ثروديما

لا أحد ينام في الأسكندرية

عبثًا تبحث عن ظلك فالظلمة سرقت منك الظل

@WesamHashem4 الله

@throdima ابقي اسمعي جوقة القديس رمانوس برضو open.spotify.com/album/47yKapbO…

يا حبيبي أي ذنبٍ حمّل العدل بَنيه؟ فأذابوك جراحًا ليس فيها من شفاء

كرأسِ أمل حزينة يارب أنا مجنون حارتنا أكتر من مجنون حارتنا أنا أسخف مَن في العالم وأحزن من فيروز وعندي حنين المتغرب مع إني في صالة بيتنا وأسف المذنب وأنا معملتش حاجة وجعانة وعندي شلل المبتور مع إني صحيحة مُعافة أقسم بالله أنا ضجرانة أكتر من بلال فضل وواحشني ألف مليون شخروميت حاجة

على قد حالي ودنيتي ودنيتي ودنيتي توعد ولا توفي

@SamMF90s ممكن طبعاً

@throdima ممكن انضم للاتفاقية دي ؟

ندمت على محاولات الإنسجام وأعترف بجمودية نظرتي، وبلاهتي، وأعتذر عن اختلاطي بالشارع وبالقُساة والواقع وأخطائي وأخطاء الناس، وبكل ما هو خارج حدود الأوضة لم أعد أريد شيئًا غير بيتي وأحبابي وكوباية شاي بالقرنفل وأكونت الساوند كلاود ومذكراتي وقلم أزرق حلو وكفى الله المؤمنين شر القتال

متضايقة بس مش فاكرة ليه

ساعات بحس إن الحياة بتفتحلي دراعها على الواسع بستنبط إنها بتحاول تراضيني بعد كل قلم علاقتي بيها زي الولية اللي افترت على جوزها في مصاريف البيت وأخدت كل ما يملك من شقاه بس روح بيته لقاها عاملاله بيهم أكل وحلويات وبتستقبله بابتسامة هو مش عارف بقى يزعل إنها فقرته ولا يفرح إنها بتحبه

بحب أغنية ساعات ساعات بتاعت صباح دي أوي بحس أنا اللي كاتباها أو هي اللي كاتباني

فجأة استوعبت إني اندمجت في الكلام عن توهتي أول ما نزلت دموعي قدامها حسيت إني محرجة ونكدية، بس هي قدرت تحسسني إنها حابة فضفضتي دي ومبسوطة إني بحكيلها البنت كانت حنونة أوي، بقدرة قادر نسيت إني حزينة معرفش ازاي نمنا على البحر ورقصنا وسمعنا الشيخ امام وشربنا شاي بالقرنفل وروحنا خفاف

سهرة بلكونية في حارة نجاستها الفكرية ألعن من بني صهيون متونسة كإني مكنتش بتفرج من حبة على اتنين هيقتلوا بعض في خناق على سجارة اللهم إني زهقت عايزة أعيش في حتة تانية بس آخد معايا شقتي وزينة رمضان اللي بتخروش وبتعمل حس للشارع ف كاسرة صمته بتلحين رمضاني مع إننا مش في رمضان ولا حاجة

الحزن أشبه بالحرمانية الغاصبة فؤادك المؤمن بالشك المفرط اللامعقول معقول يكون كل دا أكذوبة سماوية والمطرة دي كلها تبقى دموع العصافير؟ والله كل شيء جايز نفسي يغيب وعيي عن اللي داير نفسي افصل من الحياة حبة أو أجرب عيشة ماكث الكهف اللي نام بالسنين يسألوني كم لبثت أقول في الغالب يومين

امبارح مكانش بالشيء اللي بتمناه مع إني حاولت أفرح فيه قالي أمين الشرطة: بطاقتك! قولت يادي الأمن والأمان واللي بيجيلنا من وراهم انهاردة يومي مرهق جداً حد نسياني لامبارح وأول امبارح ولحد ما نرجع بالأزمنة ييجي بدل السنة عشرين نفسي هفاني على هجرة أكبر بس بقول كفاية عليا صغائر الهروب

صبح عجيب صاحية دايخة وعيني واجعاني ألوان العالم كانت متغيرة ثم فوقت حبة وبدأت أشوف استغربت جداً بس قولت جايز من كتر النوم لبست وجريت حرفياً من تأخيري الدنيا بتشتي ومفيش ناس وسماعتي كان صوتها غريب فشخ لوهلة أقسمت إني في حلم وهقوم كمان شوية من غرابة احساسي تجاه الحاجات بس طلع واقع

نمت ٨ ساعات حلو صحيت كإني في فجوة زمنية، مش فاهمة حاجة غير إني جعانة وسقعانة ورقبتي واجعاني من نومة غلط لقيت رنجة اكلتها حاف من جوعي ودلوقتي جبت زباداية كبيرة قطعت عليها تفاح وموز ونص معلقة سكر هاكلهم وأنام ساعتين كمان واصحى اواجه العالم وادور فيه على نفسي

سيبوني يا ناس في حالي لحالي اروح مطرح ما اروح

حاسة إني بتغير عادي محدش يقدر يبقى نفسه طول الوقت، أنا أحمل أنفس لا تحصى وكلهم تعريفي حسيت بس إني مفتقدة واحدة مني بعينها، بفتكر شخصية مني كانت حلوة جداً لدرجة عايزة اكلمها اقولها بحس مؤخراً مليش وجود مادي أو اغنيلها مثلاً شوف بقينا فين يا قلبي أو شيء من هذا القبيل يعني نتونس كدة

انهاردة رجعت الشغل اللي هربت منه، الناس لذيذة وبتعتبرني موظف شطور فشخ وطلبوا مني التفاهم والرجوع وعملت دا رجعت لمقر الشغل الأساسي، اللي فيه شوارع نضيفة وفاضية ومزروعة وبينهم شجرة اسمها رشيدة أحلى شجرة فيهم تقريباً دخلنا الربيع انهاردة كل الأشجار طارحة ورود، حسيتها بتستقبلني تاني

يارب بقى إنت عارف