:)

:) tellonym.me/Q88ir

صباح الخير؟

شالعٍ قلبي غزالٍ وسط نجد مرفّه مترفٍ يلعب بعرشه في وطن محبوبه الحياء والوصف الأعظم والستر والعفّه و الجمال الباذخ النادر و حسن أسلوبه قوةٍ كنها جيوشٍ فالوغا مصطفّه من طلايعها الجحافل تنثني مغلوبه جاعله ربـي بكفّه و البنات بـكفّـه ومايضاهي حسنه الطاغي ولا رعبوبه :)

ياحلوها لا قالت أرحب يا أبن روق تنساق روحي يمها دون سايق لا شفتها طرقٍ على خشمي أروق حتى لو أن الجو ماهوب رايق اللي حلاها قد خطف كل معلوق يتوقني في حبها العذب تايق أحبها حب الشيابين للنوق وحب أقحطانٍ كلها لأبن شايق :)

هذا الجمال الطاغي وهذا الغلو ما بين تـقويسة خصر ومـدوّرة لا تـنزلين القاع و انتي لـلعلو انـتي جـمالك كل عين تـدوّره يا فاتنه يا ام العيون الكحيله يا مدلـله يا تاج كل المزايين :)

تسامي على كل البني من عجم وأقحاح وتغني على شعرٍ .. . ما يستاهل الا انتي على وجهك النير اشوف الكدر ينزاح تلين الليالي القاسيه بس ما لنتي مخارج حروفك عافيه ومبسمك ذباح وقلبي معك يا غايته وين ما كنتي على كل نجلا سحرها غالب وفضاح ما مكنهم الله.. وانتي اللي تمكنتي :)

وينك ترا بيني و بينك مواعيد خايف غيابك لا يطوّل و طوّل تعال عايدني .. و لو ثالث العيد لـ أجلك نخلي ثالث العيد أول :)

يا أجمل بشر من بعد يوسف عليه السلام سلام والناس ترفق في محبينها لو شافوا الخلق ماشفته علي الملام ان كان ماتقطع يديها سكاكينها الفتنه اشد من قتلي وعيب وحرام وانتي مفاتنك تفضح لو تخبينها عود لاقام يتثنى قلت ماله عظام لوكان فيها عظم ماكان ذا لينها :)

- ثاني عيد رغبتي في وصلك و جلّ أمنياتي حتى لو مالي على الوصل إستطاعه كحلّي عيني بـ شوفك يا غناتي الستوري كله .. وجيه الجماعه 👀 :)

اللي لها بين الحنايا مداهيل ام الجمّال مخيبت من رجوها طرقاٍ لا لدت بالوساع المظاليل ياقشر والله حظ من طالعوها ودي بشوفتها وانا حرص بالحيل والعالم اللي عندها ضايقوها عايدت ابوها قبل كل الرياجيل و لو لا الحياء عايدتها قبل ابوها 👀 :)

ليه أمدح الفستان بالتحديد وحديثك مْن الحسن متواتر ماهو حلو من قبل يوم العيد حلو بعد ماشاف وش ساتر. :)

مزيونة العيد فلي لي شعرك وجداه وخلي القصايد تمشط غرتك بالغزل كل لبسٍ في صباحات الفرح ماشتراه وَأنتِ لبستِ غرورك والعقل والثقل اللي يلامس كفوفك ياسعده ورضاه واللي تشوفك عيونه ليه ماينذهل وفستانك اللي حوى خصرك تعدى مداه أبلعن أبوه دامه ثار حولك .. جدل :)

كيف أعرف الإستقامة وعودك ما أستقام ؟ كثر الله خيري إللي عرفت حروفها كنتي ولا زلتي ألطف من يدين السلام طفلةً تطفي سنا البرق دمعة خوفها من يشوف رماح عينك عليّه الحرام ما يغبط الهند برماحها وسيوفها يوم قالوا دام عيدك و لله الدوام قلت : مايهنّا لي العيد لين آشوفها :)

ماني على البعد والصدّه مضريها وظروف الاياام حدتني على ما اكره و العيد بكره وبكره مااقدر اجيها لكن ابا احااول اجيها بعد بكره :)

يا عيدي اللي معه كل الليالي : عياد ورصيدي أكبر فعيني من رصيد البنوك وريث شيخان نجد متعبين الجياد لا أطريتهم جاوب التاريخ لا فضّ فوك أوكد من الظن والتخمين والاعتقاد واثبت من اللي عليه من الحكومة صکوك :)

شعور الحنين الي يجي كل ليلة عيد يلخبط شعور الفرحه اللي نصايدها الي فاقد له بنت اكابر وشيخة غيد وقبل مايعايد نص ربعه يعايدها يصوت ضميري فالحشا كنه ابن مهيد على الطله الي فـ اول العيد فاقدها حلالاه ياذاك المعنق وذاك الجيد اليا علقت فستانها ونقشت يدها :)

بوّسه العيد ما فيها "زرية" من بغى صاحبه لا تمنعونه 👀 :)

معترض لي خشف ريم يورّد للحياض المنايا في عيونه تهاوى من بطر أيه ياللي لأجلك الشاعر مع الليل هاض أنتي اللي لأجلها دق ناقوس الخطر ماخذه من زين جدتك مجدول و بياض و ماخذه من جدك الأول عناد و سطر فتنةٍ لو دونك أكوان و حروب تخاض نشطر صفوف المجاويخ لـ عيونك شطر :)

ما عن هواك يردني جوع وصيام لو رمضان يصير تسعين ليلة :)

جميلة محيا وخلق ودقيقة عود غزال تقود الغيد ماهي بـ تنقادي :)

فالبنات البيض سوّي سواتك كل عيد وأتركي فـ قلوبهن بصمة ما تنسى خلي إللي ودهن ياخذن الارض حيد يخّرن ملاعب الصبح في شفت المسا كل ما جيتي لهن لابسة ثوب جديد « قالت أزين بنت جتكن مزعلة النسا » :)