्दिक बधाई तथा शुभकामना व्यक्त गर्दछु ।

जनताका प्रतिनिधिहरुले संविधान सभामार्फत् संविधान निर्माण गरी जारी भएको ७ बर्ष पूरा भएको सुखद अवसरमा देश तथा विदेशमा रहनुभएका सम्पूर्ण नेपाली दिदीबहिनी एवम् दाजुभाइहरुमा हार्दिक बधाई एवं शुभकामना व्यक्त गर्दछु ।

हाम्रो निमन्त्रणामा नेपाल भ्रमण गर्नु भएकोमा महामहिम ली चान्शु र प्रतिनिधिमण्डलप्रति विशेष आभार व्यक्त गर्दछु। उहाँसँगको शिष्टाचार भेट र द्विपक्षीय वार्ता सौहार्दपूर्ण रह्यो। भ्रमणका क्रममा नेपाल र चीनबीच भएको अन्तरसंसदीय समझदारीले दुई देशबीचको सम्बन्धलाई थप उपचाइमा पुर्याएको छ।

हरितालिका तीज २०७९ का अवसरमा सम्पूर्ण नेपाली दिदीबहिनीहरुमा हार्दिक बधाई एवं शुभकामना व्यक्त गर्दछु ।

सादा जीवन उच्च विचारको आदर्शलाई व्यवहारमा चरितार्थ गर्न सफल माननीय सदस्य एवं प्रखर समाजवादी चिन्तक प्रदीप गिरीको निधनले स्तब्ध बनाएको छ। दिवंगत गिरिप्रति भावपूर्ण श्रद्धाञ्जली । शोकसन्तप्त परिवार एवं आफन्तमा गहिरो समवेदना । नेपाली समाजमा उहाँको योगदान सदा स्मरणीय रहने छ ।

प्रतिनिधि सभाका माननीय उपसभामुख पुष्पा भुसाल (गौतम) की आमा ९१ वर्षीय शारदा गौतमको आज भएको दुःखद निधनले स्तब्ध बनाएको छ। दिवंगत शारदा गौतमप्रति भावपूर्ण श्रद्धाञ्जली ! शोकमा रहनु भएका माननीय उपसभामुख पुष्पा भुसाल (गौतम) लगायत परिवार एवम् आफन्तहरुमा गहिरो समवेदना व्यक्त गर्दछु ।

प्रतिनिधि सभाका माननीय सदस्य एवं विद्वान समाजवादी चिन्तक प्रदिप गिरीको स्वास्थ्यमा लामो समयदेखि समस्या भएको जानकारी थियो । हिजो साँझ अस्पताल पुगेर स्वास्थ्य अवस्थाबारे थप जानकारी लिएँ । सघन उपचारमा रहनु भएका माननीय गिरीको शीघ्र स्वास्थ्य लाभको कामना गर्दछु ।

इस्लाम धर्मावलम्बीहरूको महान् पर्व बकर इदका अवसरमा यो पर्व मनाउनु हुने नेपाली दिदीबहिनी एवं दाजुभाइहरुमा हार्दिक शुभकामना व्यक्त गर्दछु ।

हाम्रो असल मित्र देश जापानका पूर्व प्रधानमन्त्री सिन्जो आबेमाथि भएको साङ्घातिक आक्रमणबाट उहाँको निधन भएको खबरले स्तब्ध बनाएको छ। यस दु:खद घडीमा दिवङ्गत आबेप्रति भावपूर्ण श्रद्धाञ्जली ! संघीय संसद र ब्यक्तिगततर्फबाट सम्पूर्ण जापानी जनताप्रति गहिरो समवेदना व्यक्त गर्दछु ।

‘संसद दिवस २०७९’ को अवसरमा सम्पूर्ण नेपाली दिदीबहिनी तथा दाजुभाइहरुमा शुभकामना व्यक्त गर्दछु ।

मानव सभ्यता र आधुनिक विकासक्रमले उच्चता कायम गरिसक्दा समेत समाजमा भेदभाव र छुवाछूत जस्ता अमानवीय सोच कायम रहनु हामी मानव जातिकै उपहास हो । जातीय भेदभाव तथा छुवाछूत उन्मूलन राष्ट्रिय दिवसका अवसरमा यस्ता हानिकारक परम्परागत अभ्याससँग जोडिएका सोचबाट मुक्तिका लागि सामूहिक प्रण गरौं।

जेठ १५ गते विहान पोखराबाट जोमसोमका लागि उडेको तारा एयरको विमान दुर्घटना भई विमानमा सवार सबै यात्रु र चालक दलका सदस्यहरुको निधन भएको खबरले मर्माहत बनाएको छ। यस दुःखद घडीमा दिवंगत सबैमा भावपूर्ण श्रद्धाञ्जली अर्पण गर्दै शोकाकुल परिवार एवं आफन्तजनमा गहिरो समवेदना व्यक्त गर्दछु।

गणतन्त्र दिवसका अवसरमा देश विदेशमा रहनुभएका सम्पूर्ण नेपाली दिदीबहिनी एवं दाजुभाइहरुमा हार्दिक बधाई एवं शुभकामना व्यक्त गर्दछु ।

प्रकृति पूजक किराँत समुदायले मनाउने उभौलीका अवसरमा राई, लिम्बू, याक्खा, सुनुवारलगायत किराँत समुदायका सम्पूर्णमा हार्दिक शुुभकामना व्यक्त गर्दछु । उभौली पर्वले सामाजिक सद्भाव र एकताका लागि थप टेवा पुग्ने विश्वास लिएको छु ।

२५६६ औं बुद्ध जयन्तीका अवसरमा सबै नेपाली दिदीबहिनी एवं दाजुभाइमा हार्दिक शुभकामना व्यक्त गर्दछु ।

इस्लाम धर्मावलम्बीहरूको पर्व ईद (ईद उल फित्र) का अवसरमा यो पर्व मनाउनुहुने सम्पूर्ण नेपाली दाजुभाइ तथा दिदीबहिनीहरुमा हार्दिक शुभकामना व्यक्त गर्दछु । पर्वले नेपाली मौलिकता एवं विविधतालाई संरक्षण गर्दै भातृत्व र मजबुत राष्ट्रिय एकताका लागि प्रेरणा मिल्ने विश्वास लिएको छु ।

विश्व प्रेस स्वतन्त्रता दिवसका अवसरमा सञ्चारजगत् सम्बद्ध सबैमा हार्दिक बधाई एवं शुुभकामना व्यक्त गर्दछु । नेपालमा प्रेस तथा अभिव्यक्ति स्वतन्त्रताका निम्ति भएका संघर्षहरुमा आफ्नो अमूल्य जीवन अर्पण गरेका सम्पूर्णमा भावपूर्ण श्रद्धाञ्जली अर्पण गर्दछु ।

१३३ औं अन्तर्राष्ट्रिय श्रमिक दिवसका अवसरमा सम्पूर्ण श्रमजीवी मजदुर वर्गमा हार्दिक बधाई एवं शुभकामना व्यक्त गर्दछु ।

नव बर्ष २०७९ साल प्रारम्भको अवसरमा देश विदेशमा रहनु भएका सम्पूर्ण नेपाली दिदीबहिनी एवं दाजुभाइहरुमा सुख, समृद्धि, सुस्वास्थ्य र सफलताको हार्दिक शुभकामना व्यक्त गर्दछु ।

काठमाडौं उपत्यकासहित पहाडी जिल्लाहरुमा आज र तराई/मधेशका जिल्लाहरुमा भोलि हर्षोल्लासका साथ मनाइने रङ्गहरुको उत्सव फागु पूर्णिमा (होली पर्व) २०७८ को अवसरमा सम्पूर्ण नेपाली दिदीबहिनी तथा दाजुभाइहरुमा हार्दिक शुभकामना व्यक्त गर्दछु ।