صدیق الله نصرت / Sadeequllah Nasrat

د ا.ا.ا د ملي دفاع وزارت محترم وزیر مولوي محمد یعقوب مجاهد سره په کابل کې د چین ولسي جمهوریت سفیر ښاغلي ژاو شینګ وکتل. په دې لیدنه کې د افغانستان او چین ترمنځ پر دوه‌اړخیزو اړیکو، امنیتي همکاریو او د سیمې پر وروستیو تحولاتو بحث وشو. د چین سفیر د ارومچي د خبرو اترو په اړه د خپل هېواد دریځ او د راتلونکي لپاره چمتووالی شریک کړ او د افغانستان له رغنده دریځ او ملاتړ څخه یې مننه وکړه. همداراز یې د دې بهیر د دوام هیله څرګنده کړه. مولوي محمد یعقوب مجاهد ټینګار وکړ چې د افغانستان تر امنیت وروسته، د سیمې امنیت ورته ځانګړی اهمیت لري او د حل لپاره د خبرو اترو لاره تر ټولو غوره بولي. نوموړي زیاته کړه چې د اسلامي امارت دریځ د زغم، متقابل احترام او تفاهم پر بنسټ ولاړ دی، خو د هر ډول تېري په وړاندې د هېواد دفاع یې مشروع حق او ملي مسؤلیت دی. په دې ناسته کې دواړو لورو په دوه‌اړخیز تفاهم، سیمه‌ییزو همکاریو پر پیاوړتیا او د باور جوړونې پر اهمیت هم ټینګار وکړ. #ملي_دفاع_وزارت

د ۲۱۵ عزم قول اردو اړوند د اووم نمبر سرحدي محمدي لواء د اووم سرحدي کنډک ځواکونو د هلمند ولایت د بهرامچې ولسوالۍ د رباط په سیمه کې د قاچاق د مخنیوي په موخه بریالی عملیات ترسره کړ. د یادو عملیاتو په ترڅ کې ۴۳۸۲ خښتي مس، چې غوښتل کېدل په غیرقانوني توګه له هېواده بهر انتقال شي، کشف او ضبط شول. مسؤلین ټینګار کوي چې دفاعي او امنیتي ځواکونه به هېچا ته اجازه ورنکړي څو په ناقانونه ډول واردات او صادرات ترسره کړي، او د دې ډول غیرقانوني فعالیتونو پر وړاندې به جدي او دوامداره اقدامات ترسره کېږي.

د ملي دفاع وزارت د حمایې او امنیت ټینګښت لواء لپاره نوی قوماندان الحاج ملا روح الامین “روحاني” رسماً معرفي شو. نوموړي د مشرتابه له باور مننه وکړه او د غوره خدمت ژمنه یې وکړه. #ملي_دفاع_وزارت

په پکتیا ولایت کې یو شمېر قاچاق شوې وسلې ونیول شوې ۱۴۴۷ه.ق د شوال ۲۴مه تېره شپه د پکتیا ولایت ډنډپټان ولسوالۍ اړوند قیمتي کلي کې، د درېیمې سرحدي لواء افغان دفاعي ځواکونو له لوري یو شمېر قاچاق شوې وسلې ونیول شوې. په نیول شویو وسلو کې (۲۰) میله کرینکوف، (۴) میله کلاشینکوف او(۲) میله ام۴ شامل وو. #ملي_دفاع_وزارت

سفير جمهورية الصين الشعبية، السيد ژاو شينغ، التقى بمعالي المولوي محمد يعقوب «مجاهد»، وزير الدفاع الوطني للإمارة أفغانستان الإسلامية، في كابل. في هذا اللقاء، جرى بحث وتبادل الآراء حول العلاقات الثنائية بين أفغانستان والصين، والتعاون الأمني، والتطورات الأخيرة في المنطقة. تحدث سفير الصين عن موقف بلاده إزاء محادثات أورومتشي واستعدادها للمستقبل، وأعرب عن تقديره للموقف البناء ودعم أفغانستان. كما أعرب عن أمله في أن يستمر هذا المسار. أكد المولوي محمد يعقوب «مجاهد» أن أمن المنطقة يحظى بأهمية خاصة لأفغانستان بعد تحقيق الأمن فيها، وأن أفضل حل هو الحوار. وأضاف أن موقف الإمارة الإسلامية يقوم على التسامح والاحترام المتبادل والتفاهم، إلا أن الدفاع عن البلاد ضد أي عدوان حق مشروع ومسؤولية وطنية. في هذا الاجتماع، أكد الجانبان على التفاهم الثنائي، وتعزيز التعاون الإقليمي، وأهمية بناء الثقة. #وزارة_الدفاع_الوطني

People’s Republic of China Ambassador, Mr. Zhao Xing, Meets with Honorable Mawlawi Mohammad Yaqoob “Mujahid,” I.E.A Minister of National Defense, in Kabul During the meeting, discussions and exchanges of views were held regarding Afghanistan and China bilateral relations, security cooperation, and recent regional developments. The Chinese Ambassador outlined his country’s position on the Urumqi talks and its readiness for the future, expressing appreciation for Afghanistan’s constructive stance and support, voicing hope that this process will continue. Mawlawi Mohammad Yaqoob “Mujahid” emphasized that following the restoration of security in Afghanistan, regional security is equally vital for the country, with dialogue considered the effective solution. He further noted that the Islamic Emirate’s approach is rooted in tolerance, mutual respect, and understanding; however, defending the country against any form of aggression is both a legitimate right and a national responsibility. In the meeting, both sides underscored the significance of mutual understanding, enhancing regional cooperation, and fostering trust. #Ministry_of_National_Defense

🚨ژغورنه تېره شپه د هلمند ولایت د موسی قلعه او سنګین ولسوالیو په مربوطاتو کې، لسګونه تنه هیوادوال چې په سېلابونو کې بند پاتې وو، د کندهار لواء هوایي ځواک پرمټ وژغورل شول. د هیواد دفاعي ځواکونه د ولس په خدمت کې. #ملي_دفاع_وزارت

ملي دفاع وزارت د هوايي ځواک پرمټ د هرات ولایت ادرسکن ولسوالۍ کې دوه تنه هیوادوال چې د سختو سیلابونو له امله په خطرناک حالت کې بند پاتې وو وژغورل شول #ملي_دفاع_وزارت

د ۲۰۳ منصوري قول اردو لپاره نوی قوماندان او مرستیال معرفي شو ۱۴۴۷ه.ق د شوال ۱۷مه د ا.ا.ا زعیم امیرالمؤمنین حفظه الله د لزوم دید او چار د لا ښه سمون په موخه د کندز ولایت مخکنی والي الحاج ملا محمد خان "دعوت" د ۲۰۳ منصوري قول اردو د قوماندان په توګه او ملا محمدآغا "ابراهیم" د مرستیال په توګه ټاکل شوي وو، نن د ستردرستیز درستیزوال مولوي شبیر احمد "عثماني" له لوري د ملي دفاع وزارت څخه راغلي پلاوي، د پکتیا ولایت والي ، امنیه قومندان ، د ۲۰۳ منصوري قول اردو اړوند لواء ګانو قومندانانو په حضور کې رسماً اړوند منسوبینو ته ور وپیژندل شول. مسؤلینو پخپلو خبرو کې نوي ټاکل شوي قوماندان او مرستیال ته د مبارکۍ ترڅنګ وویل: تغیر او تبدیل په نظام کي یو اصل دی چي د پرمختګ په موخه ترسره کیږي او یادو مسؤلینو ته یې په چارو کې د بریالیتوب هیله وکړه. همدا راز نوي قوماندان د مشرتابه له حسن نیت او باور څخه مننه وکړه او د ښه خدمت کولو ډاډ یې ورکړ. #ملي_دفاع_وزارت

د ۲۰۵ البدر قول اردو له لوري د لسګونو کورنیو سره د خوراکي توکو مرسته وشوه ١٤٤٧ه.ق د شوال المکرم ١٦ مه د ۲۰۵ البدر قول اردو د رهبرۍ په هدایت د هوایي ځواک پر مټ د کندهار ولایت ریګستان ولسوالۍ کې له هغه لسګونو کورنیو سره چې د تګ او راتګ لارې یې د وروستیو سیلابونو له امله بندې شوې وې د اته قلمه خوراکي توکو مرسته وشوه. د ملي اسلامي اردو ځواکونه د تل په څير د خپلو هيوادوالو د امنیت سربېره د دوی ژغورنه لومړیتوب ګڼي. #ملي_دفاع_وزارت

د ۲۰۷ الفاروق قول اردو اړوند د لسمې سرحدي لوا د پرسونل له لوري، د بادغیس ولایت د سنګ آتش ولسوالۍ د جعفریانو په سیمه کې هغه پل چې د ولسوالۍ او مرکز ترمنځ په نښلوونکې لاره کې موقعیت لري، د سېلاب له امله یو اړخ یې زیانمن شوی او تګ راتګ پرې بند شوی و، بېرته ورغول شو. د یاد پرسونل په هڅو سره پل ترمیم او لاره د عامو خلکو د تګ راتګ لپاره بېرته پرانیستل شوه.

تېره شپه د کندهار ولایت د ارغستان ولسوالۍ څخه یوه زنانه، چې د نسایي ناروغۍ له جدي حالت سره مخ وه، د سېلابونو له امله د لارو بندېدو له کبله د هوايي ځواک په مرسته په عاجل ډول روغتون ته انتقال شوه. د ملي اسلامي اردو ځواکونه د خپلو اساسي دندو ترڅنګ، د هېوادوالو د ژغورنې او خدمت په برخه کې هم اغېزناک رول ترسره کوي. #ملي_دفاع_وزارت

په سیلاب کې دوه تنه پند پاتې هیوادوال د هوایي ځواک پر مټ وژغورل شول نن ماښام د زابل ولایت د شهر صفا ولسوالۍ کې دوه تنه (پلار او زوی) چې د سیلاب له امله بند پاتې شوي وو، د ملي دفاع وزارت د هوايي ځواکونو له لوري وژغورل شول. #ملي_دفاع_وزارت

د چین ولسي جمهوریت په نوښت د افغانستان اسلامي امارت د منځنۍ کچې پلاوی د چین ولسي جمهوریت ته رسېدلی دی، څو له پاکستاني لوري سره د خپل اصولي موقف له مخې رسمي خبرې اترې ترسره کړي. ټاکل شوې ده چې دغه خبرې د ارومچي په ښار کې د چین حکومت په منځګړتوب پیل شي. دا بهیر د چین په غوښتنه او له دغه هیواد سره د متقابل درناوي او رغنده تعامل پر بنسټ مخته وړل کېږي. د افغانستان اسلامي امارت په دې ناستو کې د متوازن او اصولي دریځ له مخې ګډون کوي او په پام کې لري چې له مقابل لوري سره د ښه ګاونډیتوب، سوداګریزو اړیکو د پیاوړتیا او د امنیتي موضوعاتو د مؤثر مدیریت په اړه هراړخیزې او مسوولانه خبرې اترې وکړي. اسلامي امارت باور لري چې د متقابل درناوي، نه مداخلې او رغنده تفاهم پر بنسټ ډیپلوماټیک تعامل کولی شي د دواړو هېوادونو ترمنځ شته موضوعاتو ته عملي او دوامدار حللارې ومومي او د سیمې د ثبات او همکارۍ لپاره زمینه برابره کړي.

د افغانستان دفاعي ځواکونو د کنړ ولایت د دانګام ولسوالۍ په سیمه کې، د ډیورنډ فرضي کرښې ته څېرمه، د پاکستان د پوځ هغه پوسته په نښه کړه او له منځه یې یوړه چې د افغانستان پر لور یې ډزې کولې او ملکي خلکو ته یې زیان رساوه. #ردالظلم_عملیات

د پروان، کابل او بامیان عمومي لار بېرته پرانیستل شوه د پروان لواء د دفاعي منسوبینو له لوري د هېوادوالو د اسانتیا په موخه، هغه عمومي لار چې د پروان ولایت د غوربند ولسوالۍ د شینوارو په سیمه کې د زیاتو اورښتونو او راوتلو سیلابونو له امله تړل شوې وه، بېرته د تګ راتګ پر مخ خلاصه شوه. د یادونې وړ ده چې د ۲۲۱ شهید آفتاب رح فرقې اړوند د ۲۱۰۲ پلې لواء د انجینرۍ ټیم، د لواء قومندان ملا انعام الله عباسي په مشرۍ، سیمې ته پر وخت رسېدلی او د یادې لارې د پاکولو او پرانیستلو چارې یې بشپړې کړې.

د هېواد په ختیځ زون کې زموږ زړور دفاعي ځواکونه په ټینګ عزم د خپلې خاورې د ساتنې په سنګر کې ولاړ دي،دوی د هر متجاوز پر وړاندې په پوره چمتووالي او لوړ مورال دفاع ته حاضر دي ، او د دې ترڅنګ د خپلو هېوادوالو د هوساینې او خدمت لپاره د خپلو امکاناتو څخه په استفاده هڅه او کوشش کوي .

د فرضي کرښې په اوږدو کې افغان دفاعي ځواکونه په لوړ مورال ولاړ دي، د خپلې خاورې د ساتنې لپاره ټینګ هوډ او نه ماتېدونکی عزم لري. دوی د هر ګواښ پر وړاندې په مېړانه درېږي او د وطن د عزت او خپلواکۍ ساتنه خپله اسلامي او ملي دنده ګڼي. #ردالظلم

د وسلوال پوځ د لوی درستیز مرستیال، الحاج مالي خان صدیق صاحب، نن ورځ د پکتیکا ولایت اړوند د تروې ولسوالۍ هغې سیمې څخه لیدنه وکړه چې د پاکستاني پوځي رژیم ځینو اکاونټونو یې د نیولو په اړه ناسم او دروغجن تبلیغات کول. په دې لیدنه کې څرګنده شوه چې یاده سیمه په بشپړه توګه د افغان دفاعي ځواکونو تر کنټرول لاندې ده او د دښمن له لوري خپاره شوي راپورونه هېڅ بنسټ نه لري. افغان دفاعي ځواکونه په کلکه هوډ لري چې د هېواد د خاورې له بشپړتیا څخه دفاع وکړي او په هېڅ صورت به یوه لویشت خاوره هم چاته پرېنږدي ان شاءالله درنه ولسونه دې په دې اړه بشپړ ډاډ ولري

نیکمرغه کوچنی اختر مو مبارک شه! دغه مبارک اختر دې په ځانګړي ډول د شهیدانو درنو کورنیو، زخمیانو، او هغو امنیتي او دفاعي ځواکونو ته مبارک وي چې دا مهال په سنګرونو کې د خپلې خاورې د ساتنې لپاره په خدمت بوخت دي. په دوهم قدم کې دې دا نېکمرغه اختر د نړۍ ټولو مسلمانانو ته مبارک وي. الله تعالی دې د ټولو عبادتونه قبول او منظور کړي، او د مسلمه امت تر منځ دې یووالی، مینه او ورورولي لا ټینګه کړي. الله تعالی دې زموږ ګران او مقدسه هېواد له هر ډول ناخوالو، ستونزو او مشکلاتو څخه وساتي، او د دې خاورې دښمنان دې د دې مبارکې روژې او اختر په برکت نیست او نابود کړي. په درنښت ستاسې کشر ورور صدیق الله نصرت