‏𓃭

مشهد ذكرني بأبيات البدر الله يرحمه: هلّي الجدايل ظلّليني عن الشمس وداري جبيني عن لهيب السمومي لا تسأليني عن عذاب مضى امس أنا نصيتك هاربٍ من همومي ..

ما بين نافذة مشرعة للشمس وعود يفوح طيبه على الجمر، تفاصيل تُكمل نصاب غروري وتوفيه حقه.. في حين شذاه البهيّ قرر يتخذ من شعري مقامًا. يوم الجمعة.. يوم يلم شتات أسبوعٍ مضى ويُقصيه خارج مداري.. في هاللحظة لا وعود تُطلب ولا مواعيد تُنتظر، سلام تام وهدنة غير مشروطة مع الوجود.

الاستقامة اللي يحركها شرط دنيوي هشّة، اللي ما يوديه قلبه للمسجد طاعة وحبًا في الله ماهو بسايقه لا ميثاق غليظ ولا شرط في ورقة زواج.. لا يُراهن على استقامه قوامها حبر وورق.

مرتني تغريدة تحتوي على شروط زواج معينه وكانت كلها بديهيات لا تقبل النقاش وأشياء ماتُكتب كشروط أصلًا بنظري، لين وصلت "مايترك صلاة في المسجد" غريب أتُكتب مثل هذه الشروط في مواثيق البشر؟ إذا المرء ما يُدرك عظمة وقوفه بين يدي ربه امتثالًا لأمره وش فايده صلاته إن كان المحرك لها شرطي؟

صباح الخيير.. الجو اليوم مُدهش وأقرب للمثالية، ويبدو لي إن حبال الوصل بيني وبين الأربعاء رجعت لسابق عهدها .. المهم، لا تنسوني من دعواتكم الصادقة في خبايا هذا اليوم.

@fmalsh_ لا، ما تضيع دروبنا بـ رحيل المقفي لكن نضيق ذرعًا بالتبعية. اللي اختار الهجران طريق أعتقنا من كلفة التمسك وعناء التنازل، ونفسي أعز علي من أن أتبع سراب مهاجر طاب له البعد. الود في مقامه الثابت، أما الوصل فدونه عزة نفس لا تطال. لا تتبع مزنٍ مقفي راجيًا مطر مب مكتوب لك مشاهدة انهماره

خلونا نسولف عندي سؤال .. تتبعون المقفي ؟ طبعا مو اي احد اكيد الغالي عليكم شخص تغيرت معاكم تصرفاته و بدأ ينسحب عنكم و ما يكلمكم و ردوده ثقيله شنو تتصرفون معاه ؟ علماً انه غالي غالي عليكم

"ماكن لي قلب ولا عقل كني جذع وقف في وجه الايام ذاوي بي عبرة محبوسة تمتحني في عيني وحلقي وصدري شكاوي وبي من قديم الوقت جرح مكني" "أجامل أيامي ولا جاملني هامت بي الدنيا هيام الخلاوي الوقت جاير والليالي اسهرني والحزن ما بين الضلوع متلاوي"

ضييقة ما تسعها الضلوع ولو أطلقت سراحها نحو شتات الأرض ومشاكلها لأحالت جمرها رمادًا واختفت إيران وإسرائيل عن الوجود ولأهديتني وأهديت العالم سكينةً طال انتظارها.

كلما اضطرب داخلي وتعكر صفوي قصدت العاديات، إلى الاسطبل.. حيث تروض فوضاي ويستكين المستعصي، لا شيء ينجيني من أيام كهذه سوا خيلٍ تُجيد فهمي وتهدئة قلب شخصٍ مثلي..

@khlou1d اي شيء يخلي عضلاتك تصيح بدالك.. المشي، الركض، أو النادي

كيف تفرغون طاقتكم السلبية بدون ما تصرخون ويسمعكم سابع جار

صباح الخير، في سكون هذا الفجر المثالي يلح علي سؤال: للهوى حدود؟ أو يُلجم له عنان؟ كيف لنظرة عابرة أن تهدم أسوار الحذر، ولكلمة واهنة أن تُردي قلاع كبرياء شُيّدت عبر السنين؟ يدخل القلب دون أن يسأل عن سعة الدار أو جاهزيته واقتحامه هذا برأيي انه مُرحب به رغم اندفاعيته.

لي مع الورد مودة وحُب لا يخفى، وقلبي من بين الأنواع كلها يحب دوار الشمس تحديدًا..

براعة في الظهور الفاتن، وقسوة في الانسحاب المباغت..

إفتراضًا لصحة هذه المقولة فالمفترض علاقتنا وطيدة ولغتنا بسيطة أكثر لكن دايم أوقف في مقام المتأمل تحت نوره لا الشريك .. فـ يتضح لي ان القمر غاوٍ ومراوغ، يغرينا بنوره ونقترب وإذا استشعر القرب انزوى خلف صمته وشاح بنظره للمجرة واعتصم بظلمته. لرُبما نتشابه حقًا.

ما بلغ قمر الليلة تمامه لكنه نضح ببهائه حتى استغفل عين الرائي وأوهمها بالكمال، وأنا انحزت للنجمه على يمينه أكثر.. جازت لي. وأنا أمشي تحت فيض نوره طرت علي مقولة سابقه يُقال فيها من ولد في حضن البدر ورث منه تضاده، واضح في سواد الليل وتايه مابين مد العاطفة وجزر الصمت.

@Aa19BbS أدري.. قصدك وكلامك كان واضح وبيّن بالقدر المطلوب منه وصحيح، وأنا قررت أتطرق للجزء اللي ما ذكرته أنت في كلامك لا أكثر .

@stra_re1 كلامي و انا اخوك ما يعارض طرح الأسئلة الصائبة الموحية بالعلم والنباهة ولا يعارض النقاش اللي يظهر فيه فهمك وعلمك وحتى جديتك في البحث مقصد كلامي التحذير من المجابهة والحث على إظهار أستاذيته المستحقة

بقول لك كلمة بيني وبينك دايم اذا حبيت تناقش متخصص - في أي مجال - لا تصادمه حتى لو اختلفت معه ، دايم اظهر قدامه بمظهر التلميذ اللي يسأل معلمه ، لا تجابهه بالخلاف ، ولا تظهر نفسك بمظهر المناقش ؛ اظهر بمظهر الجاهل اللي ينتظر منه العلم والتوجيه اذا ودك تستفيد منه استفادة تامة

سُهاد يطرق الأجفان بلا موعد، لوعة تضطرم في داخلي، في أعماق الضلوع رفرفة لا تستكين ومزاج غائم يعبث بصفو النفس أحيانًا. أتساءل: أتكون تلك السمراء الفاتنة مبعث الشتات وأصل العلّة؟ ولا محشومة عن هذا الإفتراء وضروري تبرئتها إنصافًا لمقامها لأن في اتهامها اعتداء على نزاهتها؟

@4lujjj عالم الاسهم والإقتصاد والبيع والشراء يتمحور حول الأرقام فالزيادة الغير طبيعية في استيرادات الدول تُلاحظ مباشرة. لو دولة اعتادت على شراء كميات معينة ومع مرور الوقت زادت الكميات اللي تستوردها بدون سبب واضح هذا يزيد من التساؤلات حول نزاهة هذا المال وبالتالي الاسئلة تُطرح .

معليش داهمني سؤال آخر الان، ليه ما تصنع دولة وحدة مثلًا بالسر زيادة فقط لها دون المواطنين " لكيلا تنقص العُملة" في حال كانت تبي تتفاوض أو تشتري من دول أخرى؟ هل فيه ضرر لها اخر أيضًا ووش هو ؟ أحس مستحيل من بين كل الدول محد فكر مثل تفكيري