نوااف الحربي

مدري انا ليه صنتك وانت خاذلني ولو مابقيلك غلا في قلبي اصونك ماني معاملك مثل اللي تعاملني وافي بطبعي..وخاين بس بعيونك #بوح_آخر_الليل

بين الطواري وصمت الليل والذكرى وشعور حزن البطا ومفارق اللمّه وقلوب تهوى السهر في ليلة القمرى ً وشوقي لمن لاترك حبّه ولا تمّه #بوح_آخر_الليل

سكون الليل لاتسأل ترى ماباقي إلّا الصمت ليال البوح طافت وانطوت في عالم الذكرى بنيت من الأيمل حلمِي وصدّقت وغفيت ونمت صحيت وكل مافي خاطري ابعد من القمرى #بوح_آخر_الليل

خفتي من الخذلان ومغليك خايف وطبع البشر مابين مخطي وصايب لكن ترى ودْ القلوب الولايف يبقى ولو كثرت عليه الصعايب #بوح_آخر_الليل

قالو تحب الصمت قلت الهوا شمس تشرق بقلبي لاخذا الصمت بوحي اعيش مع طيفه وبوحي لها همس وتجمع شتات الهمس روحه وروحي #بوح_آخر_الليل

ان كنت تجهل وش سبايب برودي واني قريب اليوم ومن بكره اروح انا غريب اطوار واعرف حدودي ويصعب عليْ اكون سبّه لمجروح لا تندمين ان مااوصلنّك ردودي الصمت بعض احيان ابلغ من البوح #بوح_آخر_الليل

بيني وبينك بالخواطر مراسيل تطغى على شعور الجفا والعزيمه غلاك ثابت كنّه الجدي وسهيل والليل عطرك مايفارق نسيمه هاذا شعوري ماتهم التفاصيل من قلب صادق والنوايا سليمه #بوح_آخر_الليل

حلم عمري مثل حلمي في منامي وان بغيته صدق محتاج الشجاعه خايف الجرأه تقل من احترامي وخايف ان سرّي يسولف بالاذاعه #بوح_آخر_الليل

لو كل شي بحياتي يرضي طموحي ماعشت عمري بعيد وخاطري متعب خل الغلا واحفظه من روحك لروحي والحب ياشوق لايُعطى ولا يُطلب #بوح_آخر_الليل

ماعاد باقي شي يمكن نقوله الوضع نفسه ماتغيّر ولاشي القلب ضايع والاماني خجوله حتى الشغف لاهو بميّت ولا حي #بوح_آخر_الليل

تميّز مساك بروعة البوح والطلّه والمبسم اللي يذوب احساس وعذوبه من لايراعي شعورك بالغلا خلّه واختار من يبتدي بدرب الهوا دوبه وابعد عن اللي طواه الحزن واحتلّه ماعاد ياثق بأحد وناوي على التّوبه #بوح_آخر_الليل

قبل امس مرَت واعترض دونها الغيم لو ان مايحفِي سنا الشمس غيمه بس ارتوت روحي لو ان المطر ديم وقت المحل يكفي من الوبل ديمه #بوح_آخر_الليل

مدري تأكدت ولّا مصدّق اوهامي وإذا الأمر صدق وين العقل والمنطق ليش اشتري هم..ماتكفيني آلامي ووش ذنب قلبٍ وثق في قلبي وصدّق #بوح_آخر_الليل

كلٍّ بهالدنيا مع الوقت ينسى أمّا بحكم ظروف ولّا تخلّي والحب مركب والثقه دوم مرسى واللي موللي لو منعته موللي #بوح_آخر_الليل

قولو لها ماني على خبرها العام القلب شايب والهقاوي رديّه بعد العشا انصى المعاميل وانام الفرش جاعد والوساده يديّه #بوح_آخر_الليل

انت العوض لكن لو اعطيتني وقت امسح جروح العام وانسى طموحي محتاج خمس سنين في مرحلة صمت لاتسمع اخباري ولا تشوف بوحي امّا غلبني الشوق ولّا تحكّمت وسلّمتك احساسي وقلبي وروحي #بوح_آخر_الليل

قالت مواعيد الهوا خلّها عنك من لا يداري شيمتي لايجيني وخذ الكلام الصدق منّي ماهو منك لا عاد تطريني ولا ترتجيني قال العفو يابنت الاجواد ضامنك ماني عديم اخلاق بس افهميني اللي اعرفه والذي سامعه عنك يكفي..وقدرك فوق راسي وعيني #بوح_آخر_الليل

هلا في ليلة المسرى..هلا في خطوة الفرقى هلا في ماتبقّى من حنين.. وكسرة الخاطر تأمَلت العنا ينزل..ولكن العنا يرقا وتوارت كل احلام الغلا.. ياحظي العاثر دخيلك لاتمنيني..ترى بس الألم يبقى وطيوف الحزن ماتهدى..وقلبي انهار ويكابر #بوح_آخر_الليل

ادري بلا موعد تفاجئك الحروف وقلبك يقول إبعد..وروحك تزهده هاذا انا..في مثل ماعينك تشوف مالي حياة ولا صفاة محدّده ولا انته بعد مثلي..ولا تقوى الظروف وكل الطرق ياعين ابوي مسدّده #بوح_آخر_الليل