‏7

ساقي الورد وش قسّى كفوف الحصاد؟ نقطفه لجل نفحة عطره وننهبه الهدايا قديمة والطواري جداد والمعنّى شريط الذاكرة يرهبه كل ما جَمّر الشوق وكساه الرماد مرّته نسمة رياح الوله تلهبه راحة النفس من بعض العباد؟ البعاد أدبر العمر يوم أقبل علي أشهبه تذهب ثمالة المخمور غفوّة رقاد السكَر من خمور الغيد وش يذهبه؟ سيّد القلب صمتي كان ترتيب ضاد في عيونك كثير من الحديث أسهبه لا تدور ثمين الشعر في كل واد والله إني مناجم فضّته وذهبه مابي إلا ابتسامة في دفاها وداد اعتبرها سلف ولا اعتبرها هِبه للمحبة مذاهب من فؤاد لفؤاد لكن الحب هذا ما أعرف مذهبه عودك اللي تثنّايه ضلال ورشاد مال من غيّ ولا مال من موهبه! لمّني بالبياض وفلّني بالسواد حان مسرى جديلٍ ودي أتوه به ليه أبات بحضن ظلماء وأضمّ السهاد؟ وأنت شعّرك يبات النور في غيهبه

«عاد قلبك و أعرَّفه و أجهل مشاويري و غلِّي لو قدرت أجوّده؟ وش لون أبي أملِّ إرّتجافه؟ الهوَى دربه طويل و حرَّ شمسّك جايزٍ لي كل ما أزداد الشعور تقلَّ لـ رضاك المسافة لا تحاول يا بعد كل الأحبّــة خاطر إللي ما تلدَّد في ديارك غيرّ من كثر الحسَافة»

بالبداية: كانت الأيام من بعدك (مهالك) كان سكين الصبر بـ إيدي ولا أدري كيف أحدّه ما أذكر إنّي كنت أدوّر شخص في الدنيا بدالك يوم قلبي موب عارف من معاه ومين ضدّه لو يهمّك حال من حبّك سألته: كيف حالك؟ و لو تحبّ اللي يحبّك كان مايرضيك صدّه قبل مُدّة: جيت في بالي و أنا ماجيت بالك ليش جيت الحين؟ يوم إنّي نسيتك: بعد مُدّة جيت مثل القطرة اللي بلّت القلب بسؤالك لا أرتوى ساعة ظماه / ولا كفخ ساعة مهدّه جيت يا قل اختياراتك / و يا ضعف احتمالك تدري إن لي قلب ماودّه / لو إن لك قلب ودّه أنت مو قد المفارق ليش تبخل في وصالك؟ ياحسافة يوم تمشي لك طريقٍ ما أنت قدّه ماقدرت آردّ قلبي قلت لك قلبي حلالك والكريم إن مدّ قلبه و انجرح مايسترده هذا حدّي في العتاب إن خاب وإلا طاب فالك لو بقول أكثر من اللي قلت لك؛ جاوزت حدّه ولو تفتّش في ضلوعي عن مودّة (مابقى لك) بالنهاية: ماقدرت أترك لك بصدري مودّة.

تهادي للحنين اللي سكن يا الفاتن الميلاف بعد سمّا السحاب وصب فوقه وازدهر عوده على ضحكاتك تساق البشاير للوزن والقاف لا عديت البيوت اللي من الاعماق مقصوده عسى وقتٍ جمعني فيك رجّع عمري اللي طاف لو انك في تفاصيلي إلين اليوم موجوده ❤️ لقيتك فالبداية امنيات ورحلة استكشاف واثاري مقبلات الخير في غرتّك معقوده ! ثلاث سنين من سبعة سنينٍ مدبرات عجاف يجود الوقت في قلبٍ نقي واعيش من جوده ! انا اللي كنت احبك ضعف واليوم بـ ثمان اضعاف معاك الحب ولذات الهوى ماهيب محدوده ! تعدي كل شي الا وضوح شعوري الشفاف وهو ماصد في وجهك زمانٍ بيّح سدوده ! اذا ناح الحمام وشق النور الشمس ف الصفصاف وقام الصبح يومي " فالجدايل " ذعذعة نوده ! تغيب الشمس وتغيب الحبايب والليال جحاف لكن الشمس بكره في مشارق الارض معهوده !

من البارحه وانا انتظر حزّة المنهاج لو الذكريات تحاصر القلب وتدكه اشوف المشاعر كنها زحمة الحجاج واقول المشاعر قدست بس في مكه! عشان النديم اللي عطيته وانا محتاج وعمرت حبه وسط قلبي واخذ صكه احنه من الزله ومن هرجة الهراج وابكّي عيون اللي يقولون لي بكه يا شين الوصال اللي يجي من وراه ازعاج خصوصاً مع اللي يفتح الباب ويصكه وانا اهون علي يقفل الباب بـ المزلاج ولا يتركه مردود .. في سده بلكه ! فراقٍ غلانا فيه اساسي وطلق حجاج ولا وصلٍ يجلس غلانا على الدكه ! لا زاد العتب قل الغلا حسب الاستنتاج لو ان الغلا مثل السمن داخل العكه عزمت وقطعت الراي حين الصباح انباج وحصنت قلبي يوم وريته السكه ! مدام المرض تستخرج الناس منه اعلاج ابا استخرج الراحه من الضيق والتكه توادعت " انا وياه " منعاً لكل احراج وحفظاً لـ ماء الوجه والخوف والشكّه ! وداع السجين اللي بعد وصله امر افراج توادع مع اصحابه وقلبه يبي الفكه..!

رجعت مُنهك حب بالوقت المناسب للفوات يا لوعة الورد بيدي؛ فات الأوان لـ موعده ما غير أنا .. بكل انسيابية؛ يرممني السكات أمرٍ غريب أختار صمتي في جميع الأصعدة أهلكني التفريط .. وأكره شي مزعج فالحياة فرط التوهج؛ صدفة الأبواب دونك مؤصده قدني مهايم فالطريق؛ وما قريت اللافتات ما ردّني إلا وحشة الوحده وإنارة الأعمدة ليلة مليئة بالقلق .. بين: التخبّط؛ والشتات والقلب متهشّم عبث؛ يا من لقلبٍ يرشده؟ ما كنّه إلا سجدة التايب بعد هجر الصلاة من أبشع الندبات في عمره قطاعة مسجده خطاه شي تجسّده في صومعة قلب رفات مثل الوشوم اللي عبارة عن خطيئة أفئدة لا زلت عالق ؛ والحياه تهزّني بالذكريات؛ بالأسئلة مثل: (وش أكثر بيت شعر تردده)؟ نتجاذب أطراف الشعر يملا سكون الطاولات واليوم أنا والبيت والكرسي ونارٍ موقده أنا اقتباسٍ يُختزل فـ "أضحى قتيلاً بالفلات" عمق التجلي لكل سالم بين حرب وعربده ! أنا ملامح مؤلمة جداً في لوحة تضحيات فيها التفاصيل الصغيرة غامضه ومعقده

يا حلو الحياة اللي معك يا خفيف الظل لو إن السنين التالية شبه —منمحله أقول أنت وجهك رزق و تقول زهرة فُل وضعت أحسد السقاي ولا أغبط النحلة ضياعي وراك أدوره جعلني ما أدل ضياع الكحل فـ اللي من الله منكحله أشوف العمر سكة مشاكل وأشوفك حل و أشوف الوجيه الثانية كلها ضحلة أحبك ولا مليت منك —و كيف أملّ غرامك غرام و سالفة ضحكتك رحلة أنا من عرفتك صرت أردد بوجه الكل ما يصلح لي من الناس غيره ولا أصلح له

كان آخر أخبارك .. تجي في زياره ياليت تدري يوم موعدك وش جبت أذكرك قلت السبت و طال إنتظاره مرّت علي سنين .. ما مرني سبت

مريت الأحلام.. من بوابة المسَّتحيل ماكان عندي أمل فأحلامي الممكنة سحايب العمر لا جدباء ولاسلسّبيل والرُوح بدوٍ عطاشى والحنين ألسّنة تعال أعلمك عن قلب؛الشجاع ،الذليَّل والقلّب لا مات؛ يا يدّفنك، يا تدّفنه أيام بصَّدورنا ظلت تحط وتشيل وأيام في صفحة التاريخ متكفنة! خطيّة الدرَّب لا استوحى خطاوي الرَّحيل يترّتل الدمع في نوت الصّبا .. دندّنة سايرت حزني ولا لي غير حزني خليلّ يلعني الخوف من باب الملل وألعنه! هذا أنا .. وإنت في صَّدري مداين نخّيل صلى لك الشوق من كان الولّه مأذنة تعال لو طيّف، وأقطف من غصَّوني دليل..! إن اللقاء تاه في دواّمة الأزمنَّة تعال لو قطرة تغزي خفوقي وأسّيل لو يضمن الليل ترجع لي، أنا مـ أضمَّنه! تمر في البال وورّود المشاعر تميل ياللي معي وين ماهَّب الشعر سوسنة ركايب الدمع .. من هو قال عيني سبيّل؟ دفنت صوت الرجاء في برزخ المسَّكنة

ياحبيبي والقصايد ماتسلّي والمدى شف وجهه المرتاب ليِّل فيه غصنٍ ذابل وشِعر وتجلّي وفيه قلبٍ مايملّ وضحك عيِّل للصّباحات القديمة جيت كلّي جيت أفتش عن صباحٍ لي مهيِّل وأغزل الماء في يدّي وأركض وأهلّي َوأتحادى وأهتف أهّتف ياغزيِّل كل ماضاقت بي الأيام —قلّي ليه أغمض وأنطق أسمك وأتخيّل؟

انا لا تباطيتك علي الولّه ينشاف يبّين على العاشق وينشاف فـ عيونه احبّك جعل حبٍ يجي من بعدك يْعاف وانا حالفٍ حبّك مع الوقت ما اخونه ليا شفت وجهك والله ان ماعلّي اخلاف فلا تنشد اللي شاف غايتّه وش لونه ! عيونك مثل مجدٍ قِصر دونه اللي خاف وانا اللي يحب المجد ويموت من دونه

أنا طموحاتي بعيده و راسي ، عنييّد ماأسمح من المستحيله غير لا طلتها رزقني الله ، بـ ( موهبةٍ ) مداها بعيد تزاولت لي على دربـي ، و زاولتها رغم إني أملك نوادر من عيون القصيد تغريني اللي ( ليا هالحين ) ما نلتها ماعندي أجمل قصيده من قديم وجديد أجمل قصيده - قصيدةٍ ما بعد قلتها

«تغشّاك قلبي تحت جنح المسّّا وإنقاد كفيف، ولقى كفٍّ تداريه وتْدلّه ! نزع من تراب أرضه خيّام وعمَد وأوتاد لقى في ثراك أرضٍ، وفي حِلّتك؟ حِلّه على أنّي أباعد، وأتمرجّح؛ رضى وعْناد أدور رضى الأحلام . . ما أدوّر الزلّة! لا زالَّ القديم من الّليالي معاك جدَّاد إِلَّى شفت ظنك شك فـ محبّتي؟ قله تمر السنين وكل حاجة على المُعتاد هذا دربك أدله . . وذا بيتك ادلّه! ولا زال صدرك عن حنيّن الغريب؛ بلاد تبعدني ظروف العمر .. وأرَّجع لـ ظله توقف ملذات العمر بين شُرب، وزاد! ولا ألَّذ من صوتك إلى جاء على حله وتو العمُر، وأنا دروبي معَاك بعاد إلى من نشف ريقي؟ فـ جب ثغرّك وبله جعل كل يوم قد مضَّى لي معاك يعَاد أنا ما يكفيّني معك ما مضى كلّه!»

خلوني آسجّ وأسلى من ربوع لربوع لعيون من تارد أشواقي على عدّها يغمرني الزين وتسيطر عليّ الطبوع يوم إنّي أدوزن أبياتي على قدّها رقيقةٍ ما تطاوعني عليها الضلوع تاقف على شفاهي الكلمات وآردّها عن كلمةٍ ما بعدها غير زرق الدموع يْردّني منظر الدمعة على خدّها

هذا أول الليل لا تربك سكون الظلام لـ النور بـ عيوني الليله مسافة سهر حييت يا ساعي الذكرى عليك السلام لا أنفض سمّار ليلي طاب معك السمر شعوري البارحه ما كان قد المقاام البارحه كانت الساعه بـ حسبة عمر كيف أختزل جوهر المعنى بـ قالب كلام إلا إني أنزف مداده من عروقي حبر لـ النور يا فجري الأول ومسك الختام لو ما لقى المهتدي لك في قنوته فجر

-«الأماكن موحشَّة و الريح روحٍ دون ملَّه كلما خفَّت جروحي زفَّت طعون الطواري! في زمان الذكريات الظلم بـ عيون الأهلَّه سارقٍ من عين صبري دمعةٍ تشرح قراري خالقي رحَّماك من واشٍ نوى فراق الأخلَّه وفزز الماء في عيون المستريح و سال طاري»

يا كثر ملح الملامح ويازين الطباع وحي دار داجت أقدامها بـ فياضّها وين ماتسكن يحل الرضى والأقتناع الكويت كويتها ، والرياض رياضها

على وين يا عمرٍ خذا فالسّنين سنين من أجمل تفاصيل العمر، وابلغ أحلامي لو المقبلين أكثر بواجد من المقفين أنا كيف بـ احرّر هيامي من أوهامي يا سر الحياة اللي حفظتك ليوم الدين ما تدري بك إلا أوراقي البيض وأقلامي خذيت الشعر ونسه وعشت السهر روتين وتوغلت في أبياتي مثل جرحك الدامي يا بو عودٍ حزّامه من إيديني الثنتين وش اللي مجفل خطوتك تالي أيامي؟ مع أن وجهك أكثر وجه ينشاف للسّارين على كل لدّت عين .. اعيّنك قدامي غزالٍ جفول تحنّ من نظرة العينين أجل كيف ما خبيّك من رمية الرامي طريقك جراهيد ومتاهه ولوعة بين سرابٍ يزيد الروح في لهفة الضامي على شرفتك ياما من البيت والبيتين أنا أحس ربي حط فالشرفه إلهامي حفظت الطريق اللي يودي لـ بابك زين لو أغمض عيوني .. توديني أقدامي

ما عاث بقلوب المواليف وأجتاح كثر الهوى اللي ينثني ويتمايل شيٍ نقوله بالقصايد ونرتاح وشي ورا عوج الضلوع النحايل ولا فرحت بشوفة البرق لا لاح الا حزنت من أنعدام الوسايل ياما تمنيت المطر كل ما طاح ألقى بصندوق الرسايل رسايل

صاير من احداث الأيام هادي روع قبل احمّل طاقتي فوق ماطيقه كل ما جيت أطرح الراي في موضوع أذكر إن الله كفيل بـ مخاليقه من وصل له لحظة إدراك من ذا النوع مستحيل يكمّل —آخر طواريقه العوض في غيبة الفرد بـ المجموع ناسبت قلبي وتلت —معاليقه