عـمعـوم (:

مايندم الساكت كثر من تكلم ولايامن العاقل صواديف الايام

الرجل من يصنع لنفسه نجاحات ماهوب ينجح من يدين الاوادم

يطيبون في وقت الشدايد .. خيار القوم مثل ما يطيب العود الأزرق على الجمره

مبطي وانا قافل ابواب الزعل والعتاب حتى المشاريه مبطي قافلٍ .. بابها مشغول واصارع ظروفي مع كل باب ولاني بعبد الوجيه ولا احسب حسابها

ما غيّر الوقت فينا ياصاحبي حاجه مهماً تزيد الليالي في مصاعبها نساير الوقت ونجنّب عن إحراجة في قدر الأمكان لِـ الحاجة وصاحبها نمشي على حسب مبدانا ومنهاجه مانخلف أمر المبادي في مطالبها لو شان وجه الزمان وضاق مخراجه ماتقبل النفس غير اللي يناسبها

خلك على الفرقا قوي العزايم من يتبع المقفين يصغر وينهان .

الوقت لو جار ماني بشايل همه اصبر و يفرج لي الله فارج الهمي رجال من فضل ربي عالي الهمه و اهم ما عندي رضا ابوي ورضا امي ولاني من الي يشيلونه بني عمه اشيل عمي و مع عمي بني عمي ولو ترخي اذنك لمن جا فاتحً فمه ما فيه طيب بيسلم من الذمي

ترانا بخير ولايغرك كلام الناس مواقيفنا تزعج لها ناس هرّاجه . على والنعم يشهد لنا كل طيّب راس وعلى اللي تحده حاجته نقضي الحاجه

مايطرح الشاره رصاصٍ مكاذيب ومايرفع الرايه يمينٍ ضعيفه

محـدن موردك السعد غير يمناك لو قلت مهما قلت يا هملالي لاراعي المنصب ولا راعي الأملاك يقدر يغيّـر لك صـدوف الليالي انتـه تبـا العليـا وفـ الناس شـرواك محدن متنازلك ولو صرت غالي ادحم مع الابطـال لارحـم مجناك القـرم يصمل .. والهـوّين يمالي

لا صار رايك مايدلك على خير الصمت خير من الحكي والملامه .. والطيب مايكسب بليا مخاسير والرجل تعرف منزله من كلامه

أضحك ، وخلّك .. لوجه الله متوّجه والمجتمع .. لا يضرك كثرة أزعاجه أطلق صراح الزعل والضيق والصجه وأرفع كفوف الرجا .. للخالق ، وناجّه خذ لك عن الحزن في جو الخلا سجّه حاجتك لله ، ومالك في البشر حاجه

كفنت بالضلع الايسر كل زلة رفيق ودفـنتها ما تركت إلا شذى طيبهـا خلك مع الناس لا متكلف ولا دقيق طـيات الأيام مدري وش ورى غيبها

من ضيّع المعروف بين الرياجيل و أنّكر معاريف الرجال العظيمه عليه شرهات القروم المشاكيل في موقفٍ..ينسخ جديده قديمه شواربٍ تِحّشم عن القال و القيل و شواربٍ .. ما تستحق الحشيمه وأنا …. ليا كثرت هروج المهابيل ماًقفى خويي بالحكي و النميمه

ماتعوّدت احني الراس من بين الصفوف ولا تعوّدت اتذرّى و ادوّر لي ذرى .. إن وردت أرد على العدّ والعالم تشوف وإن وقفت اقف على العزّ والعالم ترى

النفس عن بعض السوالف معيفه ماني معودها على الكذب والبوق سمعي عليه احجاب واذني نظيفه من شان مايدخل بها كل منطوق صما ليا جات السوالف ضعيفه وتسمع ليا جات السوالف لها ذوق

العقل والثقل فالرجال مطلوبة الناس في هيبته ماهي مشاركتّه بعض الرياجيل متبري منه ثوبة ماتدري الارض تحتّه كيف ماسكته اللي تجي كلمته ماهي محسوبة يسكّت ويرتاح ويريّح ملائكته

صدري على الدنيا واهلها شمالي لو تكثر { الصكّات } ماضقت منها ، وارخص علشان الخوي كـل غالي وزلـتـه ماتـدري المـخاليق عنهاا

لا توصينا وحنا اللي وصايانا تدرس والله انه عارفين اللي لنا واللي علينا

أن جيتنـا ، غالي على كل الأحـوال وأن رحت ، مانرضى عليك بـ شتيمه