CMO Gujarat

મુખ્યમંત્રી શ્રી ભૂપેન્દ્રભાઈ પટેલે અમદાવાદ મ્યુનિસિપલ કોર્પોરેશન અને ચેટીચંડ મહોત્સવ સમિતિ દ્વારા અમદાવાદના નરોડા પાટિયા ખાતે આયોજિત ભગવાન ઝૂલેલાલની શોભાયાત્રાને પ્રસ્થાન કરાવ્યું હતું. મુખ્યમંત્રીશ્રીએ સિંધી સમાજના ભાઈઓ-બહેનોને ચેટીચંડના પવિત્ર તહેવારની શુભેચ્છાઓ પાઠવતાં જણાવ્યું હતું કે, સિંધી સમાજ સાહસ, પરિશ્રમ અને પુરુષાર્થ માટે ઓળખાય છે અને આ સમાજે વેપાર-વાણિજ્ય સહિત અનેક ક્ષેત્રોમાં પોતાની પ્રતિભાનો પરચમ લહેરાવ્યો છે. તેમણે ઉમેર્યું હતું કે, સિંધમાંથી આવી ગુજરાતને પોતાની માતૃભૂમિ અને કર્મભૂમિ બનાવનાર તેમજ દૂધમાં સાકરની જેમ ભળી જઈ રાજ્યના વિકાસમાં સક્રિય યોગદાન આપવાની સમાજની આ ભાવના ‘એક ભારત, શ્રેષ્ઠ ભારત’ના મંત્રને સાકાર કરે છે.

મુખ્યમંત્રી શ્રી ભૂપેન્દ્રભાઈ પટેલ આજે અમદાવાદ ખાતે આયોજિત CII ગુજરાતની એન્યુઅલ મિટિંગ તથા ‘Gujarat @ $1 Trillion Economy by 2030 : From Industrial Power to Global Economic Hub’ કોન્ફરન્સમાં CIIના પદાધિકારીઓ અને ઉદ્યોગજગતના અગ્રણીઓ સાથે ઉપસ્થિત રહ્યા હતા. મુખ્યમંત્રીશ્રીએ પોતાના વક્તવ્યમાં જણાવ્યું હતું કે, માનનીય વડાપ્રધાન શ્રી નરેન્દ્રભાઈ મોદીએ કંડારેલા વિકાસ પથ પર ચાલીને ગુજરાત 2030 સુધીમાં 1 ટ્રિલિયન ડોલરનું અર્થતંત્ર બનવા સજ્જ છે તેમજ આ લક્ષ્યાંકને હાંસલ કરવા માટે રાજ્ય સરકાર ઉદ્યોગકારોની સાથે રહીને તમામ જરૂરી સપોર્ટ પૂરો પાડવા માટે વચનબદ્ધ છે. મુખ્યમંત્રીશ્રીએ ગુજરાતની આર્થિક ક્ષમતા દર્શાવવાની સાથોસાથ જણાવ્યું હતું કે, ગુજરાત એક 'પોલિસી ડ્રિવન સ્ટેટ' છે અને ઉદ્યોગકારોને દરેક તબક્કે સપષ્ટતા મળે તે માટે સ્પષ્ટ નીતિઓ બનાવવામાં આવી છે. તેમણે કહ્યું હતું કે, ગુજરાતે 2047 સુધીના 'વિકસિત ભારત'માં મહત્તમ યોગદાન માટેનો રોડમેપ તૈયાર કરી લીધો છે અને તેને જમીન પર ઉતારવાનું કાર્ય પણ શરૂ કરી દીધું છે.

મુખ્યમંત્રી શ્રી ભૂપેન્દ્રભાઈ પટેલ તથા કેન્દ્રીય જલશક્તિ મંત્રી શ્રી સી. આર. પાટીલ ઉપરાંત રાજ્યના પાણી પુરવઠા મંત્રી શ્રી ઇશ્વરસિંહ પટેલની ઉપસ્થિતિમાં રાજ્ય સરકાર અને કેન્દ્રના પેયજળ અને સ્વચ્છતા વિભાગ વચ્ચે જલ જીવન મિશન 2.0 અંતર્ગત ગ્રામ્ય વિસ્તારમાં પાણીની સુવિધા વધુ સુલભ બનાવવા મહત્વપૂર્ણ MoU કરવામાં આવ્યા હતા. આ MoU મુજબ રાજ્યના તમામ ગ્રામ્ય વિસ્તારોમાં સતત અને ગુણવત્તાયુક્ત પાણી પુરવઠો સુનિશ્ચિત કરવામાં આવશે તેમજ ‘હર ઘર જલ’ પ્રમાણપત્ર પ્રાપ્ત કરવા માટે પ્રયત્નો વધુ વેગવાન બનશે. MoU અંતર્ગત પાણી પુરવઠા યોજનાઓ સમયસર અને ગુણવત્તાપૂર્વક પૂર્ણ કરી ગામ પંચાયતોને સોંપવી, ઓપરેશન અને મેન્ટેનન્સ (O&M) સુનિશ્ચિત કરવું, ગામ સ્તરે વિલેજ વોટર એન્ડ સનિટેશન કમિટિ (VWSC) દ્વારા પાણી વ્યવસ્થાનું સંચાલન, પાણી સ્ત્રોતોની લાંબા ગાળાની સુરક્ષા અને સસ્ટેનેબિલિટી પર ભાર મૂકવો વગેરે બાબતોનો સમાવેશ થાય છે. આ ઉપરાંત ડિજિટલ મોનીટરીંગ માટે ‘સુજલામ ભારત’ અને ‘પીએમ ગતિશક્તિ’ જેવા પ્લેટફોર્મનો ઉપયોગ કરી પારદર્શિતા વધારવામાં આવશે. મુખ્યમંત્રીશ્રીએ આ અવસરે જણાવ્યું હતું કે, રાજ્યના છેવાડાના વિસ્તારો સહિત દરેક ખૂણે પૂરતું સ્વચ્છ પીવાનું પાણી પહોંચાડવા માટે રાજ્ય સરકાર કટિબદ્ધ છે. સરકાર દ્વારા કરાયેલા આ MoU રાજ્યના પેયજળ વ્યવસ્થાપન તેમજ ગ્રામ્ય જનજીવનના ગુણાત્મક વિકાસમાં મહત્વપૂર્ણ ભૂમિકા ભજવશે તેમ પણ તેમણે ઉમેર્યું હતું. તેમણે વધુમાં જણાવ્યું કે, જલ જીવન મિશન 2.0 અંતર્ગત થયેલા આ MoU રાજ્યના ગ્રામ્ય વિકાસમાં એક માઈલસ્ટોન સાબિત થશે. દરેક ઘરમાં સ્વચ્છ અને સુરક્ષિત પીવાનું પાણી પહોંચાડવાનો સંકલ્પ હવે વધુ દ્રઢતા સાથે આગળ વધશે.

સદા અગ્રેસર ગુજરાત..! આવો જાણીએ, મુખ્યમંત્રી શ્રી ભૂપેન્દ્રભાઈ પટેલના નેતૃત્વમાં ખેડૂતો સહિત તમામ વર્ગના નાગરિકોના કલ્યાણ હેતુ કટિબદ્ધ ગુજરાતના સમાચાર. #અગ્રેસર_ગુજરાત

LIVE: મુખ્યમંત્રી શ્રી ભૂપેન્દ્રભાઈ પટેલની ગરિમામય ઉપસ્થિતિમાં CII Gujarat એન્યુઅલ મિટિંગ અને Gujarat @ $1 Trillion Economy by 2030 કોન્ફરન્સ કાર્યક્રમ. સ્થળ : અમદાવાદ x.com/i/broadcasts/1…

મુખ્યમંત્રી શ્રી ભૂપેન્દ્રભાઈ પટેલ દ્વારા પોરબંદર જિલ્લાના કુલ ₹413.81 કરોડથી વધુના 46 જેટલા વિકાસલક્ષી પરકલ્પોનું વર્ચ્યુઅલ માધ્યમથી ઇ-લોકાર્પણ અને ઇ-ખાતમુહૂર્ત વન-પર્યાવરણ મંત્રી શ્રી અર્જુનભાઈ મોઢવાડિયા તેમજ અન્ય મહાનુભાવોની ઉપસ્થિતિમાં કરવામાં આવ્યું હતું. મુખ્યમંત્રીશ્રીએ આ અવસરે જણાવ્યું હતું કે, માનનીય વડાપ્રધાન શ્રી નરેન્દ્રભાઈ મોદીના માર્ગદર્શન હેઠળ શહેરી સુવિધાના સર્વાંગી કાર્યો સમગ્ર રાજ્યમાં તેજ ગતિએ કરવામાં આવી રહ્યા છે, તે શૃંખલામાં આગળ વધતાં પોરબંદર નગરપાલિકાને મહાનગરપાલિકા તરીકેનો દરજ્જો આપી તેના આધુનિકરણ માટે આશરે ₹291 કરોડ જેવી માતબર રકમ ફાળવવામાં આવી છે તેમજ સમગ્ર જિલ્લા માટે અંદાજે કુલ ₹414 કરોડના વિકાસલક્ષી કામોનું આયોજન હાથ ધરવામાં આવ્યું છે. મુખ્યમંત્રીશ્રીએ જણાવ્યું હતું કે, પૂજ્ય ગાંધી બાપુની આ જન્મભૂમિ પર સ્વચ્છતા અને સેવાના મૂલ્યો સાથે વર્ષ 2047 સુધીમાં 'વિકસિત ગુજરાતથી વિકસિત ભારત'ના સંકલ્પને સાકાર કરવા માટે રાજ્ય સરકાર મક્કમ છે. તેમણે લોકોને આ વિકાસ યાત્રામાં સહભાગી થવા અને વિકસિત ગુજરાત માટે પોરબંદરને લીડ લેતું મહાનગર બનાવવા આહવાન કર્યું હતું.

મુખ્યમંત્રી શ્રી ભૂપેન્દ્રભાઈ પટેલે આજે ચૈત્રી નવરાત્રી, ચેટીચાંદ અને નૂતન વર્ષ પ્રતિપદાના પાવન અવસરે વન-પર્યાવરણ મંત્રી શ્રી અર્જુનભાઈ મોઢવાડિયા, શિક્ષણ રાજ્યમંત્રી શ્રીમતી રિવાબા જાડેજા તેમજ અન્ય મહાનુભાવોની ઉપસ્થિતિમાં આયોજિત સમારોહમાં જામનગર શહેર અને જિલ્લાના કુલ ₹412 કરોડથી વધુના વિકાસકાર્યોનું વીડિયો કોન્ફરન્સના માધ્યમથી લોકાર્પણ અને ખાતમુહૂર્ત કર્યું હતું. મુખ્યમંત્રીશ્રીની વર્ચ્યુઅલ ઉપસ્થિતિમાં આ અવસરે શહેરી વિકાસ વર્ષ-2025ની ઉજવણી અન્વયે કોફી ટેબલ બુકનું અનાવરણ કરવામાં આવ્યું હતું. મુખ્યમંત્રીશ્રીએ જામનગરની વૈશ્વિક ખ્યાતિ અંગે ગૌરવ વ્યક્ત કરતાં જણાવ્યું હતું કે, માનનીય વડાપ્રધાન શ્રી નરેન્દ્રભાઈ મોદીના પ્રયાસોથી જામનગર આજે વિશ્વના નકશા પર આયુર્વેદના ક્ષેત્રે WHOના ‘ગ્લોબલ સેન્ટર ફોર ટ્રેડિશનલ મેડિસિન’ તરીકે પ્રસ્થાપિત થયું છે. વંદે ભારત ટ્રેન અને જામનગર-અમૃતસર એક્સપ્રેસ-વે જેવી સુવિધાઓથી શહેરની કનેક્ટિવિટી મજબૂત થઈ છે, જેનો સીધો લાભ સ્થાનિક ઉદ્યોગોને થવાનું તેમણે ઉમેર્યું હતું. મુખ્યમંત્રીશ્રીએ વર્ષ 2047 સુધીના આ અમૃતકાળમાં જામનગર ‘વિકસિત ગુજરાતથી વિકસિત ભારત’ના નિર્માણમાં મહત્વની લીડ લેશે અને સમગ્ર પંથક આ વિકાસકાર્યોથી અમૃતમય બનશે તેવો વિશ્વાસ વ્યક્ત કર્યો હતો.

મુખ્યમંત્રી શ્રી ભૂપેન્દ્રભાઈ પટેલની વર્ચ્યુઅલ ઉપસ્થિતિમાં જામનગરમાં હાપા એપીએમસી ખાતે આજે વિશાળ ખેડૂત સંમેલન યોજાયું હતું. મુખ્યમંત્રીશ્રીએ મંત્રી શ્રી અર્જુનભાઈ મોઢવાડિયા તેમજ અન્ય મહાનુભાવોની ઉપસ્થિતિમાં આયોજિત આ અવસરે ખેતીવાડી ઉત્પન્ન બજાર સમિતિ, હાપા ખાતે ₹85 લાખના ખર્ચે નવનિર્મિત ખેડૂત ભોજનાલય અને ₹65 લાખના ખર્ચે નિર્માણ કરવામાં આવેલ ખેડૂત આરામ ગૃહનું ઈ-લોકાર્પણ કર્યું હતું. મુખ્યમંત્રીશ્રીએ જણાવ્યું હતું કે, માનનીય વડાપ્રધાન શ્રી નરેન્દ્રભાઈ મોદીએ કૃષિ અને ખેડૂત કલ્યાણને હરહંમેશ કેન્દ્રમાં રાખ્યા છે અને તેમના નેતૃત્વમાં કૃષિ, ઉદ્યોગ, ખેડૂત ત્રણે એક જ પ્લેટફોર્મ પર ભેગા થઈ વૈશ્વિક શિખરો સર કરે તે માટે સરકાર પ્રયત્નશીલ છે. તેમણે વિવિધ કૃષિલક્ષી અને ખેડૂત કલ્યાણકારી યોજનાઓ અને પહેલની રૂપરેખા આપવાની સાથોસાથ માનનીય વડાપ્રધાનશ્રીએ શરૂ કરાવેલ સ્વદેશી અભિયાનમાં જોડાઈને પ્રાકૃતિક ખેતી અપનાવી આત્મનિર્ભર ભારતના સૂત્રને સાકાર કરવા ખેડૂતોને આહવાન કર્યું હતું.

LIVE: મુખ્યમંત્રી શ્રી ભૂપેન્દ્રભાઈ પટેલના વરદ્હસ્તે પોરબંદર જિલ્લાના વિકાસકાર્યોનું વર્ચ્યુલ માધ્યમથી લોકાર્પણ અને ખાતમુહૂર્ત. x.com/i/broadcasts/1…

છોટાઉદેપુરની ધરા પરથી 1008 બહેનોએ આલેખ્યો લાગણી અને કૃતજ્ઞતાનો સંદેશ. માનનીય વડાપ્રધાન શ્રી નરેન્દ્રભાઈ મોદીના નેતૃત્વમાં છોટાઉદેપુર જિલ્લામાં થયેલ વિકાસ, લોકકલ્યાણ અને મહિલા સશક્તિકરણ બાબતે આદિવાસી બહેનો દ્વારા પત્ર થકી વ્યક્ત કરવામાં આવેલ આભારનો ભાવ માનનીય વડાપ્રધાનશ્રી સુધી પહોંચાડવા માટે મુખ્યમંત્રી શ્રી ભૂપેન્દ્રભાઈ પટેલના દિશાદર્શનમાં જિલ્લા વહીવટી તંત્ર દ્વારા હાથ ધરવામાં આવેલ વિશેષ પહેલ સરાહનીય છે.

LIVE: મુખ્યમંત્રી શ્રી ભૂપેન્દ્રભાઈ પટેલ દ્વારા જામનગર શહેર અને જિલ્લાના વિવિધ વિકાસલક્ષી પ્રકલ્પોના વર્ચ્યુઅલ માધ્યમથી લોકાર્પણ અને ખાતમુહૂર્ત. x.com/i/broadcasts/1…

સદા અગ્રેસર ગુજરાત..! આવો જાણીએ, મુખ્યમંત્રી શ્રી ભૂપેન્દ્રભાઈ પટેલના નેતૃત્વમાં AI સહિતની ઉભરતી ટેક્નોલોજી માટે ગ્લોબલ સેન્ટર બનાવવાની દિશામાં હરણફાળ ભરતા ગુજરાતના સમાચાર. #અગ્રેસર_ગુજરાત

રાજ્યના વિકાસની ધોરીનસ સમાન રસ્તાઓ અને હાઈવે બન્યા છે પ્રગતિના ધોરીમાર્ગ. મુખ્યમંત્રી શ્રી ભૂપેન્દ્રભાઈ પટેલના નેતૃત્વમાં ગુણવત્તાયુક્ત અને અત્યાધુનિક ટેકનોલોજી આધારિત સુદ્રઢ રોડ ઇન્ફ્રાસ્ટ્રક્ચરના નિર્માણ થકી નાગરિકો તેમજ ઉદ્યોગ-વેપાર માટે ‘ઈઝ ઓફ ટ્રાન્સપોર્ટેશન’ સુનિશ્ચિત કરવા રાજ્ય સરકારની પ્રતિબદ્ધતા. #PathToProgress @RnBGujarat

સરદાર પટેલ લોક પ્રશાસન સંસ્થા (SPIPA) દ્વારા ગાંધીનગર ખાતે ચાલી રહેલા પ્રથમ કોમન ફાઉન્ડેશન કોર્સના તાલીમાર્થી અધિકારીઓએ ગુજરાત વિધાનસભાની મુલાકાત લઈને મંત્રીશ્રીઓનું માર્ગદર્શન પ્રાપ્ત કર્યું હતું. મુખ્યમંત્રી શ્રી ભૂપેન્દ્રભાઈ પટેલ તથા વિધાનસભાના માનનીય અધ્યક્ષ શ્રી શંકરભાઈ ચૌધરી સાથે તાલીમાર્થી અધિકારીઓને સમૂહ તસ્વીરનો અવસર મળ્યો હતો. તાલીમાર્થી અધિકારીઓને આ અભ્યાસ મુલાકાત દ્વારા પ્રાપ્ત થયેલ રાજ્યના વિધાનતંત્રની કાર્યપદ્ધતિ અંગેની વ્યાપક અને પ્રત્યક્ષ ભવિષ્યમાં તેમની પ્રશાસનિક ફરજોના નિર્વાહમાં મદદરૂપ થશે.

મુખ્યમંત્રીશ્રીએ AI ટેક્નોલોજી આધારિત કામગીરી કરતા વિવિધ સેક્ટરના સ્ટાર્ટ-અપ્સની પ્રોડક્ટ્સનું પ્રદર્શન નિહાળી યુવા સ્ટાર્ટ-અપ્સને પ્રોત્સાહન આપ્યું હતું તેમજ દેશના રાજ્યોના 24 જેટલા ઉચ્ચ સંભવિત સ્ટાર્ટ-અપ્સ સાથે પ્રત્યક્ષ સંવાદ સાધીને તેમના અનુભવો અને ઈનોવેશન વિશે જાણવામાં ઉત્સુકતા દર્શાવી હતી. મુખ્યમંત્રીશ્રીએ સ્ટાર્ટ-અપ્સ સાથેના આ સંવાદ દરમિયાન જણાવ્યું હતું કે, માનનીય વડાપ્રધાન શ્રી નરેન્દ્રભાઈ મોદીએ ગુજરાતના મુખ્યમંત્રી તરીકે રાજ્યના વિકાસનો જે મજબૂત પાયો નાખ્યો છે, તેના કારણે આજે ગુજરાત નાણાંકીય શિસ્ત સાથે નવી ટેકનોલોજીને ઝડપથી અપનાવવામાં દેશમાં મોખરે છે તેમજ ઈમર્જિગ સેક્ટર્સ એવા AI, સેમિકંડક્ટર અને ગ્રીન ગ્રોથ દ્વારા સસ્ટેનેબલ ડેવલપમેન્ટના લક્ષ્યો સિદ્ધ કરવા તરફ ગતિ કરી છે. મુખ્યમંત્રીશ્રીએ સ્પષ્ટ મત વ્યક્ત કર્યો હતો કે, રાજ્ય સરકાર સાથે કામ કરવા માટે પ્રતિભાશાળી સ્ટાર્ટ-અપ્સને પ્રાયોરિટી આપવાની સરકારની નેમ છે. AI ના ઉપયોગથી સરકારી કામકાજની ગતિ વધારવી, કામમાં વધુ પારદર્શિતા લાવવી અને સરકારી યોજનાઓના લાભો ટેકનોલોજીના સહારે છેવાડાના માનવી સુધી ઝડપથી પહોંચાડવા તે જ સરકારનો મુખ્ય ઉદ્દેશ્ય છે તેમ પણ તેમણે ઉમેર્યું હતું.

મુખ્યમંત્રી શ્રી ભૂપેન્દ્રભાઈ પટેલના નેતૃત્વમાં ગુજરાતને યુવા સ્ટાર્ટ-અપ્સના સ્કેલેબલ અને ઈફેક્ટિવ સોલ્યુશન્સથી વધુ સક્ષમ કરીને AI અને ઉભરતી ટેક્નોલોજી માટે ગ્લોબલ સેન્ટર બનાવવાની દિશામાં સ્ટાર્ટ-અપ સંવાદનું ગાંધીનગરમાં મહત્વપૂર્ણ આયોજન કરવામાં આવ્યું હતું. આ અવસરે સાયન્સ ટેક્નોલોજી વિભાગ અને સર્વમ AI તથા MIKO સ્ટાર્ટઅપ સાથે MoU તેમજ AI સેન્ટર ઓફ એક્સેલન્સ, ગુજરાતની પેમેન્ટ મોડાલીટીઝનું લોકાર્પણ કરવામાં આવ્યું હતું. આ એમ.ઓ.યુ. અન્વયે સર્વમ AI દ્વારા ગુજરાતમાં એક આધુનિક Sovereign AI પાર્ક ઉભું કરવામાં આવશે આ AI પાર્કમાં એ.આઈ. માટે જરૂરી હાઈ-એન્ડ કમ્પ્યુટિંગ ઈન્ફ્રાસ્ટ્રક્ચર, રિસર્ચ અને ઇનોવેશન માટે સેન્ટર્સ, યુવાનો માટે સ્કિલ ડેવલપમેન્ટ, સરકાર માટે AI આધારિત સોલ્યુશન્સ, નાગરિક સેવાઓમાં સુધારા માટે ટેક્નોલોજી જેવી બધી સુવિધાઓ એક જ કેમ્પસમાં વિકસાવવામાં આવશે.

મુખ્યમંત્રી શ્રી ભૂપેન્દ્રભાઈ પટેલે ગુજરાત રાજ્ય માર્ગ વાહન વ્યવહાર નિગમ (GSRTC)ની રાજ્યના તમામ 182 વિધાનસભા વિસ્તાર માટે એક એમ કુલ 182 નવી બસોનું નાયબ મુખ્યમંત્રી શ્રી હર્ષભાઈ સંઘવી, વિધાનસભાના માનનીય અધ્યક્ષ શ્રી શંકરભાઈ ચૌધરી, વાહન વ્યવહાર રાજ્યમંત્રી શ્રી પ્રવીણભાઈ માળી સહિતના મંત્રીશ્રીઓ તેમજ અન્ય મહાનુભાવોની ઉપસ્થિતિમાં ગાંધીનગર ખાતે બસ ડ્રાયવર્સને પ્રતિકરૂપે ચાવી અર્પણ કરીને તેમજ ફ્લેગ-ઑફ દ્વારા પ્રસ્થાન કરાવી મુસાફરોની સેવા માટે લોકાર્પણ કર્યું હતું. અત્રે ઉલ્લેખનીય છે કે, ગુજરાત એસ.ટી.નિગમ દૈનિક 8000થી વધુ બસો દ્વારા 33 લાખ કિલોમીટરનું સંચાલન કરીને 27 લાખથી વધુ મુસાફરોને તેમના ગંતવ્ય સ્થળ સુધી પહોંચવા સલામત અને સમયબદ્ધ બસ સેવાઓ પુરી પડે છે.

સદા અગ્રેસર ગુજરાત..! આવો જાણીએ, મુખ્યમંત્રી શ્રી ભૂપેન્દ્રભાઈ પટેલના નેતૃત્વમાં સામાજિક એકતા અને સમાનતા પ્રસ્થાપિત કરવા સંકલ્પબદ્ધ ગુજરાતના સમાચાર. #અગ્રેસર_ગુજરાત

ગુજરાતના સર્વાંગી વિકાસ માટે માર્ગ-મકાન વિભાગની અંદાજપત્રીય માંગણીઓ વિધાનસભા ગૃહમાં મંજૂર... ગુજરાત સરકાર માત્ર રસ્તાઓ નથી બનાવતી, પરંતુ કરોડો નાગરીકોના સપનાઓને સાકાર કરતા સેતુ બનાવે છે: મંત્રી શ્રી ઋષિકેશભાઈ પટેલ #PathToProgress @RnBGujarat