عبدالمحسن الصغيّر

الحطب عند الكريم بموقد النار وعند البخيل يصير عش لحمامه و راعي البخل دايمٍ عنده اعذار وحرص الكريم اقتصر في كلامه .!

الجاذبيه نظرتك خلي نيوتن يولي لو شافها يمكن قوانينه ماتدرسْ !

@A2030AKsaksa @khalid_oun @yvvuuy ماهو منبعج انت قريته غلط والظاهر انك شددت على الحاء بكلم أحد والقرايه الصحيحه أحْد

@khalid_oun @yvvuuy عندك برنامج شعر ومعجبك بيت شطره الثاني منبعج 😇

مشاعل عبدالعزيز أشعر من ثلاث ارباع الشعار اللي بالساحة حاليًا، واللي عقد روس الحبال يحلّها

الله يعين قلوب ميلادك ياتسعين وليت المصاحف ترتفع فوق الأسنّه ماهو بيعني لأجل عينك يافلسطين اضرب بدفّي ورى اللي يقتلون السنّه #الخليج_العربي

- مانخون العقيده والعقيده هي الدين ومانخون القدس الأقصى ومالنا منّه اهل الكفر والشرك مابينهم طاغين والاصيل اليوم مابين شاهيّه وبنّه ياجاحد التمره من بعد ماكلتها وين راحت ايامٍ بها عايش بوسط جنّه اشوفها فتنه مالها عقلٍ ولا عين كنّها الاعور الدجّال وكن بها منّه

مالي هوا بالشعر لكن بنا شيء يسطي على المشاعر لو ان الجو ماهو بخلاب هذا عمى عينه بكفّه وذا بعد يمطي فوق القرايب ولا على ظهر الاصحاب ماهو بلانا بالزمن من ياخذ ويعطي إلا من شحيحٍ ناش كل ثوبٍ وجلباب والمعتدي لابد يخسى ويعقب ويبطي ضلوعنا ماهي حطب يكسره كل حطاب

حدوك طوال الأيدي تحذف المنشور وتجحد ظاهر الكلمه و باطنها 🇸🇦

انا مدري وش اقول بمرحلة مدري!؟ سوالف النفس ل النفس مافيها يقين استعجل الخير دايم وياقل صبري مدري ومدري بس انا بالله استعين

أن قلت ان النوايا بيض ف هو مدح وان قلت سود ف هو ذم البيت حسب تصنيف النوايا هذا واللهُ أعلم .

لاتخذلون الكريم اللي مايهاب الفقر من خلقت الدنيا وهو ،،للعطا ضاري ينجرح لاشاف بحْسابه تسيّد صفر وهو مايعرف إلا بين معطي وشاري

@Alrayapoet حرٍ فرد جنحانه وضمّ المدى طولٍ ب عرض به من مواري سيّدي سلمان لا ضمّ المدى تقول كنّه حالفٍ ماهو موقّع ب اي ارض اما على روس القمم ولا على روس العدا #الموسم_الرابع #شاعر_الراية

شجاعٍ ما علي من الرياح العاتيه لاهبّت إلا بوجهك يالمحبّه مستسلم و أكبر جبان فضيحه ملامح الوجه ل شعور الود ماغبّت جيتك معاتب زعل خلتني اطاوعك بالعصيان

عطر من الصبا والحب للحين فايح وطير المحبّه حر مافاد حبسه شفت النهار اللي على الليل سايح كنّه بياضك داهم الكحل شمسه لا ملام و لا تقولون النصايح رمّان قلبي للهوا حَبّه و دبسه للعقل سترْ وشغلة العين الفضايح كل ماشافته كنّها تشعر بلمسه !

@g_as @mansour1917 حتى لو كان اعمى الشاعر يتأثر بالمجتمع اللي حوله ويسمع والعرب على ايامه اهل امثال ووصف

@mansour1917 وصف بشار ابن برد وهو اعمى كأن مثار النقع فوق رؤوسنا وأسيافنا ليلٌ تهاوى كواكبه

(وصف امرؤ القيس جبلَ ثبير تحت غزارة المطر، كأنه شيخٌ في بِجادٍ مُزَمَّل "البجاد المزمل كِساءٌ مُخطَّط" فقال: كأنَّ ثبيراً في عرانين وَبْلِهِ كبيرُ أُناسٍ في بِجادٍ مُزَمَّلِ كأن امرأ القيس صَوَّرَ لنا المشهد بآلة تصوير!).

﴿فَرَدَدْنَاهُ إِلَىٰ أُمِّهِ كَيْ تَقَرَّ عَيْنُهَا وَلَا تَحْزَنَ وَلِتَعْلَمَ أَنَّ وَعْدَ اللَّهِ حَقٌّ﴾

{اللَّهُ يَبْسُطُ الرِّزْقَ لِمَن يَشَاء مِنْ عِبَادِهِ وَيَقْدِرُ لَهُ}

يالله ياخالقٍ تحت الجبال اوتاد ثبّت عقولنا وقلوبنا من دونها حقق لنا احلامْ حنا وراها طراد واللي بها طاعون تموت في طاعونها ياصاحب البرده عقب راحت لك سعاد بتعود لك لابد وسنونها سنونها . ان كان غصب ولا طيب يا امّة الضاد عنتر معَ عبلا وليلى معَ مجنونها

يانفسي اللي احسك اكبر من سنيني ارجعي يافعه والله على هذي يقدّيك حان وقتك يافرح تعال وعيش فيني ولا من ضيقةٍ بالبال ماجاك يكفيك . #لاعت_چبودنا

حنانيك والدنيا تبي منْك وتبي منْها ومابين الرجاء والياس شعرةٍ بلقا كان عندك قصيدة حب ياقلب غنْها وحبٍ بغير محبوبي فيك كيف بلقا الكلمه الجارحه داخل الصدر صنْها وان قلتها صارت قلوب الاحباب فلقا والراقصه هجرست خيّب الله فنْها و كل يدٍ صفّقت نادت عيون غلقا ! .

ليلٍ رفيقٍ لي وليل ماهو رفيق وارفقي بي يانفس لوّامه ارفقي ماقدر احدد وين انا في ذا الطريق اعوذ بالله لايختلط دمعي بعرقي الخشب ماهو بمكتوبٍ له غريق لكن انه في كل نارٍ غدا مشتقي شوف فيني ياوليفي بعيني بريق بريقٍ يتقي غيرك ولك مايتقي

غلطة الرجال لاصار حساس وكتوم اشره ، والكلمه اللي ماتبيها بدّها بعض المشاريه هي تجعل الخوّه تدوم خاصه ليا صار صاحبك رجّالٍ قدّها ضيق الصدر ماحدٍ منه ياناس مْحروم ونفوسنا مثل البحر جزر ولا مدّها ونا والله اني بي فراسه ماني غشوم وكل نفسٍ ارتدّت شيمةٍ ماردّها .!