بسم الله نبدأ وبه نستعين

QD-OLED vs WOLED – أي شاشة OLED تختار؟ إذا أنت ناوي تشتري شاشة OLED، أكيد سمعت عن نوعين كثير يتكرر اسمهم: WOLED و QD-OLED. الاثنين يقدمون صورة رهيبة، لكن فيه فروقات مهمة لازم تعرفها قبل ما تدفع ريال واحد. أول شيء.. وش يعني OLED؟ OLED هي تقنية تعرض الصورة عن طريق بكسلات تنوّر بنفسها بدون إضاءة خلفية، وهذا يعطيك سواد مثالي وتباين عالي. الفرق عن شاشات LED إن كل بكسل يشتغل ويتحكم فيه لحاله، وهذا السبب في إن الصورة تكون حية وغنية. WOLED – التقنية الكلاسيكية من LG أول ما نزلت شاشات OLED بالسوق، كانت كلها WOLED من LG. الفكرة إنها تنتج ضوء أبيض، وبعدها تمرره من فلاتر لونية عشان تطلع الأحمر والأخضر والأزرق، ومعاهم بكسل أبيض لزيادة السطوع. ميزتها: بياض قوي وسطوع عالي، خصوصًا مع تقنية MLA الجديدة اللي تحافظ على الطاقة وتزيد الإضاءة. عيبها: الألوان ممكن تطلع أقل حدة من QD-OLED، وفيه احتمال "حرق" بالشاشة مع الاستخدام الطويل لنفس الصور. QD-OLED – الجيل الجديد من سامسونج سامسونج قلبت المعادلة: بدل ما تنتج ضوء أبيض، تنتج ضوء أزرق وتحوله لألوان ثانية باستخدام Quantum Dots (جزيئات كوانتم). ميزة كوانتم دوت إنها ما تضيّع الضوء مثل الفلاتر، تعطي ألوان أنقى وتشبع لوني أعلى. النتيجة: ألوان زاهية بشكل رهيب، خصوصًا الأخضر والأحمر، وسطوع أقوى في المشاهد الملوّنة. العيب: في بعض الإضاءات يظهر لمعة بنفسجية خفيفة، لأن اللوحة ما فيها طبقة استقطاب مثل WOLED. المقارنة السريعة: -الألوان: QD-OLED تكسب بألوان أعمق وأنقى. -البياض والسطوع في الغرف المضيئة: WOLED أفضل خصوصًا مع MLA. -الانعكاسات: WOLED تتفوق. -خطر الحرق (Burn-in): QD-OLED الأحدث أفضل من الجيل الأول، لكن الاثنين لازم تنتبه وتغيّر المحتوى. الخلاصة: -إذا تحب ألوان مشبعة وتجربة سينمائية في غرفة مظلمة → QD-OLED خيارك. -إذا غرفتك مضيئة وتحب سطوع البياض العالي وتقليل الانعكاسات → WOLED خيار أقوى. -ضروري ضروري ضروري لا تنسى تشوف موديل الشاشة نفسها، مو بس نوع اللوحة، لأن المعالجة والصوت والمزايا الثانية تفرق. #تقنية

السعودية أستراليا سنغافورا كلنا نتشارك نفس أسماء الموديلات بنفس اللوحة *استبعدت أحجام 83 48 42 لأنها WOLED شيء مؤكد* الـEX بلوحة WOLED الـUX بلوحة QD-OLED Samsung SA-AU-SG S95F: QA77S95FAUXSA QA65S95FAUXSA QA55S95FAUXSA S90F: QA77S90FAEXSA QA65S90FAEXSA QA55S90FAUXSA S85F: QA77S85FAEXSA QA65S85FAEXSA QA55S85FAEXSA

I pay $35 a month for this btw

فجأة وصلتني رسالة: شراء عبر الإنترنت من Amazon SA بمبلغ 454.25 ريال. دخلت حسابي في أمازون… ما فيه أي طلب! سألت المدام… ما استخدمت البطاقة! هنا قلت في شي غلط!! بسرعة جمّدت البطاقة من تطبيق ساب (الاول) وبعدها تواصلت مع أمازون وبلغتهم بالعملية ردهم: “بنرفع طلب، وخلال يومين يرجع المبلغ” بعدها كلمت البنك، وألغيت البطاقة وطلبت بديلة. وفعلاً.. خلال يومين رجعوا المبلغ كامل 👌🏻 نصيحة: إذا تعرضت لعملية احتيال عن طريق Amazon: لا تكتفي بالبنك… بلّغ أمازون مباشرة وارفع طلب استرجاع، وجمّد بطاقتك.. نقطة إضافية: خفّض الحد الائتماني لبطاقتك. كل ما كان الحد أقل، الضرر بيكون أقل لو تعرضت لعملية احتيال لا قدر الله.