الجادل✨

رعاك الكريم ودون حبك قفلت الباب هذي اخر دروب الغرام ومشارقها ياول احبك والغلا واخر الاحباب فدتك السنين وفرحتي يوم تقطفها بقى لك معي جرحيين ومحادثه واتساب وصوره عساي الموت لاصرت حاذفها لاقالوا وراه الي يحبك نساك وغاب بقول صدوف بقعى ماتخلي سوالفها🩵 #قصاد

لو تكثر جروحي مع الوقت ماطحت ثابت بوجه الجاي والفات ولاااا ماني ب ناسي واذكرك وين مارحت بس انت تذكرني لهلحين ولااااا ؟ #قصاد

تغانم الفرصه بمواصل احبابك دام العمر رايح تغانم الفرصه🩵 #قصاد

ياحبني لك وياحبي لطاريك اللي على العالم الثاني خذاني لاتحسب اني بعد مارحت ناسيك طيفك لو اني مادعيته غصب جاني نسيت يومك تحط ايدي بيديك يومك تقول انت عندي شي ثاني نسيت شخصٍ يكافح لجل يرضيك ادري نسيت اعرفك صاير اناني الله على صدك وهجرك يجازيك ياللي خذاك القدر ولا خذاني🩵 #قصاد

انا كنت احسب اني سمحت ورفعت الجام ماكنت احسب ان الوقت بينزل الجامه صدفته وجدد عقدي اللي مضاله عام بعد شيد بقلبي مبانيه وخيامه ابي منه فرصه مير حظي ماعمره قام تلاشى سنين العمر كني بدوامه عسى الصدفه اللي مسهرتني ثلاث ايام تكرر مع اللي تل قلبي من اخطامه🩵 #قصاد

كانك اللي فأول العمر واعماك الغرور بكره تصحيك دنياك حسب دروسها كم عذرتك وانت منت صادق ومعذور كاشفك لو كذبتك في يديك تحوسها ليت ماني واعي وفاهم بعض الامور لو يغطي خافي الناس ضحك ضروسها كانك اللي في محبه عدويني جسور اخلف الله ليلهٍ معك ضاع جلوسها #قصاد

@_RH89_ 👏🏻👏🏻👏🏻

اذكر إنه يعشق البرق ويحب الرعود وحشمةٍ له كل ما شفت برّاق اتبعه واذكر إنه يعشق الشاطي الغربي بزود وصرت احسد السفن لاجله واحسد الاشرعه ودّي أغنّي لموجه واحذف من الحيود وخايف إني لاحذفت الحصاه ابوجعه صرت أروف البحر من كثر حبه ياسعود وانت ما تبغاني أضيق وأنا اودعه -

@Dr_Dsman 👏🏻👏🏻👏🏻

لي مدةٍ وانا عن المجتمع صاد اخفي طعون الصدمه الي تموّت عفت العرب والدار والنوم والزاد واقنعت وخيام الهقاوي تطوّت الفرصه اللي خير من الف ميعاد فاتت وهي مفروض ماتتفوّت وامسيت اردد كل ماوحيت نشاد الله على الايام .. وشلون سوُت

@23zmi 👏🏻👏🏻👏🏻

العمر مره والقلوب البيض ماتبغى دليل والناس لاطابت نوايها تطيب وفوقها صحيح انا ممكن اسويها واسوي المستحيل لكن رجلي في هواء نفسي ماعدت اسوقها .

@7ii58 👏🏻👏🏻

عطيته ولا قصرت في شيمه ومقدار وقصر معي وانا ما استاهل التقصير اثر كل شي له نهايه وله معيار واثاري اندفاع النفس له عايد وتأثير تذكرت لي شخص مايدري عن التذكار وقدرت لي ناس ماتستاهل التقدير

يامنوه المشتاق ياعطر الأنفاس ياملتجى الخفاق عن كل ضايم جيتك ترا ماهمني بعد وارماس ولا ردني عن جيتك لوم لايم " انت الغنيمه والتفرط بك افلاس وان جيت أبغنم فأنت راس الغنايم "🩵

اشتكي لك من فراقك واتظلم خمسة اشهر كنها خمس سنواتي مرحبا بك جيتنا قصدك تسلم يوم شفتك يبس ريقي من شفاتي هو صحيح اني معك ؟ ولا اتحلم مابعد صدقت هل معقول تاتي🩵

كل المواجع طابت الا وجعه الحب الاخير تروح الارض حطام لو ابث حزني ووجعي ياقبله الاحساس ياللي بالغلا مالك خشير يوم الليال ملاح انا مرجعك وانت مرجعي مقابلك بعد الغياب يطول العمر القصير اقرب وانا اقرب ماورانا الا المقابر والنعي🩵

وينك يامكفيني عن اشباه البشر واصنام تهاوت من بعدك ازوال كنت احسب لها تبجيل وينك ياللي مغنيني عن شح الزمن وان صام يا اكرم من عطى قلبه اذا كان الزمان بخيل تغيب ولو تغيب اليوم عن عمري جسد وعظام اضمك فالحنايا قلب ماله فالصدر تحليل🩵

لاتبرر لو يجي جرح سكينك عميق شفت في عينك كلامٍ ورا صدرك خفي روح قدامك فجوج الوسيعه والطريق ادري انك منت لاقي مثل قلبي وفي طاح من عيني قبل طيحتك ند ، ورفيق على نيتي يوم ادور رضاهم واحتفي " ليه ازعل خاطري وانشغل فيكم وضيق مايصد وينشغل عنك غير المكتفي🤞🏻" #قصاد

حطيت لك من كثره جروحك رفوف وحطيت لي من صد الاحباب خانه وصلك امان وغيبتك وحشه وخوف وراك ماصنت الغلا والامانه عذرتك وقلت اكثر العالم ظروف والساعه اللي ماتجيبك خيانه حاول ان تسوي فيني ان جيت معروف لاتاخذ الدعوه عناد ولعانه ماكنت متوقع يجي يوم واشوف مابيني وبينك كلام وميانه #قصاد

قبل لانعرف من الغرام النقي علوم وحنا نعرف الهجر مايكشف الغمه فقدته مثل مايفقد المسرح ام كلثوم ومثل مافقد عزمه غصب راعي الهمه اكابر واطيح من القهر داخلي واقوم فراق الولايف كارثه واكبر مطمه ماظني ترده من سلوم الرجال سلوم ومن يعرف سلوم العرب يستحي دمه🩵 #قصاد

@Dr_Dsman 👏🏻👏🏻👏🏻

تنفس الصبح والنور ابتدا بالظهور وانا على جلسة البارح ما غيرتها افكاري تدور والدنيا تلف وتدور ولافيه ذكرى قديمه ما تذكرتها اعيش بحالة استنكار ذات وشعور وصلت نقطه غريبه ما تصورتها احس روحي لحقها قل جهد وفتور من كثر ما احترت فأحلامي وحيرتها عودتها كل من يبعد بعيد معذور وعمرتها بالتسامح لين دمرتها احيان اقول ليت الله خلقنا طيور واقدر اتلاحق الفرصه لا طيرتها او ليت ربي مكملني بقلبٍ صبور ان كان نفسي من الأوهام حررتها انا قبل ساعتين وعام و 4 شهور نفذت من غلطة الشاطر وكررتها

@23zmi 👏🏻👏🏻

ياغايبه، اخر عهد، ذاك اللقى، قد تم عام من بعدها وانا معا حزب المفارَق منتمي وشلون تجرح خاطري وتذوق لذّات المنام وانا لو اكسر عظم يدّي ما جرحتك من فمي على كثر ما اعطيتك من الحب ومن الاهتمام اشك فيك ان الاذاني صمّ، وعيونك عمي لا صار مالك بالهوى رغبة .. ولا لك بالغرام عيشي وسط سور الخيال اما اعبثي ولا انعمي - محمد بن نايف

@7ii58 👏🏻👏🏻👏🏻

بيبان صدري عليها مثل : باب السلام في البقعه اللي ملكها يخدم ضيوفها هي توم قلب الحزين الميّت من الهيام وش توم تعني لها ؟ لو أقلب حروفها إن كان جتني .. تعداها العتب و الملام و إن كان راحت .. بقول مقدّر ظروفها ينتابني ( الكبريا ) و إلا علي الحرام إني لو أعوف نفسي مقدر أعوفها لو شفتها الحين و إلا شفتها بعد عام تكبر و عندي ما يكبر غير معروفها

رحل عشيري ، بدّل بلاد ببلاد ودارٍ بدارٍ ثانية وأسكنت به مرّيت داره عقب شهرين ما عاد مهجورةٍ ، ما كنها دوّجت به ما وسطها يكفي باس الأوراد من عقب خلي ميته واحتنت به وجدي على اللي بدل القرب ببعاد حيث الفراق اللي جرى ومارضت به🩵