فارس

يشرفني كل من يحترم الذوق العام والرأي العام واللي ما تعجبه الأغاني الهابطه والشعر الباهت

"ودي امشي لين ما يبقى خطاوي ودي احكي لين ما يبقى كلام كل شي فـ عيون الأحزان متساوي يا علي ، او ياعلى الدنيا السلام"

"عن كل حاجة من طرفك متنازل حتى السلام اللي: من العيد للعيد"

عيدكم مبارك وكل عام وأنتم بخير ❤️

"شعور الحنين اللي يجي كل ليلة عيد يلخبط شعور الفرحه اللي نصايدها اللي فاقد ٍله: بنت اكابر وشيخة غيد وقبل ما يعايد نص ربعه يعايدها يصوّت ضميري فـ الحشا كنه بن مهيد على الطلّه اللي فـ اول العيد فاقدها حلالاه ياذاك المعنّق وذاك الجيد اليا علّقت فستانها ونقّشت يدها"

انا انتظر رؤية قمر فـ اول العيد مهوب موجودٍ بـ كشف العجيري - عناد الشيباني

ليت طبع الناس من طبع الغصون إن تعلّت ظلّ ، وإن طاحت حطب - بريكان بندر

يا قدْ لا من هبت النود ميّاس تميل ، والارض بشذا عطرك تفوح - فهد العيبان

حياتي أم المعارك، وأمي أم السلام مابين صوت السيوف وصوت تسبيحها - فارس فايح

يوزّع على الناس ابتسامات من برى على شان يدفن جرة الحزن من داخل - عبدالله السراهيد

يا بحر ماعاد انا هادي لو الموج هادي كن في صدري ميادين الحروب العالمية ما لوى قلب الشجاع الّا رهيفات الايادي والشجاع احيان ، يثّر فيه نوح الراعبيه لو تقول الناس غادي، قال: أنا ماني بغادي كل جرح وله علاج.. الّا الجروح العاطفيه - فواز عواض

"هلا ومرحبا ترحيبة الطيب.. يا رمضان ياشهر الصيام اللي فرضه الله المعبود تراحيب مسلم يرجي الخير والاحسان من اللي عطا مدات جوده بدون حدود" مبارك عليكم الشهر الفضيل يااصدقائي، والله يتقبل طاعتكم ❤️

اليا ارتبط قلبي معك بالبراهين ماني من اللي يطلبون الأدّله وشلون ما احنّك من الخاطر الشين وانا عدوي ما عرفت استغلّه - فيصل السور

يا بحر .. ياليتك علي تقدر ترد وتشعر بأحاسيسي وتسمع ندائي جيتك وأنا معدم ومن شافني صدّ ومهدد بـ تنفيذ حكمٍ قضائي ملحٍ وطى ساحل وملحٍ غطا خد كن الله آمرنا نشكل ثنائي وبقدرة اللي لا شبيهٍ ولا ندّ أنت الوحيد اللي قدرت أحتوائي - فلاح القرقاح

"انا انعزالي ماله ايات مقياس والفقد ماله بالمقاييس (وِحده) انا الوحيد الي يشوفونه الناس ابعد بشر عن عالم الوحده"

ياطير حزنك ما غير الصبح واليوم وانا امس واليوم والصبح وقفيّه انا من الظلم ميت .. وانت مظلوم ارفع جناحك وانا برفع يديّه - مدغم ابوشيبة

لا ذعذعت لي هبايب من تواليك سريت في ليل مابه ضوح قمرا على مداهيلك ، و على مرابيك لي جرةٍ فوق خدّ الارض حمرا يا جعل كل البِني فدوة مواطيك ما بين بيضا ، و حنطيّه ، و سمرا تبا تزين الليالي ، و التقي فيك لَعَل ربي تعالى يُحدث أمرا - فهد العيبان

انا بنام الحين تصبح على خير وانت القمر لا غاب نام بمحلّه عسى عيوني ما تصبح على غير زولك لأن زولك هو الخير كلّه - فهد العيبان

ان ماكتبتي حروف اسمك على قبري تذكريني فدتك الروح .. بزياره وتذكري يوم اقول لعودك المبري هو يلبس حزام والّا يلبس سوارة - مشعل الضوي

استريحي بـ قلبٍ فارشه بالورود أنتي أحق بعروقه يا قطر الندى كل ليلٍ عبَر قبل ألتقيك معيود عوّضيني عن اللي راح مني سدى وارسميلي على الخصر المقوس حدود وان تعديت حدّي معه قولي فدا مالي عن الجمال اللي اشوفه صدود صدة الرجل في بعض المواقف.. ردا - فارس عايض