ما ودي ادعي عليك ويقبل الله دعاي
واشوف حالتك عقب الدعاء تندمر
الله يغفر خطاك ويحسن الله عزاي
عن كل لبيه بـ لساني وتآمر امر
اعذارك الكاذبة طوفتها من وفاي
لين أصبح العذر ماله خانة ولا ممر
بغيب لي غيبهٍ ماهيب فتره وجاي
لا والله اللي صدق .. غيبه عمر🤎🤎🤎
أنا بليا شوفتك شخص أعمى
إلى متى و أنا عليك أتحايل ؟
ما يكفي إني لاغي كل الأسما
و مشطبٍ الأرقام وأغلى الرسايل ؟
أنا أعرف إنك .. فوق ذا الناس و أسمى
لكن أنت قاطعني بشتى الوسايل
أوقف لـ طاريك و أشوش و أحمى
حميه يضرب عليها المثايل .❣️
مافيه ثابت من بعدك الا غلاك
ولا البقية كلهم .. متحرّكين
على يقين انّك بشر مـ انتي ملاك
لكن عَجز لا يقطع الشّك اليقين
انا اشهد إن اللي عطاك انّه عطاك
ما لا عطا غيرك من الناس اجمعين❣️.
