الحكاية فيها مِنَّة🇵🇸🇸🇩

لكي لا ننسى

حقيقة تريند مستشفى الشاطبي وما يفعله اطباء النساء في غرفة الولادة!

بيصعب عليا كل ست قليلة الحيلة..كل واحدة يعيني ملهاش صوت ولا رغبة ولا معاها فلوس تحميها و بتضطر تستحمل الألم و الإهانة من اول اهلها لجوزها لأهله للدكاترة اللي بتروحلهم لسواقين المواصلات للشارع، كله كره ليها لمجرد انها ست و سكوتها عشان هي ست مصرية موصومة.

هي ازاي دكتورة نسا وبتقارن تجارب الولادة ببعض؟ هي مش المفروض عارفة إن الألم بيكون مختلف من حالة لحالة حسب طبيعة جسمها؟

أوسخ حاجه فى الدنيا هو رسم صورة معينه لشكل الضحية، يعني انتي مش محجبة ولبسك مفتوح وعامله بيرسينج وعايزه تفهميني انك ضحية؟؟ وانتى لابسه قصير ومفتوح وبتسافري وتخرجي وعايزة تقنعيني إنك دكتورة وشاهدة على فساد فى مستشفى حكومي؟؟ لا لا لا دااحنا نشوف الفساد اللي هنا الأول وروحي اتحجبي..

مش قادرة ا tolerate موضوع انكوا قاعدين في خناقة جانبية وفي بنت مختفية قسريا عشان حاولت تنقذ وضع. مينفعش الموضوع يتفرع عشان خاطر البنت الي انتفضتلكوا ع الاقل خلوا عندكوا شوية دم واتكلموا عنها.

@DaaaFirenze سيبوني أصيححححح

@MennaMuhamma1d كخ كدة

@DaaaFirenze حتى الأسوياء مش بيدفعوا تمن حاجة، هيزعلوا بس حياتهم هي هي، محدش بيشيل الشيلة غير اللي حياته باظت

@MennaMuhamma1d مفيش أهل بيدفعوا تمن اي غلطة عملوها في الدنيا عامة الا لو اسوياء ومش نرجسيين

بيضحكني أوي إن آخر ناس بيدفعوا شيلة الجوازة الغلط هم الأهل اللي بيضغطوا على بنتهم تتجوز لأي سبب سواء بسرعة أو حد مش عايزاه، هم مش بيدفعوا تمن حاجة عملوها بس بنتهم وعيالها اللي بيشيلوا الليلة. متسمعوش كلام حد يا بنات، متسمعوش كلام حد محدش هيطيق يسمع عتابكم حتى

@mont_girl أنا اتعصبت وأنا مليش دعوة، اومال لو مكانها بقى

أنا عمالة بفكر إني وقت البيريود بيتقال عليها بتدلع رغم إني بكون هموت من الوجع وحتى النفس مبقدرش عليه من الوجع بسبب أسباب صحية وبيتقالي ما البنات التانية مش بيحصلهم كدة رغم إن لما الوجع بيكون أخف شوية بتحرك عادي حتى لو صعب يعني مش بتدلع، أومال لما أولد هيحصل فيا ايه؟

أنت يا راجل ياللي طالع عينك عشان ألف جنيه ازاي معندكش نخوة وبتولد مراتك عند راجل؟ مهو عشان مستشفى حكومي و.. ششششش اسكت خالص أنت يا ست يا ضحية ياللي طالع عينك في كل حاجة وعايزة تفرحي ازاي تولدي عن دكتور راجل أصل.... شششش، أنا دافن راسي في الرمل متطلعونيش!

ايه رأيكم نجرب مرة نحاسب المجرمين ونفهمهم ان ال عملوه دا غلط وكخ ومش مقبول مجتمعياً ومش قانوني بدل ما نمسك في الضحايا نعجنهم

عشان مش معاهم فلوس يودوها عند عيادة خاصة فبيودوها مستشفى حكومي مثلًا؟ معلش الراجل اللي معندوش نخوة ده في الغالب طالع عينه كل يوم وشغال ورديتين عشان يصرف على بيته، ومعلش فيه طبيبات برده بيعملوا كدة! ده أنا معاكم في الفكرة بس طرحها بالشكل ده بدأ يضايقني!

I hope إن أي بنت عندها تبعت حالتها بالتفصيل هنا ngl.link/r_eemz20 وزنها، طولها، سنها، بتتمرن أو لأ، تأثير التكيسات عليها والأعراض، بتاخد أدوية أو لأ، تحاليها، لو فيه مشاكل هرمونية تانية _هشرح المناسب ليكم بقدر الإمكان ( لو حد حابب يسأل أي سؤال في التغذية ممكن يبعت بردو )

يا جدعان بطلوا غباء! مستشفى الشاطبي دي مستشفى حكومية، الستات اللي بتروح هناك بتبقى مضطرة أصلاً لكدة، أزواجهم مش معاهم فلوس يودوهم مستشفيات خاصة أو عيادات، وطالما هما مش معاهم فلوس، وطالما هما لجأوا لمستشفى حكومي فمفيش أوبشن أنهم يختاروا إن اللي يولدها دكتورة ست، لأن حتى لو الدكتورة الست موجودة فطلبها هيتقابل بالرفض عادي، لأن التعامل هناك إنك في مستشفى حكومي فملكش حق تتشرط، ارضى باللي موجود مش عاجبك روح ولدها برة، ده التعامل هناك بجد. فملوش معنى إنكم تقولوا للناس مش قلنالكم روحوا لدكاترة ستات، الكلام ده لو ده كان حصل في مستشفى خاص أو في عيادات، فالناس دي وقتها عندهم القدرة إنهم يختاروا دكتورة ست يكشفوا عندها وكله بفلوسهم. فبدل ما تقولوا كلام ملوش معنى طالبوا بمعاقبة الدكاترة وطاقم التمريض في المستشفى دي لو ثبت فعلاً أنهم بيعملوا كدة، وطالبوا الدولة بتوفير دكاترة ستات في المستشفيات للحالات اللي زي كدة والناس يكون ليهم حق اختيار الدكتور، وتوفير معاملة آدمية للناس، بدل ما هما يتذلوا ويتقل منهم عشان معندهمش القدرة يكشفوا برة.

أي شخص غير سوي عنده سلطه بدون رقابه هيعمل أوسخ الأفعال دكتور، ظابط، موظف وغيره مش محتاجين نقعد نهري في إن في دكاترة ستات وحشين وفيه رجالة دكاترة محترمين ولا الخناقة تكون راجل وست محتاجين يكون في رقابة فوق الجميع، ومحدش يحس إنه في مكانه تسمحله يدوس ويعمل جرايم بدون حساب ولا مراقبة

يا جماعة هو النصايح بتاعت روحي لدكتورة ست دي متوجهة لمين؟؟؟ دول ناس بيولدوا في مستشفيات حكومي عشان مش معاهم فلوس! هم مفيش عندهم رفاهية لده أصلًا، مفيش أوبشن لده! أنا معاكم وعن نفسي في تخصص النسا بروح لستات بس واتعرضت والله لحاجات حقيرة من دكاترة رجالة، بس مش دي المشكلة دلوقتي!!

أنا مش مصدقة إني عايزة أول اتفاق عايزة اتفقه مع جوزي هو هل هيعرف يكون موجود معايا في نفس الأوضة وأنا بولد ولا لا، ليه كدة بجد؟

@Emptyreno بجد ده اللي قصدي عليه، إن فيه ممرضات ستات كانوا جزء من الموضوع وفيه شهادات من ستات إنهم اتضربوا من ممرضات وقت الولادة. يعني رغم إني محبش أروح لدكتور نسا راجل بس عارفة إن ده مش حل للمشكلة وإن ده مش بيمنع الضرر، وكمان الستات الفقيرة معندهومش رفاهية الاختيار أصلًا، فده مش حل

هو اه وأنا مع الرأي ده بكل قلبي، بس لا يا جماعة هو حتى الستات الممرضات كانوا شايفين ده عادي، وفي أكتر من مكان مش بس مصر الستات بتتعرض لحاجات مهينة في الولادة. فلا هو لازم حل أقوى وجذري مش نصايح فردية، والستات الفقيرة هيعملوا ايه وهيختاروا ازاي إن اللي يولدهم راجل في الحكومي؟

مبحبش المظلومية بس هو ليه العالم وحش مع الستات بالشكل ده؟ من امبارح وأنا خايفة أوي، وحاسة إني عايزة أعمل حاجة تحميني وقت الولادة وأنا حتى مش متجوزة ولا ليا علاقة بالموضوع بس عمالة بفكر هعمل ايه وقتها، كفاية حوار غرزة الزوج أول معرفته واللي حسيت بيه وقتها، هو جسمنا مستباح ليه؟