توآق

يوم انا في مطاوي ريف قلبك لحالي صعبها في سبيل رضاك يشبه سهلها يا مجمل تفاصيل السنين الخوالي لانطيع النفوس الجاهله في جهلها عن الاشواق .. ما نقدر نعن الليالي الليالي على الفرقا تهاذب بـ اهلها

مساء الخير .

حط لهقوتك في معظم الناس حد وقيد لاترجع مع الاوهام في حرب ومشاجر ضياع العشم يأثر على البال بالتنكيد مثل ما السهر يأثر سواده على الحاجر بعضهم حبال الوصل تمدي معه وتزيد وبعضهم سلام وانت هناك ومواجر احد جيّته لك عيد و احد ٍ مراحه عيد مابين الغلا والكره ومقيم ومهاجر

عذب الكلام اللي معك مْايجرح الحب النبيل أعتق نسايم كلمتك .. أسمح لها الليله تهبّ َ سولف ترا صمتك طوَيل وليلي الاظلم طويل ولا يقصر الليل الطويل إلا سوالف من تحبّ

يا عشير الروح والله مـ ابدّل بك عشير لو فقد وجهك جماله وعودك سكبته المحبه تدخل القلب مثل المستجير سوّد الله وجه قلبٍ ما يثني ركبته لهفة الخاطر على شوفتك لهفة غرير مستحيل يقاوم الشوق مهما يكبته من عشق مثلك ما فكّر يتوب ويستخير لين يلقى من جراير حبيبه نكبته

لا تغارب لا تنزحت وجلست لحالي الحزين احيان مردود السلام يكوده كل ما امر المكان البالي اشغل بالي والله ان كن الوجيه الغايبه موجوده

صاخبه والفرح وجهه شحوب طارقات البال تبغي لها مرتاح .. بال ِ والله ان كني على صالي النار الشبوب من لهبها يفهقون الغواري .. والدلال ِ عقلي الي كان يبغى من الواقع هروب تالي الايام يبغى الهروب من .. الخيال

من طروق الغرام ومن دروب المحبه سامحٍ خاطري ماعاد لي شف مره

طرف الليل وانقاد النسيم وتنبه خاطرٍ من صواديف الزمن فيه حرّه ليت قلبي ذعاذيع الغلا ما تهبه وليت عيني تجود بدمعها ما تثره كيف ابسلا وانا اطا كل ليله مربه وتعترض صورته واقول لله دره تهت مابين عنق وبين منحر و لبه وعين حر وجديلٍ ضافي وخصر حرّه

قد طلبته وانا المطلوب مانيب احبه وقد تبعته وانا مانيب تباع جرّه يوم شفته نوا الهجران من دون سبه وقام يكثْر علي من العتب و يتشرّه قلت درب الفراق اللي تطريه ذبه واخذ معك الغلا الباقي بخيره وشره قال قلبك قسى بعد الوفاء ؟ قلت صبه ما بقى في مداهيله للاشواق جرّه

@al_dhawi الله لك .

@twaa8_ الله الله

من تخيّر دربك المهجور عن باقي دروبه لاقيٍ بعيونك الثنتين مضياف وكرامه لا تلومه لو تشوف الصمت ذنبٍ من ذنوبه وش يقول اللي يشوف احساسه اكبر من كلامه واحدٍ مهما تضيق بعينه .. الارض الرحوبه ما يبيّن في عيون الناس ضعفه و إنهزامه

عسى مدهال ملهوف الحشا للرايح الصباب يصب من الوله ويعانق المحبوب محبوبه كلام الحب وعيون القصيد ونظرة الإعجاب تناقلها القلوب الخالية.. وتروح مجلوبه ونور الشمس والماء والظمأ والريح والترحاب فدا للجادل اللي من زلال الغيم مصبوبه تقول الآدمي قلبه رهيف إن حب حن وذاب وأقول القلب راح قلادةٍ في عنق رعبوبه عنودٍ كل يوم أقرأ عليها صفحتين كتاب وهي سطرٍ من سطور الكتاب وثامن إعجوبه مضى عمري على طرد الهوى وأثر الهوى غلاب وأنا راضي أعيد حكايته وأعاود ذنوبه ما عندي للقصيد الا الجروح اللي من الأحباب ولا عندي جديد الا الغرام وتالي دروبه حديثي في تفاصيل الحياة وكل فصل وباب والأجدر بالحديث إن نعمة النسيان مسلوبه يا كثري يوم أوزع بسمتي في شارع الغياب ويا قلي يوم أحاول حاجةٍ ماهيب مكتوبه الأحداث الأخيرة كلها حيرة وحرب أعصاب وقلبٍ ما يرجعه لحياته غير مطلوبه أوقف كل ما هب الهوى في عالي المرقاب وأغني مثل من عدى الرقيبه راس مشذوبه وش يطمنك من بعد الجفا يا قلبي المرتاب وأنا شاعر يشوف البيد بيته والقلق ثوبه _مساء الخير ☕️

ياغربة الروح مال المغترب منك اياب متاهةٍ وسطها الرحال مثل المقيم ودي لو اني بعيد امارس الاغتراب ولا تعاملني الدنيا معامل غريم معي مفاتيح لكن مال الافراح باب ولا عاد ينفع رفيق ولايسلي نديم خرجت من بطن حوت وجيت مرقب عقاب تحيي صبابة معدينه هبوب النسيم جيته وانا الشاعر اللي لاتعلاه جاب نوادرٍ مايضويهن خيال الغشيم اللي لو انه قراء له في حياته كتاب ماعاد ردد على الاسماع ياعنق ريم عذالي اللي تقولون اني اطرد سراب تبا لكم كل ابوكم واذهبوا للجحيم لو اتلطف واعاملكم بلين الجناب مافيكم اللي بيصبح لي وليٍ حميم بالشرع لايقتّل العاشق ولايستتاب خلوني اسعى على وجه البسيطه واهيم محتاج اعيش الحياه بدون ماحسب حساب راضي بما يكتبه ربي وربي كريم متفائل بشكل مايوصف واحث الركاب لو ان بالصدر نارٍ كنها في هشيم ازكي الضحكة اللي ماتكمل نصاب اضحك على شان مايضحك علي اللئيم صبرت والصبر مر وقطعةٍ من عذاب ولاتجزعت من صبري ولاقلت ضيم ريانة العود صبري معك ماله ثواب ؟ سمعي كساه الجفاف وهمسة شفاك ديم لاطاب وصلك ولا الخاطر من الوصل طاب كم لي وانا اقف على جالك واعود محيم ان جيت اصحح خطاك اللي نشوفه صواب لا المستقيم انعوج ولا العوج يستقيم كم واحدٍ يدري ان الغيم بعض السحاب ولا درى بأن بعض السحب ماهي بغيم انا ادري ان الاوادم كلهم من تراب وانتي من تراب مكة والحرم والحطيم ياقبلة الروح كانه فات طيش الشباب جيبي لنا لو نهار من الزمان القديم اليا تذكرتي ان الله شديد العقاب وش يمنعك تذكرين انه غفورٍ رحيم حنيتك من العتب يوم ان بعض العتاب اقطع من السيف واصدق من دموع اليتيم اهديت لك ورد واهديتيني اخطر صواب محدٍ رمى الورد غير انتي وعبدالحليم _مساء الخير ☕️

* يالطيف الروح *

طرف الليل والذكرى القديمه هواها يستفز السكوت ويستثير المساري كل ماقلت بسلا من طواري غلاها مرّني طيفها واقتاد معه الطواري ان تغاضيت ! كبدي من يبرّد لظاها وان تجاهلت من يقدر يرد اعتباري كل ما اذكر ليالينا وذروة صفاها كن جوفي عليه اتحدّ حدب الشباري

@al_dhawi مرحبا ي محمد

@twaa8_ مساء النور والسرور

لصدور اقفال وابوابها مخرج هروب توخذ بـ عين اعتبار المشاعر والعبر ودي اعرضه صفق النسايم والهبوب لين يبرا جرحي ولين كسري ينجبر اعتذر لحلامي اللي ما توصلها الدروب واعتذر من كل حاجه تبي مني عذر ل متى والحظ زاهد ومنظوره شحوب لا هو بـ طيب مجاني ولا طايل شبر اخذني من كل حاجه على الصدر الرحوب ومد لي يمناك واضحك ي ابو وجه سفر مابقى لي غيرك اليوم يالريم اللعوب لا استزاد الوقت ضدي ترا عندك خبر من كثر ما اخشى الموادع وتفريق القلوب ودي ان صبر المهادي على صبري صبر كل يوم اودع الشمس في وقت الغروب احسب انها كل يوم تحول في قبر _مساء الخير ☕️

القلوب يريبها طول الجفا ،،، والليل دوبه يتهادى عطره الحسّاس وأحظى بإهتمامه كل وجهٍ قد طويت اوراق ماضيه بصعوبه تحمل الانسام بالغ شوقه ووافر سلامه وين ابهرب والثواني واقفه شبه مغصوبه عدني يا ليل شرهاتك واعديك الملامة الضمير الحي ما تسكن من اللهفة حروبه تربكه حتى نسانيس الهواء مدري علامه من ترك لي صورةٍ فالبال ماهيب محجوبة يتشجر في زوايا القلب وده واحترامه يدري إني كل ما تاخذني الخطوات صوبه مستعد أرضي غرور الغرة اللي فوق شامه يا رهيف الحس كيف أصد والصدة عقوبة وانت يغري عودك بميلة ويغري بإستقامة لا تسيل الدمعة العذبة واسيل من العذوبة الدموع تكبّل العشاق وتزيدك وسامة أهيفٍ لو تبتسم تسلب من الرجال ثوبه ابتسم واقول لك لله در الابتسامه من تخيّر دربك المهجور عن باقي دروبه لاقيٍ بعيونك الثنتين مضياف وكرامه لا تلومه لو تشوف الصمت ذنبٍ من ذنوبه وش يقول اللي يشوف إحساسه اكبر من كلامه واحدٍ مهما تضيق بعينه الارض الرحوبه ما يبين في عيون الناس ضعفه وانهزامه _مساء الخير☕️

ودي ارد قلبي بالغزل ياغزاله لايسوي سوات اللي يهمّل رفيقه الهوى لذّته في طيشه وفي هباله ولذّة اول شعور وربكة اول دقيقه وجهٍ اللي يشوفه ينبهر من جماله وطلةٍ تجعل الرجال يشرغ بـ ريقه! ودي امثل مثول المتهم للعداله ماعلي دامني بين اليدين الرقيقه العفو "ياشبيه اللي جفل من ظلاله" نظرتي في التفاصيل الدقيقه دقيقه انت حتى الذهب يزهاه جيدك لحاله ويتلاشى على غيرك ويفقد بريقه