سلطان ابو علوبة

@sultan_nt1 ياسلام يابو نواف .. مبدع 👏🏻👏🏻👏🏻

@F_otb89 تسلم يبو معجب 🫡

انت يـ الي تحسب إن غيبتي قل اهتمام كل عرفك في حياتك بـ كبوت وسرا جلستي جلسة مابين الخطب عند الإمام ولا ذيبٍ لا رثع له على حله سرا الرجال تمل كثر المقابل والكلام خبل يالي طارح ام الميانة .. مادرا خابرين وخابرتنا الرياجيل الحشام مير مانلصق على جنوبهم مثل الغرا

@F_otb89 ياسلام يبو معجب صح الله لسانك 👏🏻

لا إله الا الله .. العالم بْما فـ الصدور البصير الواحد المقتدر .. جلّ وعلا ما ينافس في جبَروته .. الحيّ الغفور مغنيٍ طلاّب الاقوات من شرب وكلا نازعٍ ( ملك الاكاسر ) وإلى يوم النشور لن يقوم لْهم لا قدر ولا شان ولا .. ولاء والـ هنا والشعر مايكتب الا من شعور والعوارف عاد فـ انصاف الابداع اكفلا الثقه بنتٍ وشامت عن ( ابواب الغرور ) وترفض الخطّاب إلى صار به عرق جْهلا وانت ياللي لاجلك ابحرت فـ السبع البحور ولا اجلك اخليت المراقيب من سبع الخلا كل ماكبرت على الخاطر صغار الامور انتزعني واعتزل بي .. عن عيون الملا قلبي اللي مبتعد عن .. ذويّات الخدور واعتصم عن كاشفات المفاتن واعتلا اقسم ان مادام في داخله عرقٍ يفور لن ينال الغير منه .. المحبه والغلا مخلصٍ لك وانطق الحق بالصوت الجهور لو تخفر اليوم .. ( لبيه ) وتقدم ( هلا ) نور وجهك مايضاهيه فوق الارض نور والكلام اللي تقوله .. تقول : انه حلا مايسجل لك من افكاري الحرّه ظهور وقبل افكر فيك هالحين .. فكرت اولا لك بـ قلبي بيتٍ من أول الوقت معمور جعل والله ما يعدّمك .. والا منك يْخلا كنه من الخوف والهم والضيق محظور والحزن مهما تمرّد فـ هو .. دفعة بلا وكان ماصرتي مع ايامي الاكثر حضور لا تمرين ان خذا ( قلبي ) .. ايام وسلا

نصيحة مطرزه بـ ألماس .. كتبتها بعد قمت وطحت كثر السهر والثقه فالناس خففتها كلها ... وارتحت

انا واصلٍ لـ اقصاي مير المعين يعين من الي لها فترة وهي تاكل وتشرب ولا عاد صرت اخاف وقت الظلام يحين هذاك أول .. الحين اجفل ان العصر يقرب همومي تقول ارواح نقلط عليه الحين واحزاني تقول شوي .. خليه للمغرب

ماعندي الا القصيد وذكريات الفراق متى تجي ذكريييييات الوصل مدري متى :(

حدانا عليك اللازم اللي نبي منهاه وينهأء .. بجوالك وبأمرك ومكتوبك وملينا يدينا يوم قلت أزهله وأنساه وهقواتنا في قو .. سلطتك وأسلوبك

ولقينا كلامٍ عكسي من أوله لـ اتلاه ولقيناك كاشخٍ لك بـ ثوبٍ ما هو ثوبك يا سماّع يا قرأي هاذي لوجه الله نصيحة لماّ زادتك .. مازادت ذنوبك نصيحة لاتنصى واحدٍ مايعرف الجاه تراك تخسر وجهك وجاهك ومطلوبك

فالبنات البيض سوّي سواتك كل عيد واتركي فـ قلوبهن بصمةٍ ما تنسى خلي اللي ودهن ياخذن الارض حيد يخّرن ملاعب الصبح في شفت المسا كل ما جيتي لهن لابسة ثوبٍ جديد [ قالت ازين بنت جتكن مزعلة النسا ]

ساندٍ نفسي بنفسي وانا توي صغير ماعرفت استعبد المال ولا أليمه مصبحٍ في عالية نجد والليلة خفير والحظوظ قليْله والظروف متيّمه قيدتنا بعض الاشياء مثل قيد البعير ومن هقاء فينا لقاء هقوته و نشيمه يوم بعض الناس حظّه مثل حظ الامير الحبارى تنطرح له وهو في مخيمه

يشر على ألي يبيه وينتهي .. كلبوه ما هاب تحذير قائدهم ..وتنويهته مرهي بـ جيشٍ معه ماشال هم ابن ابوه ومن الرهاء الجيش معه ممّيل بريهته #محمد_بن_سلمان

مانيب احب القصيد الي بليا طراه إن جبت جبت الجزيل إن سمع ولا قروه والي ليا شاف مجلس جاك بالي وراه اهل القصيد الحقيقيين ؟؟ مادوروه والكلمة العايبه والي بدون إتجاه من جابها لايضيق ان عاينو وحقروه ! حتى الإمام الي اقواله حديث وصلاة لو يجهر الظهر غير الجمعة استنكروه

[ قبل وبعد ] منهج الي ينهجون الصحيح وانت الكبرّ بأن فيك وكل مجدك قبل لك جدٍ اليا تعلا الخيل خصمه طريح ولا انت ماشفتها الا يوم زرت اسطبل لاتحسب ان السكوت يعكس عنك المديح ولا يقولون في هرجه وصمته جبل احدٍ ليا انصت يهّاب ولاتكلم فصيح و احدٍ ليا انصت خبل وليا تكلم خبل

#الحلم الباتلي على زمول فنجال .. ماشاءالله تبارك الله .. لـ سلطان بن نواف المرشدي ...

" الكبد مما تشوف العين ؟.. مندبله من حقي أصد بعض أحيان و أغيّب مافيه ( مخلوق ) لا بعده : ولا قبله و الكفو لا مات .. يبقى ذكره الطيّب عسى الدعاء كل ما وجّهت لـ القبله ألقى الإجابة سواة " الوابل الصيّب " النيّه : الخايبه ؟.. و الكلمه : الخبله ما توجع إلا ليا صارت من ( قريّب )

مراحل علامه خاب ولا غاب تعديتها عزي لـ من ماتعداها

شعوري الي سلب مني شعور السكون هو وش يبا بي وانا .. اصلي وأزكي واصوم يمكن ضريبة ذنوبي والخطاء والظنون دام البن آدم ماهوب من الذنوب .. معصوم بسعى وانا حي بين يروح ولا يهون و إن مت ماراح ؟ عند الله تلاقا الخصوم

اعلى مراحل نضوج الفكر قلّ الكلام وافضل جميع الكلام الكلمه الطيّبه