Sabitlenmiş Tweet
👸🏻
489 posts
العربية
مبروك لدفعة ٢٧ الي انقبلوا 🥳
هذي نصائح راح تفيدكم بإذن الله حاولوا تطبقوها في السنة التحضيرية:
١- لا تصاحبوا اول بنت تشوفها في اول يوم و تكملوا تمشو معاها بقية السنة ولا تتعرفوا على اي احد تاني ، الجامعة مليانة ناس و ممكن الي تصاحبيها اول وحدة ما تكون افضل شي ف لا تشبطي في اول بنت و ما تعطي فرصة تتعرفي على الكل - على فكرة مو كل زميلة ، صحبة . و مو لازم انه يكون عندك صحبات اهم شي معارف و علاقتك كويسة معاهم
٢- سيرة المعارف ، كونو علاقااااات قدددد ما تقدروووووا ، خشو أندية و تطوع و حاجات زي كذا هي الي منجد توسع دائرة علاقاتكم مره و اقدر اقلكم انه الشي دا مهم مره فوق ما تتخيلو
٣- احضروا اللقاء التعريفي . وقتها حتحسوا انه ما استفدتو شي و ما منه فايدة لكن معلومة وحدة بالنسبة لي كانت مره مهمة انه كل طالب جامعي يعرفها بالذات انه نائبة الجامعة الي قالتها + اتعرفت على وحدة من دفعة اكبر مني و فادتني جداً
٤- الي يقلك المكافأة ما تكفي لا تسمع له ، كله خير و نعمة و اهم شي تأخذ جزء منه تحطه في ادخارات مستحيل ، مستحيل ، مستحيل تصرف المبلغ كلو هذا اكبر غلط ممكن تسويه . كل ما بدأت تتدخر بدري كل ما انت في مكان افضل مستقبلاً ولو فعلاً انت مصاريفك كثيرة لسببٍ ما دور على شي تسويه عشان تزيد من مصدر دخلك لكن أبداً لا تصرف كل شي و ما تحط اي حاجة في ادخارات او استثمارات
٥- هذا خصيصاً للناس الي لغتهم كويسة و شالوا الانقلش، اول سنة شلت الانقلش ف منجد كان دوامي مره خفييييف. و كان بالنسبة لي صدمة كبيرة بين المدرسة و الجامعة لانه في المدرسة كان دوامي كل يوم اكثر من ٧ ساعات ، ٥ ايام في الاسبوع . ف جيت الجامعة الدوام خفيف مره اتعودت على الكسل . هذي غالباً بتكون أفضى سنة فحياتكم كلها ، استغلوها في انكم تبنو شي، تتعلموا مهارة ، تاخدوا وظيفة part time اي حاجة ! اهم شي استفيدوا من الوقت الفارغ هذا لانه غالباً لمه تروحوا الكلية الوضع بيكون جداً مختلف
و هذا الشي كنت اعرفه لكن للأسف ما طبقت الكلام على اكمل صورة و انشغلت بحاجات مالها داعي ولا اذكرها حتى 😅 ف لا تكونوا كذا و اتحكموا بوقتكم لأنها فترة ذهبية لبناء نفسكم
الي عنده نصايح تانية يكتبها في التعليقات نخلي الجميع يستفيد
العربية
فيه ريحه للصبح ماقدرت اميز وش هي
دايما تكون من الشروق لين 7 او 7:30
حافظها لان الابتدائي كله كنت اروح للمدرسه رجليه
العربية