محمد المصري

هي كانت محفظة متعددة التوقيعات (Multi-Sig / Multi-Signature Wallet) مش محفظة باردة (Cold Wallet). المحافظ متعددة التوقيعات هي عبارة عن عقود ذكية بيتحكم التحكم فيها بواسطة محافظ خارجية. يعني تخيل إن المحفظة متعددة التوقيعات عبارة عن خزنة مش بتفتح إلا بوجود عدد معين من الأشخاص، كل شخص معاه مفتاح بيفتح قفل في الخزنة. عشان تحتاج تعمل أي معاملة أو تسحب جزء من الأموال الموجودة في النوع ده من المحافظ لازم يتم التوقيع على المعاملة دي من خلال عدد معين من الأشخاص/المحافظ بيتم تحديده أثناء إعداد المحفظة/العقد الذكي للمحفظة، والتوقيع ده بيتم من خلال محافظ خارجية EOAs، زي المحافظ اللي بنستخدمها Phantom - TrustWallet - Ledger - Trezor وغيرها. ازاي بقى بالرغم من الحاجة لموافقة أكثر من محفظة بيتم سرقة المحافظ متعددة التوقيعات؟ في طريقتين الموضوع ده بيتم بيهم، والاتنين بيعتمدوا على الاختراق: 1. المفاتيح الخاصّة Private Keys للمحافظ الخارجية نفسها بتتسرق، وبالتالي انت بقى معاك مفاتيح الخزنة خلاص تقدر تنقل الأصول بنفسك، وتوقع على المعاملة. ده اللي حصل بالظبط في اختراق شبكة Ronin في 2022 لما اتسرق منهم 600 مليون دولار. 2. بيحصل فيه اختراق فيزيائي للأشخاص اللي بيمتلكوا المحافظ الخارجية، وبيفضل الهاكرز منتظرين لغاية ما يكون فيه معاملة هتحصل من المحفظة يحقنوا المالوير أو الكود الخبيث بتاعهم. الكود الخبيث ده باختصار بيتلاعب في معلومات المعاملة، بحيث إن المعلومات اللي بتكون ظاهرة في واجهة المستخدم (زي مثلا العنوان اللي هيتم التحويل ليه) تكون مختلفة عن البيانات الحقيقية اللي بيتم توقيعها تماما، ودي أمور بتحصل في الخلفية مش بتكون ظاهرة للموقعين. يبقى انت مثلا شايف بعنيك إنك حولت للعنوان الصحيح وكان ظاهر أمامك، لكن الحقيقة إنك حولت لعنوان غلط. ده اللي حصل مع Bybit. فريقهم كان بيعمل تحويل، اتأكدوا من كل المعلومات تمام والمحافظ (الأربعة) الخارجية وقعوا بالموافقة على المعاملة، لكن الموافقة دي كانت للأسف موافقة على ترقية العقد الذكي للمحفظة وتغيره بطريقة بتنقل ملكية المحفظة للهاكرز، وبعدها يتم سرقة كل الأصول الموجودة فيها.

حاليًا أنا موجود في السوق ومفيش نية للخروج. السوق حاليا ممل بالنسبالي لأقصى درجة، وأنا هنا مش بتكلم عن الحركة السعرية للعملات، ولكن عن التطوير والتقنية نفسها. كل حاجة تقنية في المجال بقت مملة، مفيش جديد، والسوق اتحول لنسخة رديئة من الـ Wall Street بعد دخول المؤسسات وصناديق الاستثمار. مؤسسين المشاريع حاليا بيطاردوا الأموال والاستثمارات وتصريف عملاتهم، بدل ما يطاردوا المستخدم ويطوروا تقنيات تجذب مستخدمين جدد. دخول ترامب وعصابته للسوق كان تأثيره السلبي أكبر من الإيجابي، وزي ما هو واضح ومتوقع هو كان داخل يسرق من السوق. بالإض طبعا مش هتكلم على منصات التداول المركزية وسلوكها الحالي ونوع العملات اللي بيتم إدراجها، وانهيار أسعار نفس العملات دي بعد أيام قليلة من الإدراج. أعتقد الأمور واضحة للجميع. صحيح في حدث في انتظاره وتكون نتيجته تنظيف كامل للسوق وطرد العناصر الدخيلة عليه، بغض النظر عن إيه نوع الحدث نفسه. حاجة كدة زي انهيار لونا واللي حصل بعدها من إفلاس كل مشاريع الديفاي السكام ومعاهم FTX. كان حدث مؤلم لكن نظف السوق وحصل صعود صحي بعدها. أغلب الظن إنه هيكون حدث قادم من الاقتصاد الأمريكي ومش حاجة خاصة بسوق الكريبتو نفسه. حاليا أن محتفظ بعملاتي. غبت شهور عن السوق بدون متابعة والحمد لله المحفظة حاليا على ربح طيب. بعمل صفقات Scalping عشان أكسر الملل. بنوع استثماراتي في أصول مرتبطة بالمجال غير العملات زي الدومينات، مستمر في متابعة مشاريع عملاتي وتحديثاتها، وبعض المشاريع الأخرى اللي مهتم بيها. بعمل بحث في بعض المجالات الجديدة اللي ممكن تكون ترند الفترة القادمة (معجب جدًا بفكرة الـ Quantum Tokens/Money).

هههههههههههه فيتالك بعد سنوات من تبني والدفاع عن فكرة توسع الإيثريوم عبر الطبقات الثانية قرر يتوب عن وجهة النظر الغبية هذه ويعترف: "The original vision of L2s and their role in Ethereum no longer makes sense, and we need a new path." الترجمة: لم تعد الرؤية الأصلية للطبقات الثانية ودورها في الإيثيريوم منطقية، ونحن بحاجة إلى مسار جديد. ده الكلام اللي قولته وتعبت كتابة وشرح فيه لما زهقت. الطبقات الثانية حلول فاشلة للتوسع، والاستثمار في عملاتها استثمار فاشل. الحمد لله على نعمة العقل والبصيرة.

25.7 مليون عملة ZRO هيدخلوا للسبلاي المتداول الأسبوع الحالي 🙃

*حاسس إني مش بتكلم كفاية عن LayerZero

*حاسس إني مش بتكلم كفاية عن LayerZero

SUI/APT New ATH