هـاجري .

" لا حداني زماني تفزّع أشعاري " .

مافيه ليلة مستقرّه مادخل فالقلب خوف الا وْحنانك كان يِمِّني.. ويمسح مدمعي مره توريني مكاني فالعيون ومرّ جوف وتقول شدي وانزلي فالعين والا فاضلعي انت اصدق احساس القلوب اللي تحب واللي تروف مافيه قلبٍ حبني مثلك على حدود الوعي.

مدري تعاظم كبر جرحه وجرّاحه ولا البطل دايم جروحه بطوليّه . -مدغم أبو شيبه

تقسى الطبوع اللي من أوّل ليّنه وش عاد يبقى لا بدت تقسى الطبوع وجه الوصال اللي تعبت أزيّنه أصعب علي أحيان من كسر الضلوع خلّ الكلام مغلّظَه وحنيّنه راح الكلام ولا بعد جات الدموع الخوف من ليلة وداعٍ هيّنه عقب الوداع الهيّن نعاف الرجوع .

تحراك المشاعر وأنت في وجهي متى ماجيت ما تسمع من عتابي غير قولة، مالها داعي!

أنا الحرّاس والداعي وأنا زوّار مملكتك وأنا لبيه لو جار الزمان ومنت عارف له .

مدري تعاظم كبر جرحه وجرّاحه ولا البطل دايم جروحه بطوليّه ؟

اخاف انحرم من شوفتك و الذكي خواف أطيع الزمن لو كان ما ودي اطيعه أحبك وتباً للتقاليد والاعراف ابضيع بين ايديك والضيعة الضيعة انا شعب وبصدري قبايل وجمع اطياف يحبونك السنة ويغلونك الشيعة وصلتك بما فيني من إرهاق واستنزاف أقدم لك الطاعة واجدد لك البيعة .

على كثر الجروح اللي بـ صدري ماعرفت أعتاد يجيني الجرح ما كن له دروب بـ داخِلي رحبه ⠀ و على كثر المفارق في الزمان بخاطري ما فاد أنا للحين فيني من الموادع و الحزن رهّبه.

عن مملكة نفسي اللي عانت الإنفلات أنا أتخذت القرار اللي يحفظ أمنها جلست بيني وبيني جلسة الـ ( جلد ذات ) وغيّرت حاجات واجد .. وأنت من ضمنها .

إلى ضحكت قلت ياربي عليك الصبر وإلى بكت قلت ياربي ما صبّرتها والخيل و الليل و البيداء و وجه الفقر تطيح من عيني اليسرى لا ناظرتها حتى هوا الطايف اللي كل ليله مطر كني مصيّف بجوّه لا تحضّنتها أمحق سنة عاد نفسي فيش و أمحق شهر مافيه مُـرّه بعد فرقاش ما ذقتها .

عسى التوافيق تسابق لك حظوظ وأمنيات الين توصل لـ المكان اللي يغبطونك عليه ومن حيث لا تحسب تبسم لك توافيق الحياة ومن حيث تحسبها تهيّا لك على ما تشتهيه .

الليالي مالها وجهٍ — ضحوك و مسفهلّي غير لا منّه بدا لي خدك اللي فيه شامه.

أنت السنين الوافيه و أنت القريّب اللي بعيد وأنت الحظوظ الصايبه اللي مشيت أسعى لها.

ما هو ضروري ألتفت وأدورك بين الجموع من لذّة الطعنة عرفت إيدك وأنا ما شفتها .

يالله طلبتك ماتخلي فالحشى جرحً عطيب من رمية الذنب العظيم اللي سلامتها عطب .

تكسرت جنحان عمري وانا اشوف لا الوقت راحمني ولا الريّح هدّت جدت علي أحزان وارهقني الخوف وطارت طمأنينة حياتي وصدّت حزين ياربي وضايع ومكتوف وكل آه بضلوعي ليا صحت شدّت مثل الجبل همي ومتوسط الجوف ومثل الجمر قلبي ليّا قلت عدّت .

بين إلتفاتة عيوني وإرتعاشة يديّ تحاملت نفسي جروحي وهمّشتها أنا أكثر إنسان تقتله التفاصيل ذيّ مافيه صورة من الماضي مافتشتها .

الشجاع يموت غبنه والجبان يموت خايف إن عجزت تعيش عيشة عز مت موته شريفه .

"أمسح دموع السَّبت في كُم الأحد وأنام في عين الله اللي ما تنام"

والله ماقبلك رجُل فالحب لاحق مداك ما غيرك اللي عطيته خاطري من يدي .