ّفـــراج

غريب ومشتاق وشفق على المنهاج وسود الليالي تخلف الظن غدّاره وجودي على شوف المحبّين يافرّاج وجود الكسير اللي دنو منه بجباره

والبعد نار وحطبها الصدر واضلاعه ياليتني من جماعتها واقاربها

حبل الغرام اللي عقدته تلوّى ماينطلق حبلٍ عليك متلوّي فوق المتون وحول عنقك تطوّى ياسقمي اللي في حشاي متطوّي مستدخله فالجوف حتى تبوّا مكانةٍ تشرح وتفرح عدوّي وليا برك حظي وطاح وتثوّى صرخت في وجهه وراك متثوّي لو تحسنين الظن يابنت حوّا تراي من كيد الزمان متكوّي

فجعني طاري الفرقا وانا قلبي تعلق فيك عسى عيني تسجّ مْن العنا وملاوع الفرقا

الصبر طوله يبيد حيل صباره والنفس كثر السهر يا زين يرهقها وأنا عيوني لطول الليل سهاره امضي الليل وأحزاني مرافقها دنياك هذي لها صوكة وغدارة عنها عطتنا الحذر منها سوابقها وأنا ترى نيتي ما هيب مكارة سوات ناس نواياها تلفقها

قلبي كما غصن على درب عجه ياما نزل حدرا وياما رقى فوق وبيبان قلبي بالهوى مستلجه لجة عصافير على راس زرنوق

هذا برق طيفه في سما الذكريات يلوح واشوف اقشر ايامي خذت موقع احسنها وانا لج قلبي مثل لجة حمام الدوح على وردةٍ في دوحة القلب موطنها صبرنا على فرقا الجسد ليه فرقا الروح يابو روح منيّ كل ابوها وانا منها

ياعيني اللي كل ماهود الليل كني عن النوم اللذيذ متجافي وأكثر عنا قلبي لياشافوا سهيل وشدت مظاهير الهوامل مقافي وأبعد حبيب ماتجيه المراسيل بيني وبينه يصبح الجو صافي ياصاحبي مانساك لو قيل ماقيل ماصابني من واهج الحب كافي

ليت رجلي على بيت الغضي ما تمشت لين شافت عيون اللي على بالها عين شيهانةٍ جاها المساء ماتعشت وراغ شي مع الصفرة تغايالها علموها تراها للمعاليق حشت وأكبر الجرح لامريت مدهالها

غريب المشاعر فوق ماني غريب بلاد انا فاقد اللي كل ما غبت يفقدني

من تولـع بالغنادير يالـطـرقي واشتقى في حب خدرات الاعياني بو ثمان لاعراضٍ ولافـرقـي بالــوصايف كنها حـب رماني من بغى درب الهوى ياخذه سـرقي لا يعلم به حسـودٍ وقومــاني كن خـد صويحبي نايــض البرقي مـــن حقوقه مـاه راكـد بودّاني

البارحة قلب الخطا وصل حده يوم اقفت البدوان عقب المقاطين البعد عقب القرب ياشين ضده ان صار به ناسٍ لناس محبين لا صار تفـريقٍ على اول موده باول تشابيك النفوس بغلا الزين تخلي العشاق ينباح سده فرقى الضحى تفجع قلوب المودين

يا عشيري شوي الوصل منكم كثير المضرة علينا كيف ترضونها

إن كان شدوا بالغزال المزوحي يا حسرتي من عقبها وين أبا آروح أعوي عوى ذيب حدته السروحي أضحى وهو يقنب على عالي الصوح أنا على شوف الحبيب شفوحي ما نيب هلباج على الزاد مشفوح ما ترحم المفجوع يا روح روحي وتداوى اللي من زمانين مجروح

@Juod_178 عليك 🌹

@tllq5 الله

مل قلب من هوى البيض يامناحي شكا يشتكي والعين من ما جراله تشتكي يشتكي من صاحب يوم وادعني بكا صاحبن للروح والقلب مني يملكي صاحبي يا اهل الموده اليا منه حكا ودك ان مافيه غيره من الناس ايحكي جادل في البيض يملك معا زينه ذكا لو يشوفه مفتي الدين خطر يشتكي

وكم ليلةٍ فيها الاوادم نايمين وانا على مواجع الروح ارتكيت

أعاف من عافني لو هو من أقرابي ومالي ومال الطويله من نشايبها

ياخذ الوقت حقّه من وساع الصدور لين تمشي على ودٍ ما هو ودّها

لو صبر راع الهوى صبر المهادي الجروح تبين لو انه جحدها انطلق مع دربهم حاديه حادي وكل ماجاء نزلة مر ونشدها

قلبي كما غصن على درب عجه ياما نزل حدرا وياما رقى فوق وبيبان قلبي بالهوى مستلجه لجة عصافير على راس زرنوق