மகள்

அமைதி அமைதி அமைதியோ அமைதி அமைதிக்கெல்லாம் அமைதி

@meenammakayal எங்க மிஸ்க்கு கோவம்னா சிரிக்கவே மாட்டாங்க, முகம் பார்க்க நல்லாவே இருக்காது. நீங்களும் மிஸ்தானே, அதான் கேட்டேன். பை.

@meenammakayal ஆமாம் ஆன்டி. அது சரி, இப்ப நீங்க கோவமா இருக்கிங்களா?

கலாம் தாத்தா வயசானதுக்கப்புறம் விட்ட ராக்கெட்ட நான் இப்பவே விட்றேன்ல பா? என அப்பாவிடம் கேட்டால் உண்மை என்பது போலவே தலையாட்டுகிறார்!

ஒரு நாள் புத்தங்களுக்கு அட்டையிட்டுக் கொடுத்துவிட்டு ஒவ்வொரு நாளும் கிழியாமல் பார்த்துக்கொள் என்கிறாள் அம்மா.

எங்க மிஸ் ரைட் ப்ரதர்ஸ்தான் விமானத்த கண்டுபுடிச்சாங்கன்றாங்க. டிவில இன்னும் கண்டேபுடிக்கலன்றாங்க. எதை நம்புறது!?

பாட்டியின் கண்ணாடியணிந்தால் நான் மிஸ் போல் இருக்கிறேனாம். எங்கள் மிஸ்கூட கண்ணாடி அணிந்தால் பாட்டி போலதான் இருக்கிறார்.

அம்மா பாரபட்சமாக நடக்கிறாள். நான் மட்டும் அதிகமாகவும், அப்பா அளவாகவும் சாப்பிட வேண்டுமாம். மாற்றிக்கொண்டால்தான் என்ன!

ஒவ்வொரு மாநிலத் தலைநகரையும் மிஸ் வரைபடத்தில் காட்டினார்கள். தமிழ்நாட்டிற்கு மட்டுமே சரியாக தலையில் இருக்கிறது அந்நகரம்.

மழை வரும்போது தோகை விரித்து ஆடி மகிழுமாம் மயில். எனில், அதற்கல்லவா வான்கோழி எனப் பெயர் வைத்திருக்க வேண்டும்!

அப்பா படிச்ச ஸ்கூல்ல ஃபீஸ் கட்டவே தேவையில்லையாம். எங்க ஸ்கூல்ல ஃபீஸ் கட்டலேனா தேவையில்லனு சொல்லீடுவாங்க.

என் உடைகளும் என்னுடன் சேர்ந்து வளர்ந்தால் நன்றாக இருக்கும். பிடித்த உடைகள் பலவற்றை இழக்கிறேன்.

எங்க மிஸ்ஸோட பொண்ணு பாவம். அவளுக்கு வீட்டுலயும் மிஸ் இருப்பாங்க.

அப்பாவின் விரல்களுக்குச் சொடுக்கெடுக்கிறேன். எவ்வளவு அழுத்தியும் விழவில்லை. எனக்கு வலிக்கக்கூடாதென வாயால் சத்தமிடுகிறார்!

இறந்த கன்றிற்காக மனுநீதிச் சோழன் தன் மகனை தேர்க்காலில் இட்டுக் கொன்றதை பசுவின் தாய்மனம் நீதி எனவா ஏற்றுக்கொண்டது!?

அம்மா என்னிடம் "சிலேட் பென்சில் தின்பதற்கில்லை, எழுத மட்டுமே" எனச் சொல்கிறாள். இதை சிலேட்டிடம் அல்லவா சொல்லவேண்டும்!

ஒரு கன்னத்தில் அறைந்தால் மறுகன்னத்தையும் காட்டச் சொல்லியிருக்கிறாராம் ஏசுநாதர். அப்பா தரும் முத்தத்திற்கு மட்டுமே இதனை கடைபிடிக்கிறேன்.

சோட்டா பீம் முகமூடி அணிந்தே என்னால் லட்டு சாப்பிட முடியவில்லை. அவன் எப்படிதான் நிஜமுகத்தில் சாப்பிடுகிறானோ!?

சுவாரஸ்யமாக கதை சொல்வதில் அப்பா மிகவும் கெட்டிக்காரர், அதனாலேயே என்னைத் தூங்க வைக்கமுடியாமல் தோற்றுவிடுகிறார்.

@writercsk தேங்க்ஸ் அங்கிள்.