᷂نحاوي

عنوان هالأيام وهذي اللحظه تحديداً : "عزاي إني تمسكت بهقاوييّ الكبيره لين تفانيت وقنعت إن ما معي حظٍ يجمّلها ".

يا كويت بَعد الحرب الوضع بان وشفنا الأسامي بصفحة الداخليه حتى من كان ينوْب الشعب خان عسى الله ينصرنا على كل طائفيّه يا درّة الخليج مهما زاد العِدوان لا تاخذين الضعيف بكل جدّيه لعنُبو هالجِيره بين العراق وإيران والله يلعن من خانك وأسسّ خليّه ونعم بالجيره / وعز الله أخوان وما بينّا حدود ويا السعوديه 🇸🇦 وسور البَلد ماهو طين وجِدران السُور أرواح الصفوف الأوليّه مَن يحاول يمّس هالأرض خسران مِن يتجرأ يعادي دولة الإنسانيه ؟ يوم العدوّ يَقذف وفوقها فَقران تغيثه بأموال وتتجاهل كل قضيّه ويوم العدوّ يقصفنا وحربَه مع الكيان كنّه صدام بحَّل القضيّه الفلسطينيه للمواقف وقفه وإنشدو بن طويحان يكنسل كتاب عادل والأوضاع حربيه

ما ظلّ من الأحلام الكبيره سوى الأطلال و لكن عساي أسلم على باقي أحلامي :)

على غفلة خطاك أنتشر وردك المنثور بعد ما تجمع من غيابك على بابك تذكرتني ؟ ولا تناسيتني ؟ معذور أنا اللي سمحت لـ فرصة الشك تنتابك أبذكرك لو منت ناسي ولا مجبور على الليلة اللي واضحة ليلة غيابك مجاميع خلق الله على قصرك المعمور تهافت على ثغرك و سلهامة أهدابك و أنا اللي تجاوزت الجموع و طمرت السور عشان أنهزم لـ رضاك و أفوز بـ إعجابك مع أنك ظلام أحب اشوفك بصيص النور و مع أنك ضياع أحب أوقف على أعتابك أعرفك و لو بيني و بينك سما و بحور سحابي مطرك و حفنة ترابي ترابك غِب أيام و أسابيع و شهور تلو شهور ولا تشرح ظروفك ولا تبدي أسبابك علي حق لا قلت القصايد بدون شعور و لك حق لا مرّك قصيدي ولا جابك

في رجا الماضي إن ردك على ذكراك من فنا في سبيل محبتك // عمره كان ما جيتني عقب الجفا بـ رضاك لا تجي جيّة المغلوب على أمره :)

أثاري الليل من دونك سجن والذكريات سلاح تجرّح في حشا صدرٍ تحرى طيفك الهاني تطير بحلمي طيور الغرام وما قويت جناح كسيرٍ مرتكي لبعدك أعد بصمت حرماني يمر العطر في بالي وتفوح من الغياب جراح وأصوت لك .. يبس غصن اللقا في ربع وجداني أحبك والظنون اللي تلوح بغيبتك أشباح تطارد خطوتي بالخوف لين تضيع عنواني تعال ولملم جروح السهر ما للقصيد أفراح إذا ما زارني طيفك بنص الليل وأحياني ؛(

طلبْتك كان لي في داخلك بعض الغَلا أجفني ترا حَرّ الجفا أهون كثيير من " الوهم لو دام "🚶🏻‍♀️:)

عليك السلام العذب ياشمعة الجلاس فقدتك وجيت أجدد العهد و أبرّك عليل الهوى يرتاب حتى من النسناس أجل كيف لا مرّت على باله صورّك؟ تسرّيه من داره ومن ديرته والناس و يرسي حياته كلبوها على برّك وتقول راح اللي بقى لك ورا الأقواس وأقول المواصل كان ماسرّ ماضرّك عطيتك ربيع القلب والود والاحساس أنا كنت منغر فيك ليه الهوى غرّك ؟ :)

ورا الصدر لك محميةٍ نبتها مامات ماقد مرّها صيفٍ يجفف منابعها مطرها على طول السنه ماهو بزخّات لاراحت سحابه جت سحابه تتبّعها شذا النسمه اللي من هواها متى ماجات تحيّرْك .. بين تشمّها ولا تسمّعها مع الصوت ضحكٍ يشبه لضحكتك بالذات ومع الريح عطرْ ..وعطرك اغلى ودايعها لازالت عليك .. تنازع الانفس الرغبات مثل من يبي روحه .. قبل لايودعها بعدْك انت ماخليت .. لذّه من اللذات ولا اعتضْت بك يا اشهى الملذّات وأمتعها فداك القلوب اللي هواها على فترات ماجاها الشعور اللي يليّن طبايعها احبك ماهي كلمه بسيطه من الكلمات على شان ارددها على اذنك وتسمعها لاوالله لها ضحكه وصوت ولها نظرات ويدينٍ تلامس مهجة الروح اصابعها احبك وانا استحضر معاك اجمل اللحظات لو انها قليله .. يكفي اللي مضى معها وش اقول عن ماكان فيها من امنيات وعن مجريات الواقع وعن تتابعها وعن "النجمه" اللي قلت : مره من المرات اذا اشتقت لي شف وينها فيه واتبعها على الارض عادي لو علي تكثر الوجهات اما فالسما وجهتْك ماني مضيعها ولو حولها تكثر وتتشابه النجمات انا اول ما اطالع من هاك اليوم اطالعها

متى بوصل مع قصة هواك نهايه المشوار متى تطري لي العادي مثل ما أنا عليك اطري؟ متى ما أحس لك لهفه متى ما أوله متى ما أغار متى برضى على القسمه متى بنساك ما أدري :)

أتوارى في عذابك ،، وأتردد وأختلي في جفنك وشرهة وعودك ما تجمع فيك شيء إلا و تبدد كنّ كل الأرض هذي من حدودك أنت فيك الوقت والليل يتمدد أنت حتى العذر وإحساسه شهودك لا تغيب ، ولا تمل ، ولا تحدد والله إن العيد كله // وجودك

عن ضجيج الناس والمجتمع جاني جفال كنّ ما ذولا بـ ناسي ولا ذي بـ بلدي ㅤ الهروب أحيان نوع من أنواع النضال لا وطت رجلك طريق الضياع السْرمدي ㅤ جيت محتاجك وفيني كلامٍ ما يقال أتعززّ وأرفع الصوت وأمشي وأعدْي ㅤ "حطني في وجه حضنك من صدوف الليال تايهٍ لا أخطيت من ضمتك وين أغدي ؟ " ؛)

غريبة كيف راودك الندم يابن أدم الطمّاع؟ يادوب النفس نالت ماتبي والقلب يادوبه صحيح إن الحكي بالفايته ما يبري الأوجاع لكن أقل شي —— يذكّر النسّاي بذنوبه همومي واجد وزلاّتي كثار وعُمري ضاع وصبري لا يزال يطارد الآمال بأعجوبه ؛)

حداك الحلم عن طيش الشباب لصحوة الإدراك بعد عشرينك اللي من ربيع العمر مسروقه بديت تْحسب الأيام المقابيل وتعد اِخطاك كثر ما كنت شاعر يحسب حسابات منطوقه أسولف لك عن شعور الندم يا عقلي الشكّاك تقول إنه ورا حدب الضلوع مضيّعٍ نوقه شجاعٍ طيّحه سيف الغرام الناعم الفتّاك بعد ما سال دمّه من يردّ الدم لـ عروقه ؟ مع الذعذاع لا مال الظلال ومال غصن الراك تنفست الهيام وعبرتي بـ الصدر مخنوقه أنا اللي كل ما هب الحنين وحرّك الشبّاك سواليف الهبايب تذبح الغفوه على موقه حبيبي والله إني كل ما جيت أكتبك وأقراك لقيتك في خيالي فكرةٍ ماهي بـ مطروقه على درب اللقى لو تزرع الورده مع الأشواك عن أحساسك مشاريه القلوب الخضر مفهوقه أسامح غفلتك ، وأعزّ جرحك ، وأحترم فرقاك لو أعذارك من ضلوع الظروف العوج مخلوقه ترا ما عاد بي صبراً جميل لـ سالفة ذكراك سمل ثوب اصطبارٍ ما قدرت أخيّط فتوقه تدارك لهفتي ما دمت عن قلّ الحنين اَدراك ترا بعض الفرص لامن غدت ماهي بـ ملحوقه :)

أنا أصدّ عن شوفتك وأغضي ليا مرّيت " أخاف التفت لك يذرف الدمع من عيني " أثابر وأكابر — وأتعزّم ويابلفيت ولو إن دمّي واقفٍ في شراييني 🚶🏻‍♀️

كم لي و أنا فاقدك و أتفقدك في كل الوجيه يا همي إللي لا أقدر أقوله و لا أحتلّت أكتمه وشلون ما ترحم حبيبك و أنت حبك مبتليه؟ الدم يجري في وريده و أنت تجري في دمْه وين أنت؟ ياقبلة هوى روحي و روحي تفتديه يا من همومي تنجلي لا شفت ضحكة مبسمة :)

مر في بالي شريطٍ فيه من عمري مواري يشبه السنين وعثرة اليأس الأخيرة مو غريب إن السكون يجول في سكة نهاري الغريب إن الصخب في ليلي أحداثه كثيره بين صدفة جابها العمر ووداعٍ بإختياري ما عرف قلبي يطيع الواقع أو يرضي ضميره ودي أقسى ودي أنسى ودي أرسى في مساري وأمسك يدين اليقين اللي تخافه كل حيره لليال ذكريات — وللصباحات طواري وللعبور تضحيات ولسنين البعد خيره العمر ماهو مشاورني ولا هو رهن لقراري العمر يمضي وسيف الوقت مايحضن جفيره

كرهت الناس عقبك واقتنعت اني عدو الناس اشوف قلوبها تدعي عليّ / وقلبك يهلّي رغم مابيني وبينك من الإحباط والإفلاس شوفك في محطات السفر ترحالي وحلّي أحبك وأعشقك وأموت فيك لآخر الأنفاس ألا يا بري حالي من غلاك ويا وجود اللّي ؛)

ليا صد ما عاده مع الذكريات يلين لو إن الهوى غلّاب ما تقدر تغلبه و لو حنّ له قلبه و رفّت عليك العين يده سكّرت عينه و رجله وطت قلبه :(

ما توسلت السعاده من أحد ولا لأحد منّه على بسمة شفاي إن تعبت السبت ، بطيب الأحد وإن بكيت اليوم ؟ يوم السعد جاي ماكرهت إنسان لو جار وجحد هقوتي ما تبعد أكثر من غطاي ولا رجيت إلا رضا الفرد الأحد في رضاه إليا رضى عني رضاي :)

مساء الإثنين نشِدوني ولا بي استطاعِة بس علامه اللي ملك قلبي شانت أطباعة؟ ما ودي العذال تشمت والعذال خداعة والوقت من دون خلي الدقيقة ساعة وإليا غزاني هجوسي العين دماعة وراعِ اللقافة! برميه بسهوم جراحة الهجر ما كان طوعي ولا نويت وداعة قرارك والزمن يثبت تفاصيل الضياعة مصيرك تعود نادم وبقليك مجاعة لو عشت كل الليالي صد وقطاعة ببتسم لو زاد همّي وبسوق الشجاعَة ورزقي على اللي له جميع الخلق طواعة