البرآء

🎧 هنا رأيي الكامل عن سماعة الـ iem المذهلة Simgot EW300 😋🔥 + مع شرح بعض المصطلحات للناس الجدد اللي تبي تدخل عالم هالسماعات الخارق + كل روابط الشراء بتكون بأسفل التغريدة🛒 قبل كل شي عشان الناس ما تخربط هي تجي بثلاث اصدارات كلهم نفس الدرايفرات وكل شي الاختلافات بسيطة 1⃣ اصدار EW300 العادي لونها معدني لامع "نفس اللي معي" 2⃣ اصدار EW300 HBB هذي مجرد تعاون مع يوتيوبر مسوي لهم تون ما يختلف عن الاصلي كثير ولون السماعة اسود 3⃣ اصدار EW300 DSP هذي للاعبين يكون في الكيبل مايك مدمج + DAC لتحسين الصوت لو ما عندك داك خارجي والكيبل يكون بمدخل USB-C + لونها اسود 😍 السماعة من النوادر يجي معها كل شي لجعل الصوت والراحة مناسبة لك تماماً يجي معها : - الكيبل عالي الجودة شفاف - وسائد اذن ربل - نوزل " الانبوب اللي تركب عليه وسادة الاذن عشان تحطها بإذنك واحد فضي وذهبي + جلدات للنوزل حمراء وبنفسجية - قطع قطن او فوم تساعد بتدفق الصوت وتقليل النويز او حدة وضخامة الصوت لو حاب - محفظة تكفي فيها كل هالاشياء - الحين نجي 🟢 للإيجابيات و 🔴 السلبيات 🟢 الراحة 10 على 10 ما كأنك لابس شي ابد حجم النوزل عرضه يعتبر صغير قرابة 6ملم او اقل فما ياخذ حيز داخل الأذن خصوصا للي اذنهم صغيرة نفسي 😂 🟢 الثبات ممتاز بس بشرط "نجي مع السلبية بعدين" 🟢 الصوت ممتاز ونقي وواضح ويميل للدفئ , السماعة بتناسب الجميع وجميع الاذواق ما تميل الى الحدة ولا تميل الى الصوت المكتوم او الضخم المبالغ فيه صوتها موزون ويناسب كل الصوتيات جربتها زي ما تشوفون على روك بوب راب كلاسيك حتى بودكاست كل شي + على العاب 🎮 تناسب وتبين الاصوات يمين يسار السماعة متكاملة 10 على 10 🟢 النوزل الفضي 🥈 اذا ركبته يساعد بإبراز التربل "صوت المقدم" لو انت تحب يكون هو الاوضح - النوزل الذهبي 🥇 يناسب لتعزيز البيس وجعل الادوات الموسيقية صوتها اقوى وادفئ 🟢 المطاط الاحمر يكون اسمك بشوي واقسى يخلي النوزل بارز بشي بسيط مليمترات بسيطة بس تفرق اذا لبست السماعة - المطاط البنفسجي اقل سماكة ويخلي النوزل داخل مليمترات بسيطة ويساعد ان النوزل يكون داخل الاذن اكثر بشي بسيط 🟢 القطن اللي يجي تحطه داخل النوزل قبل تركبه يساعد في كتم الصوت شوي لو انت ما تحبه يكون مباشر 🔴 نجي للسلبية الوحيدة بالسماعة وهي وسائد الاذن المطاط او الربل للاسف ركبت اكبر حجم ورغم ان اذني صغيرة ما تثبت كويس تحس فيه خلخلة ويدخل هوا يخرب التجربة فلازم تشتري ميموري فوم حجم كبير عشان تثبت افضل وما يكون فيه تسريب هوا ويخرب التجربة 😍 بالنسبة لي اعتمدت النوزل الذهبي + المطاط الاحمر وبدون احط القطن + استخدام مع داك خارجي عالي الجودة يساعد في ابراز قوة السماعة الروابط كلها تحت