ᴀʙʙᴀꜱɪ

Drop the first lyric that hits your mind

کچھ سینیئر صحافی بھائیوں کے حکم پر میں اقرار صاحب کیساتھ بحث یہیں پر ختم کر رہا ہوں اور مزید کوئی جواب نہیں دوں گا - شکریہ

کچھ سینیئر صحافی بھائیوں کے حکم پر میں اقرار صاحب کیساتھ بحث یہیں پر ختم کر رہا ہوں اور مزید کوئی جواب نہیں دوں گا - شکریہ

Petrol 400 / ltr

بارے کچھ " شاہ" کے اپنے شعری سفر کے آغاز میں،میں اپنا تخلص شاہ استعمال کرتا تھا یوں میرا قلمی نام فرہاد شاہ یا سید فرہاد شاہ لکھا اور پکارا جاتا تھا۔ غالبا 2003 کے لگ بھگ میری احمد فراز صاحب سے ملاقات ہوئی تو انہوں نے شاہ تخلص لکھنے کی وجہ پوچھی۔میں نے بتایا کہ میرا اصل نام سید فرہاد علی شاہ ہے سو میں فرہاد شاہ بطور قلمی نام استعمال کرتا ہوں۔ اس پر فراز صاحب نے مجھ سے پوچھا کہ بیٹا میرا اصل نام کیا ہے تو میں نے فورا کہا " سید احمد شاہ" فراز صاحب نے سگریٹ کا ایک کش لیا اور کچھ توقف کے بعد بولے۔اچھا یہ بتاو احمد فراز اور فراز شاہ میں کچھ فرق ہے؟۔ مجھے بات پلے نہ پڑی اور میں خاموش ہو گیا۔پھر نہ فراز صاحب نے اس بارے کوئی بات کی نہ میں کچھ کہہ سکا۔اور گفتگو نے کوئی اور شکل اختیار کر لی۔ کچھ ماہ بعد ایک مشاعرے میں افتخار عارف صاحب سے پہلی ملاقات ہوئی۔مشاعرے کے بعد افتخار صاحب نے حوصلہ افزائی کی اور کہا کہ میاں اچھا شعر کہتے ہو بس اپنے نام سے شاہ ہٹا دو۔ افتخار صاحب کی بات سن کر مجھے اندر ہی اندر کچھ کھٹکا اور ساتھ ہی فراز صاحب کا سوال بھی ذہن میں گونجا۔ یہ وہ زمانہ تھا جب شاہ تخلص رکھنے والے شاعر پاکستان میں کھمبیوں کی طرح اگ رہے تھے اور ان میں معقول بھی خال ہی کوئی تھا۔ اس کے بعد ایک قریبی سینئیر دوست اختر رضا سلیمی نے بھی کافی زور دیا کہ شاہ بدل کر کوئی اور تخلص رکھ لو ۔ یوں ایک روز میں فرہاد شاہ سے احمد فرہاد ہو گیا اور دھیرے دھیرے یہ نام ادبی حلقوں میں چل بھی پڑا۔ کچھ ماہ بعد شیخوپورہ کے ایک مشاعرے میں شاہ تخلص رکھنے والے لاہور کے ایک معروف شاعر مشاعرے کے بعد کھانے کے دوران میرے پاس آئے اور پوچھا کہ یار تم فرہاد شاہ نہیں ہوتے تھے۔ میں نے کہا جی حضور ہوتا تھا لیکن اب تخلص بدل دیا ہے۔ یہ سن کر وہ مسکراتے ہوئے بولے کہ کہیں احمدیوں سے متاثر تو نہیں ہو گئے۔ میں نے کہا نہیں جناب شاہوں سے متنفر ہو گیا ہوں۔ آج کم و بیش بیس بائیس برس بعد کچھ جمعراتی شاہوں کو دیکھ کر سوچتا ہوں کہ میں نے نام سے شاہ کا دم چھلا ہٹا کر کتنا اچھا فیصلہ کیا تھا ورنہ آج میں بھی بے پرکیاں اڑا رہا ہوتا۔