تمرير - التسويق للمدرّبين

عندك المهارة اللازمة لتحقيق نتيجة معينه بس العميل المحتمل مو مقتنع أنك مؤهل للمهمه هذه؟ أول شيء أبي اقول لك لا تحس بالاحباط؛ لأنك كل مره تقترب للعميل المثالي. ومن حسن حظك ما تحتاج تكون محترف في الإقناع حتى تحصل على عميل .. أنت تحتاج تكون استراتيجي فقط! وش أعني في "تحتاج تكون استراتيجي"؟ ما تنشر بشكل عشوائي ما تحط البذور في كل مكان ولكل شخص أبيك تخطط لكل شي بالمليء أنا نشرت هالمحتوى لسبب أنا ارسلت الايميل أمس عن السياق لسبب لا تكون واحد من الأشخاص اللي ينزلون محتوى عشوائي عشان تفاعل ما يخدم أي هدف من اهدافك - واذا كنت من هالاشخاص مو هدفي أني احسسك بالعار أنا هنا عشانك عشان اساعدك ... عشان تشاركني رحلة النجاح وفي هالمنشور أبي أشرح لك كيف تكون استراتيجي وكيف تجذب الأشخاص الصح اللي تبي تشتغل معهم فعليًا كيف تكون استراتيجي؟ جيب قلم وورقة وتذكر المحادثات اللي خضتها مع عملائك واذا ما سبق ودخلت محادثة مع أي عميل محتمل أبيك تركز على النقاط اللي بشاركها الآن معك أخر مره دخلت محادثة مع عميل محتمل أيش كانت توقعاته منك؟ توقعاته يعني النتيجة اللي يبي يحصل عليها وتوقع أنك الشخص المثالي للمهمه هذه خلينا نكون واقعيين هو تواصل معك لأنه توقع أنك الشخص للمهمه هذه عشان تعرف أيش يبحث عنه - اعرف السبب اللي خلاه يتواصل معك هنا بداية ونهاية كل شيء - قد ما تكون الشخص اللي يحقق النتيجة اللي يتوقعها لأنك الشخص الخطأ مثلا رغب في تحويل الجمهور الى مشتركين للقائمة البريدية وأنت كاتب محتوى تكتب مقالات وتهتم بمحركات البحث فقط (هنا تعتذر منه وتوضح له أنك مو الشخص للمهمه هذه وتوضح له أيش تقدم بالضبط >> قد تكسبه) - قد تكون الشخص المثالي للمهمه هذه، لكن العميل مو مقتنع فيك في هذه الحالة تتعرف على معتقداته الخاطئة وتعالجها أيش هي مخاوفه؟ لما دخلت محادثة معه أيش العبارة اللي كان يكررها عليك مثل: - بس أهم شي أنك.. (متردد ويبي يتطمن) أكد له وطمنه مثلا أنا اقول ما راح ينتهي العمل بينا بعد ما اسلم الأعمال ينتهي لما احقق الأهداف اللي حطيناها مع بعض. - أنا سبق وتعاملت مع كاتب محتوى ولا حقق أي نتائج تذكر (تجاربة السابقة شكلت معتقدات خاطئة لذلك صعب يقتنع) هنا فرصتك تثبت له أنك مختلف تقدر تشارك تجارب السابقة، وتبين أنك مؤهل للمهمه هذه. لما تعرف معتقدات عملائك الشائعه لما تعرف ليه تواصل معك العميل المحتمل صار عندك أفكار لا نهائية للمحتوى! - رد على اعتراضاتهم من خلال المحتوى اللي تنشره - وضح مهمتك بالتفصيل - اعرض خدماتك بلا خجل - أنت هنا حتى تشتغل مو تلعب تذكر هدفك واسعى له بكل قوة، أنت قدها! اذا كسبت عميلك الأول من خلال هالطريقة شاركني لطفا هالشيء راح يسعدني بشكل ما تتصوره