Memo

مفاجأة من تحقيقات النيابة: 17 شكوى ضد سائق أوبر وأغلبها من سيدات تتهمه بالتحرش أو القيام بسلوكيات مريبة وغير مريحة أو السب أو عدم الوعي والإتزان أو إنزالهم في وسط الطريق، اكتفت الشركة في أغلبهم بتوجيه إنذار: 1- طريقة كلامه خوفتني جدا، لدرجة إني نهيت الرحلة ونزلت ومدفعتش فلوس، لإنه مش مريح ولا محترم وطريقة كلامه مستفزة، ومينفعش يكون كابتن نهائي، وأسلوبه كان مش محترم لدرجة إنه نزلني في وسط الشارع، وكان الوقت متأخر، عيب بجد، وبيزعقلي وقالي انزلي. 2- بدأ الرحلة وأنا أصلا کنت ركبت معاه، وبتصل بيه تليفونه مقفول، ولما بعتله في الشات الخاص بأوبر وبسأله هو فين، فضل يشتمني وقالي يا زبالة وحيوانة وأنا أصلا كنت واقفة مستنياه أنا وابني، ورایحة بيه عند الدكتور لإنه تعبان جدًا، لو سمحتم أنا عاوزه حقي من الكابتن دا، ويتعاقب علشان ميحصلش كدا تاني مع عميلة غيري. 3- كان بيلمس إيدي خلال الرحلة وبيحاول يقرب مني كذا مرة، ووأنا باخد باقي فلوس الأجرة من صحابي مد إیده ياخد فلوس وحط إيده على جسمي. 4- أنا مشواري كان امبارح لمطار القاهرة الدولي، وورايا معاد طيارة ومستعجلة، طلبت أوبر قعدنا مستنيين كتير، قلنا مش مهم، المهم إنه ييجي، لما وصل قلتله افتلحي الشنطة قالي هو إنتِ رايحة فين، قلتله مطار القاهرة، قالي لا مش معايا رخصة، قولتله إزاي مش معاك رخصة وشغال في أوبر. فزعق فيا في الشارع، وحاجة آخر قلة أدب. 5- الكابتن بيتكلم بطريقة قليلة الذوق جدا من ساعة ما ركبت عاوز ياخد طريق أطول وأزحم ومصمم يقفل زجاج العربية، ومع ذلك شرب سجاير مرتين من غير استئذان، ولما قولتله أنا حامل، شرب برضه وفتح جزء صغير من الشباك، وسواقته غير آمنة بالمرة، ونظراته مش مريحة بالمرة، ووأنا بحاسبه في الآخر بييص لي من فوق لتحت، وكان مصمم ياخد الطريق الأطول ويقولي بصي على الـ gps جايبلي كده بطريقة غير لائقة وأنا متعودة من سائقين أوبر إنهم من أفضل الناس. 6-معاملة السواق حاجة في منتهى قلة الأدب، ومشي قبل ما أركب وحسب المشوار عليا، وأنا مركبتش أصلا غير كده، ولما كلمته قل أدبه، مضيفة: أنا لم أركب السيارة وهو نصاب وفضل معلق المشوار، عشان ياخد المبلغ وأكتر، ولو مرجعليش المبلغ أنا هلغي اشتراكي في أوبر، وأنا مركبتش أصلا لإن السواق قليل الأدب، وشغل الرحلة من غير ما أركب، والسواق مش محترم، وياريت تختاروا الناس اللي بتشغلوها معاكم، ده شكله شارب حاجة. 7- معاملة السواق حاجة في منتهى قلة الأدب، ومشي قبل ما أركب وحسب المشوار عليا، وأنا مركبتش أصلا غير كده، ولما كلمته قل أدبه، مضيفة: أنا لم أركب السيارة وهو نصاب وفضل معلق المشوار، عشان ياخد المبلغ وأكتر، ولو مرجعليش المبلغ أنا هلغي اشتراكي في أوبر، وأنا مركبتش أصلا لإن السواق قليل الأدب، وشغل الرحلة من غير ما أركب، والسواق مش محترم، وياريت تختاروا الناس اللي بتشغلوها معاكم، ده شكله شارب حاجة. 8- كان بيسوق بسرعة كبيرة، ما وعرض حياتي للخطر. 9- ضربني ونزلني ومشي 10- تطاول علينا ومش بيلتزم بالطريق ولا بالمعاد، وتكرر وقوفه عدة مرات. 11- سائق قليل الأدب ومش محترم وحشاش، وحسبي الله ونعم الوكيل فيه. 12- تعدى عليا بالسب، وتعامل معايا بأسلوب غير لائق. 13- الطريقة بتاعة السواق لم تكن لطيفة تمامًا، وتشاجر معنا، وكان يريد التوقف في منتصف الطريق. 14- ظل مشغولا بالهاتف طوال الطريق، ولم يكن في تركيزه خلال القيادة. 15- فرض عليا رسوم إضافية وأنا دافع كل اللي عليا، وقال أنا مدفعتش، ومرضيش ينهي الرحلة بعد مشي وفضل العداد يعد عليا فلوس زيادة، ساعدوني. 16- توقف عند محطة وقود، لتزويد السيارة، وعند المغادرة اتبع طريقا آخر، وعند الحديث معه رفع صوته بطريقة سيئة. 17- بيتشات وهو سايق، وخد مبلغ مالي إضافي.

مافيش أكونت للبنت دي أو وسيلة تواصل معها

ويسألونك عن حب العزلة قل هي راحةٌ من غِيبة وفِرارٌ من نميمة، ورحمة بالفؤاد من خذلان، ودرءٌ من سقطاتِ اللسان ورحماتٌ من القيلِ والقال ..🧡منقوله ❤️❤️❤️❤️ Have a nice weekend