Osama

نشرت دكتوره تدعي أمنية سويدان منشور عن فترة عملها بقسم النساء بمستشفي الشاطبي صادم مما يستدعي لفتح تحقيق عاجل في هذا الكلام الخطير ومعرفة صحتة حيث دون قائلة أنا حقيقي نفسي أي إنسان محترم في موقع مسؤولية أيا كان وعنده ذرة ما تبقت من ضمير أو أخلاق يفتح ملف مستشفى الشاطبي قسم النسا ذلك المكان الموبوء اللي تسبب في صدمة نفسية لأكتر من 90% من مرتاديه من مرضى وأطباء وطلاب طب قضيت في المكان ده شهرين ك طبيبة امتياز وكانوا أتعس وأسوأ فترات حياتي وأكتر فترة حسيت فيها بالعجز وقلة الحيلة في أربع مواقف مستحيل يتمحوا من ذاكرتي ١. واحدة ست بتولد وأول مرة تولد، بنوتة صغيرة عندها ١٩ سنة والدكتور المحترم عشان مصدع من صوتها وهي بتولد عمل إجراء طبي مطلوب وهو فحص فتحة عنق الرحم بشكل أبيوزد عمله اكتر من مرة بطريقة عميقة جدا وعمل تحفيز للبظر وشد للشفرات يعني اختصارا تحرش بالست وهي بتولد قدامي وقدام التمريض وانا من كتر الصدمة معرفتش أرد وفضلت متجمده لدقايق لحد ما خرج وخرجت وراه وانا بسأله انت ازاي تعمل كده تجاهلني كأني مقولتش حاجة وطلع يحكي للمغامرة الجنسية دي للممرضات وقالهم عشان تبقى تتمرقع وتصوت وهما بيضحكوا ٢. ست تانية بتولد الدكتور لطشها بالقلم والممرضة قالتلها جاية تصوتيلنا هنا ولما كنتي بتت*ناكي كان حلو؟ انا وزميلتي اتصدمنا وفضلنا نمسك ايد الست وننشفلها عرقها بعد وخدنا تريقة من الدكتور والممرضة إن ياعيني كتاكيت وقلبها خفيف ٣. ست جاية ف نايت شيفت اتعرضت لمحاولة اغتصاب وجالها نزيف مهبلي وتهتك ف جدار الرحم وجاية بمحضر رسمي ومعاها امين شرطة؛ الدكاترة المحترمين رفضوا يقدمولها خدمة طبية سواء بصرف حبوب منع حمل طارئة او تحويلها للحميات عشان تاخد الجرعة الوقائية من HIV ولما اتخانقت معاهم قالولي فكك منها دي شر*موطة انتي مش شايفة لبسها ولا السجاير اللي معاها ووقفوا يكملوا باقي السندوتشات بمنتهى البرود ٤. ست جاية بمحاولة إجهاض غير مكتملة وبتدعي انها وقعت وهي شكلها اصلا مضروبة بونية ف عينها يراها أي كفيف والجنين ف الشهر السادس ونازل من بطنها ملفوف بقماشة والحبل السري كله بره جسمها والمشيمة جوه هل عملوا محضر يثبت واقعة عنف؟ لأ هل كملوا الاجهاض وعملولها عملية تنضيف رحم؟ لأ الست دي ف خلال دقايق هيحصلها تسمم حمل والبهوات رافضين يقدمولها خدمة طبية لحد ما تبعت حد يجيب قسيمة جواز لولا اني دخلتها على مسؤوليتي الشخصية وعملتلها التذكرة اللي اتطلب إن يتكتب عليها جملة مهينة _ اشتباه حمل سفاح طبعاً مش هتكلم عن إجراء الضغط بالكوع على الرحم لتحفيز نزول المشيمة بعد الولادة عشان معندناش وقت نستنى ٢٠ دقيقة لحد ما تنزل طبيعي او عالاقل ندي اوكسيتوسين ومش هتكلم عن الجرجرة قدام كشك الولادة ولا رمي الستات بعد ما يولدوا عشان نفضي سرير ولا عمليات شق العجان غير الضرورية ولا عن ما يسمى بغرزة الزوج عشان دي بقت ممارسات متبناه ف الوعي الجمعي ولا هنتكلم عن عمليات القيصرية غير الضرورية عشان نلم أقساط شاليه العلمين ولا على الطبيعي بعد قيصري لو الحالة متسمحش عشان أقساط أبراج سموحة عشان دين أم مشاعر أبو مهنة سامية بتتجرح وهو هاتك عرض سامية واللي خلفوها وطبعا مش هنتكلم عن المعاملة اللي زي وشهم اللي بيشوفها الامتياز والجونيورز اللي طول الشهرين مشغلينا خدامين عندهم عشان ده ديوتي مش ديرتي ومش هنتكلم عن التنمر على أشكال وألوان الأعضاء الجنسية للستات اللي بتولد عشان احنا مش ف النرويج ودي كلها مشاكل عالم أول مقابل كم الحقارة اللي شوفناه ولا هنتكلم عن الألفاظ البذيئة اللي اللي مسمعتهاش ف أحقر قهوة بلدي وبيئة العمل غير الآمنة لأي ست عشان دي رفاهيات يا فندم ومش هنتكلم عن الست اللي شوفتها مهددة بالموت ورافضين يدخلوها عناية عشان حامل غير لما يجيبوا موافقة كتابية من جوزها اللي مسافر الخليج او ابوه او اخواته الرجالة اللي ف الصعيد ورفضوا موافقة أمها عشان مينفعش ست تقرر او كما قال لي السنيور ده الشرع و القانون يا دكتورة ولا انتي من الجماعة الفيمنست هاهاهاها #منقول