ُ

في متاهات الخيال أسج بـ العمر المولّي يوم أشوف إن الحياه إرهاق والواقع دعايه

من لقى منك البشّاشه و السماحه و اللّسان الذرب و الهرج القـراحي لا تلومه لا إنكسر صوبك جنـاحه مـا يمرّك واحدٍ و يـروح صاااحي ! - سعد بن جدلان

لا إنتهى عمر الغلا وأقفت عن ديارك رحالي لك يمينٍ بـ الله إني ما أتنازل بـ " إلتفاته "

لك علي أني ما أحطك على لسان الشموت و لي عليك إن كان صدرك تضايق مرّني مستعّد أموت لأجلك .. و لكن قبل أموت كان عندك شيء يثبت غلاتي ورّني ! - منيف الجرّاش

ثلاث شهور و انا أفضّل العزله عن الجلاس ما غير أمشي على طاريك وأسولف على ظلي كرهت الناس عقبك واقتنعت إني عدو الناس أشوف قلوبها تدعي علي .. و قلبك يهلّي رغم ما بيني وبينك من الأحباط و الأفلاس ؟ أشوفك في محطات السفر ترحالي و حلّي

غديت أودّع المقفي ولا أحب أسمع التبرير أشوف أن التفاصيل الكثيره .. مالها داعي فـ أنا ياللي تظن إني بدونك ما أحسن التدبير هجرتك و أشتعل نور الحياه و زانت أوضاعي فلا شكرًا على وقتك ولا أعذرني على التقصير أنا من يوم فارقتك ؟ تلاشت معظم أوجاعي

سيرةٍ من وحيّ عامين و شويه ودي أنساها .. ولا ودي أنساها - مدغم أبو شيبه

إما نجي مثل الهوى والمطر و إلا بلاش خلّيتها من قلب .. ما خلّيتها بـ ظروفها - رفعان العرجاني

إستعذت من الدروب اللي نهايتها حسافه قبل ترميني ملذات الزمن في جوف غبّة شيمة الإنسان ميزان أعتداله و أنحرافه تنذره لا شافت الاوضاع ما هي مستتبه إن عجزت إنك ترد النفس عن شي ٍتعافه ما قدرت تحط نفسك فالمكان اللي تحبّه

ترا الغياب أحيان من باب الإنصاف نستخدمه مثل .. العلاج الضروري

فيه أمورٍ ما يجوز العذر فيها و التغاضي لا وصلنا عندها حطيت قلبي تحت رجلي

ذكرياتك وطن قلبٍ تمادى رحيله كيف يدّله من دياره و مرباه جالي ؟

و لا اني ندمان على كـل ما فات أخذت من حلّو الزمان وردية هذي حياتي عشتها كيف ما جات أخذ من أيامي و أرد العطيّه

أحنّه عد ما حنّت تنهات الشعور حكاي لو إنه مايحنّ شعوري من البعد و الصده يقابله الجناب السمح قبل تودعه دعواي و يذكره الحشى دايم ماهو من مده لمدّه مابي تاخذه من دربي مقادير الزمان الجاي لو إني مؤمنٍ بـ إن الفراق أحياناً .. لا بدّه

بداية كل ثورة كبرياء .. نظرة إستعطاف وش أسوي ؟ و أنا راسي عزيز وقلبي موالي

قال سامحني على اللي صار قلت مسامح أنت مثل السيل يحيّي الأرض لو يجرحها

معرّض صدري لـ رش المطر وذعذاع الهبوب ودي إن المطر يغسل قلبي من شيءٍ يحسّه

أهوجس فيه وأضرب خطوط الخيّال و أسافر بالتفكير و أنا محلي ؟ محلي

اللهم صلّ وسلّم على نبيّنا محمد ﷺ

لا تنطوّي نفسك على نفسك وتذبل مادريت خل المطر يمطر عليها .. و الهبوب تهبّها

تحرى الكلام اللي وصل لك بليّا صوت ترى عيوني أفصح من لساني مية مرّه