وَثَّاب

حذرت مليون مرة وللاسف وقع المحضور ومن فترة طويلة نقد وانتقاد والوقاحة⚠️ الفرق بينهم كبير ولكن للاسف نسبة كبيرة ماتفرق بينهم لمن تجي تقولي ياكذاب او يامطبل او لعبتك سيئة او محتواك ماش مو قد الطموح ترا كلها كلمات وجمل فضفاضة ماستفيد منها شي للتطوير لان للاسف اغلب النقد عبارة عن انتقاد ووقاحة ومحاولة تكسير المجاديف لدرجة تشك ان ممكن بينكم ثأر للاسف البعض يعتقد لمن يكون فيه حدة وكلام جارح ويميل للوقاحة فهوا حق مشروع وبالعكس المفترض التعبير يكون بهذا الشكل عشان يتعلم عزيزي لكل مقام مقال مو منطق عشان اعطيت رأي او قدمت فكرة تهينني فيها عشان تثبت وجهة نظرك وكأنك ولي امري وتوبخني مع انه حتى ولي الامر يعبر بطريقة فيها محبة واحترام كمثال انا اليوم اقول معلومة او خبر وتطلع غلط وارجع اوضح واقول انها غلط واعتذر عليها مع العلم يمكن لو ماتكلمت مايدري تتفاجأ الردود تجيك من البعض: اصلا الاعلام العربي والاعلاميين ومشكلة عدم تطورنا وتواجد اللغة العربية ويبدا يدخل في نيتك ويشربكلك مليون موضوع في بعض واللي يزيد الطين بلة تبدا اطراف من تدعي الحياد وعندهم متابعين يستغلها كمدخل لفرض اجنداته بحجة التطوير يعني سوا من الحبة قبة لدرجة التخوين وكأن الموضوع صار عادي لكلمات مثل: مرتشي، سرقنا، مدفوع له، يدور ترند…الخ يعني حتى لو مجازا لو بتتحمل قلة الادب تكتشف مافي كلمة مفيدة لك او حتى ممكن تطورك وبالعكس الموضوع شخصي بحت وواضح ترسبات سابقة ومواقف في الغالب حتى انت مالها علاقة وهذا بيدخلنا في متلازمة الاجنبي على قد ماتوضح وتقول وتشرح تنصدم من الردود اللي تجيك بالله بقعد اسمعلك خمسة ولا عشرة دقايق ولا بالله بقرا الكلام هذا كله انا فاضي لك يعني لا انت اللي تبغى تقرا ولا تبغى تسمعني وفوقها ماشوفك الا وقت الامور السلبية فقط !!!! ومجرد اجنبي يقول نفس اللي بقوله حتسمع بأذاني صاغية وبتركز بس عشان ترد على فلان وعلان وتستشهد بكلام الاجنبي وياليت بعد هذا كله تعرف ترتب كلمتين وتوضح فكرتك بدون ماتستخدم كلمات فضفاضة لاتسمن ولاتغني من جوع وهنا يبدا يوضح الفرق والمشكلة في بعض عينات مجتمعنا لمن اشوف تجربة من شخص عادي يشرح فيها الايجابيات والسلبيات بطريقة راقية وبتفاصيل قد يجهلها حتى صاحب الشأن طبيعي اني بكون مركز واشكر صاحب الرأي بدال كلمات مثل: خايسة حرامي مرتشي غبي مايفهم يقلد…الخ فين التفاصيل ؟؟؟؟ مشكلتنا وصلنا لمرحلة خصوصا في منصة اكس معد تعرف المجتمع وبعض العينات ايش تبغى يوم يطالب بالمقاطعة تحت اي ذريعة وبعدها بيوم هوا نفسه من يغطي تفاصيل اللعبة زي ماصار مع الصحراء القرمزية يوم يطالب بتطوير الالعاب من عرب ويبتعدو عن الهوية العربية والصورة النمطية وبعدها يقلك فين العربي في الموضوع وعاداتنا وتقاليدنا وكأن المحتوى لازم يكون بقالب معين بينما نلاحظ التنوع عند الاجانب اللي مبني على دراسة سوق وحتى لو فيه ملاحظات تتقدم بشكل ممتاز اقلها من البعض او اقلها اسال قبل تحكم وبعدها احكم وقرر وانتقد للاسف مجتمعنا اصبح محتقن وفيه ناس تقتاد على الاحتقان وتستغله في نشر محتوى يكسبهم فلوس خصوصا في الخليج وهذا الكلام اللي مايبغى البعض يستوعبه انه انت سلعة ومحتوى فطبيعي بتحصل بكرة حسابك في مقطع ولا تغريدة الزمن اليوم صار لغته المال للبعض حتى لو على حساب المبادئ والقيم في النهاية للبعض المبادئ والقيم ماتأكل عيش وفي مواقع التواصل الاجتماعي الارقام يعني فلوس كلها تراكمات سنين اعتقد حان الوقت يكون في تطوير يواكب المرحلة الجديدة والتطور اللي قد البعض مو عايشه فمركز على السلبيات ومصلحته الخاصه وفي وجهة نظري قاعدين نعيش فترة ممتازة وحتى افضل من سنين ماضية كانت الوقاحة عيني عينك لدرجة يأمرك امر انك توقف شغل ولا تحمل قلة الادب والكلام اللي مايعجبك عشان فكرة لعبة او رأي ماعجبه على قولتهم (اللي اختشوا ماتوا) 🤷🏿‍♂️

🔴 عاجل الإعلان عن ميزانية السعودية (الفعلية) الربع الأول لعام 2026م. العجز وصل لـ 126 مليار ريال. - الإيرادات: 261 مليار ريال - المصروفات: 387 مليار ريال - العجز: 126 مليار ريال 🔴 - الدين العام: 1.667 تريليون ريال (ارتفع 148 مليار ريال)