لو يلحق الطيّب من الوقت تقصير
كرامته عنده هي اكبر غنيمه
وإلا الردي إليا حدته المقادير
إيدنق براسه سوات البهيمه
ماتكشفه غير السنين المداوير
لادارات ابوجهه نشوف الهزيمه
وإلا الكفو ماهو مقدم معاذير
وقدام لايفزع يقدم عزيمه
الناس لين الحين فيها ترى خير
والخير جعل الله علينا يديمه
اوجهينا تقضي لوازم مناعير
والها مكانه فالنشاما عظيمه
واللي يدوّر من ورى لاش تقدير
مثل اللي إيدور ولد من عقيمه
إليا سلم من فعل ماله معاذير
ماهو تراه ابسالم إمن النميمه
#مجاز
#شعر #قصيد
العربية