سلطان

طواري غلاك أكبر من الشوق والتقدير ياكثر الكلام اللي اكتبه لو بـ تقراه معك كان قلبي له جناح ويعرف يطير لو اضيعه في درب غيرك ماعاد القاه سقى الله عيونك ياعيونك لها تاثير وعلى ضحكتك قلبي يغني على ليلاه تناسيت نسيانك وجيتٍ اذكرك بالخير ياأول من بذكره واخّيرِ من بنساه

خلوا الهايم يهوجس .. و يتمتع في هيامه كل ماعادت به الذكرى وليل الحزن هوّد و الحبيب اللي كلام عيونه أكثر من كلامه ودي أمسك كل لحظه في وصاله و اتجوّد في غيابك جالس أدوّر على نص ابتسامه قال خايف ؟ قلت أخاف انك تروح ماتعوّد

ينكسر منك قلبي مثل كسر القزاز وتنبني لك مباني فيه وتهدها جاز لك شي والله مدري شلون جاز انت تلعب لو الايام من جدها " ليت من علمك بأن النفوس العزاز تذهب ان طاولت حزنٍ مهو قدها "

اذكر أيام الغرام وحبك اللي ما نسيته لو يوردني الهلاك ولو يجرعني النكاده أتذكر وجهك الطاهر وصوتٍ ما سليته يتردد في مسامع عاشقك حزة رقاده باقي أنت المنال ومطلبي واللي بغيته يبطي غيابك يحد القلب عن غاية مراده نعرف الغربه من يسافر عن بلاده وبيته كيف قلبي متغرب وسط بيته في بلاده ؟

يمر الحزن في صدري ولا يلقى حضن و أعذار وافتش عن عذر واحد ولا القى … سوى الخيبة على درب الوفا أمشي … واسكت قلبي الثرثار و أشيل من الغلا واجد وأشيل الضيق والطيبة تلحفت الفرح غصب على وجهي لبست ادوار عشان الناس ما تدري وكل الناس تدري به

مامرتني الذكرى الحزينه مرور كرام احس بوجعها ينتشر داخل اعماقي ! تعشى الحزن طراف كبدي وشبع وقام وانا خايف يعود ... ويفطر على الباقي حقوق الضيافه ماتعدى ثلاث ايام وانا لي ثلاث اعوام والحزن بحداقي

من اول ماحبيتك وانا فا اول العشرين موقف لك الدنيا على روس اصابعها تمر السنين اللي معك مثل رمشة عين تقولين رجعها وانا شلون ارجعها بغيتك من البارح وانا وين وانتي وين صدوف الليالي ماتخلي طبايعها - عبدالله بن سمران .

فاقد اللي زود بعده، مانقّص من غلاه من يبشّرني بشوفه ويبشر بسعده — عبدالله السراهيد

والله ما أملّ انتظاري في تحرّي لقاه حتّى لوْ الجفن بغيابه فقد هجْعته صبرت قبله على جور الزمان وغثاه ماني بعاجز لا غاب اصبر على رجْعته — عبدالرحمن بن جزا

اتعبوا لـ اهدافكم يا اهل الحلم الشغوف عنفوان زهور الاعمار قافيها المراح الضعافه ويش ودت وجابت للضعوف غير صبر ما يواجر وهمٍ ما يزاح الفشل لا تجعلونه ذريعه لـ الوقوف هو تراه اول مراحل محطات النجاح ما يعديك المهونه و يلحقك الشفوف غير ممشاك بشجاعه و عزمٍ من كفاح مطحس بن حمد

غريبه كيف بأنسى مامضى واستدرك اللي طاف مع انك ثابتٍ في كل بيت وكل تنهيده ؟ تنصفت الليالي ما لقيت من العيون انصاف ورجعت اساقي كفوف الوله والعن تجاعيده تردد خطوتي بين اتمنى جيتك واخاف يعود الشك ويعاف الشجر طيرك .. وتغريده

حبيبي .. تطمن لا يجفلّك عوق الدرب أنا درعك الأول عن المدفع الطايش لا تبكي علي لامت دونك ضحية حرب أنا قبلها .. ميت بِحبّك و أنا عايش

من التشبيهات الغير متوقعة ، عبدالله السيحاني يقول : يجيني عليك شفاق يا فارقة بـ الزول و بالعين و المجدول و ابصافي البشره تقولين وش رايك بـ عنق الفرس ؟و اقول معك عنقٍ اطووول فالمدا من شهر عشره

بين المصير وبين هم المقابيل يدي على قلبي، وقلبي على جرف — عبدالله البديري

يالفاتن اللي زل عيني ولا زال طيفك يراودني وياخذ جديدي مزن القصيد أن مرني صار همال والوجه شمس وساحة النحر بيدي لا أقبلت لي ما عاد ابي بعدك أقبال هلّت ضلوعي لك ويهتف وريدي من قال بأن العيد مبداه شوال؟ ساعة مجيك عيد قلبي وعيدي — علي بن عواض

ودك أنّ الآدمي لا طرق سمح الدروب ما يعوّد للمكان المريب ولا يجيه — دسمان بن مناحي

عطوني صورته خلوني أمد النظر فيها تراني ما طلبت المستحيل ولا بقى إلا هي — عبدالرحمن جزا

حاولت آركّز في كلامك ولا أحتلت الملهيات اللي في وجهك.. كثيرة — عبدالله السراهيد

يا نديم الذّات ما كنت ذَات مْن الذَوات أنت.. وجهة دربي اللي عرفت أختارها — عبدالله السراهيد

من يدور في عيون الناس عن قيمة وجوده تربكه بشفاههم كلمة.. وتغريه ابتسامة — مزيد الوسمي