🐆

بالنسبة لقرار منصة #قوى واللي يخص #رخص_العمل المنتهية، ناخذ الموضوع بنقاط: 1- مين اللي يهمه القرار؟ المنشآت و العمالة المهنية اللي مسجلة على الشركات والمؤسسات. (العمالة المنزلية مثل السواق والشغالة مالهم دخل في هالموضوع). 2- وش المهلة؟ عندكم مهلة لين 30/06/2026 عشان تجددون رخص العمل المنتهية لعمالتكم. 3- وش بيصير لو ما جددت؟ إذا ما جددت قبل المهلة، العامل راح يسقط آلياً من سجل منشأتك. يعني خلاص ما عاد يتبع لك. 4- والرسوم المتراكمة؟ الرسوم القديمة اللي ما اندفعت بتتحول مديونية على المنشأة القديمة، وما تتبع العامل. يعني لو العامل نقل كفالة ، الكفيل الجديد ما يتحمل الديون القديمة. 5- مصير العامل بعد الإسقاط ؟ حتى الان مو واضح مصير العامل بعد مايسقط من المنشأة ،، ولكن توقعاتي الشخصية ... اعتقد و الله اعلم العامل بيعطونه مهلة شهرين بعد ما يسقط من المنشأة عشان يلقى كفيل جديد ينقل عليه أو يسوي خروج نهائي. يعني فرصة لتصحيح الوضع. الزبدة .. يا اصحاب المنشآت إذا تبون عمالكم الحقوا جددوا لهم الحين . يا عامل تواصل مع كفيلك وإذا ما يبي يجدد لك ابدأ دور على كفيل جديد من بدري. صراحة انا اشوف هذا القرار مفيد جداً جددداً للمنشآت و للعمالة وللجميع 😅 .. ~ لصاحب العمل : يفتك من تراكم الرسوم على عمالة يمكن أصلاً مو عنده أو مسوين له زحمة في السجلات، وتتحول المبالغ لمديونية ثابتة بدل ما تزيد. ~ للعمالة : فرصة ذهبية إنه يصحح وضعه وينقل كفالة بدون ما يتحمل الكفيل الجديد الرسوم المتأخرة اللي كانت تعيق النقل. ~ والأهم للمجتمع : نفتك من العمالة السائبة اللي رخصهم منتهية من سنين ومنتشرين بالشوارع.. الحين اللي ما يصحح وضعه بيسقط آلياً واحتمال كبير يترحل، وينظف البلد منهم. بالتوفيق للجميع 🙏🏻 #الموارد_البشرية #وزارة_الموارد_البشرية #رخص_العمل #قوى #تجديد_الرخص #نظام_العمل