N

﴿ كُلُّ مَنْ عَلَيْهَا فَانٍ ﴾ اللهم إني اسألك حسن الخاتمة

تسير الحياه الفانيه بين نضج وطيش وانا الهادي اللي يشحنه نايح القُمري أشوف البشر غالب تفاصيلها تغبيش انا المختلف ؟ ولا البشر وضعها مُزري ؟ ياليت المَعرْفه قبلها نقطه وتفتيش على شان أميّز طعمها المُر من بدري عزمت أبتعد عن كلّ شيء وقدرت أعيش معا عزلتي لو مابها ، واقعٍ مُغري

ماحزنت الا على هقواتي وطيبي وظني يوم كنت اظنه اطيب من على الدنيا لقيته كنت اشوفه قطعه من قلبي وروحي ومني وكنت اشوفه كل حلم وكل شي قد بغيته ماهقيت انه بيحزني وعاده بيغبني في وفاي اللي وفيت وفي غلاي اللي عطيته ابتعد عني وهو ناذر نذر مايغيب عني يلعن الله كل عهد وكل طيب قد هقيته

عاد قلبك و أعرَّفه و أجهل مشاويري و غلِّي لو قدرت أجوّده؟ وش لون أبي أملِّ إرّتجافه؟ الهوَى دربه طويل و حرَّ شمسّك جايزٍ لي كل ما أزداد الشعور تقلَّ لـ رضاك المسافة لا تحاول يا بعد كل الأحبّــة خاطر إللي ما تلدَّد في ديارك غيرّ من كثر الحسَافة

لا يليّن خاطرك صادق عذابٍ جاني لو تشوف أني من الحزن الرقيق أحنّك أنت تجبرك الظروف الراهنة ، تجفاني وأنا تفرحني الحزون اللي تجيني منّك

الشمس ماعاد تذكر حبّنا زين من بعد ما كان يبدى فيك يومي كان الصباح أفضل الأوقات والحين خرّبت طبعك ، وأنا خرّبت نومي !

"ماشفت في حياتي أقسى من العوفه اللي تجي بعد الإفراط في التمسك، تعاف الشخص اضعاف حبك له تخليه يوصل أعلى مراحل الذهول بعد ماكان يعتقد انه مالك غناةٍ عنه."

بعد كثر التجارب فـ العطا والحُبّ أنا واجد — على وااااجد من العالم

إقسَى عليه يا قلبي ولا تورّيه الحنين ومدّ له يدّ المفارق.. مثل ما يبيها وسدّ له باب المحبة وخلّك لعين ما عاد نبي وصله دامه ما عاد يبينا تعبنا وحنا نقول بكره.. تزين وهو على عاداته ! ولا ودّه يخلّيها بتمشي الأيام، وبتعدّي السنين وبننسى مشكلتنا.. اللي عشنا فيها

من البارح وانا بين الكلام وصمتي المعهود احرر لك عبارات المعاتب وارجع اسجنها حبيبي يا اكبر اطفال المشاعر و اخر العنقود تحت عيني كبرت و وسط قلبي تامر وتنها ما حز بخاطري غير الكلام الجارح المقصود لو إنها رميةٍ من غير رامي ماعلي منها

انتهى عتابي ، ومليت الكلام اترك التبرير ،، لاتعيش بوهم المحبه ؛ كل ابوها .. بـ اهتمام لو مكلم لوح من مبطي فهم

كل صعب مع مرور الوقت يسهل وكل ضامي — بأخر دروبـه سحابه

يغرك قلبي الأبيض وطول العشره والله اني لا كرهت أصير جداً قاسي بعد كنا في ملذات الليالي خشره ؟ مات حبك في عروقي والبقى لراسي خلني لا عاد تلحقني عتاب وتشره لا تذكرني غرامك "والله اني ناسي "

اخاف ازعلك بكلمة وأنا مالي نيّة وأخاف أظن فيك السوء من حبّي لك كثر الغلا خلّى الشكوك الخفيّه وأخاف أفقدك وأنا قلبي يبيك تعبت من كثر التفكير وخطاي نيّه مَ ودي أجرح من غلاتي وأذيّك لو تدري وش كثر الغلا في خفيّه تعذر ظنوني وتعرف أني أبييك

يَا مرحبا يا غاية القلب وأحب عربانيّ ❤️

يا مرحبا من سبب ولّا بليَّا سبايب ياسبب كل جرح ويا دوا كل علّه ياحبيبي بدون أدنى شكوك وطلايب والله وبالله اللي كوَّن الكون كلّه إنّك الحاضر اللي كَنّ ماهوب غايب وإنّك الغايب اللي ماتغيَّر محلّه

استر ما واجهت يا تالي نهار الربوع طلبت ربي ولا اطلب منّك إلا الستر قاومت ستّ الليالي الماضية فـ السبوع ونجحت في الالف ميل وطحت فـ آخر متر

حبيبي كيف أسولف وأتباهى بك وكيف أبداك وكيف أشعل دجى ليلك أغاني وأرسم الصورة وليل الشوق لا جابك على بالي بدون إدراك أنا كيف أحتضن صبحك قبل لا تغني طيوره ؟ تفاصيلك سنا وجهك حبيبي ضحكة محياك تفج ليلٍ معيشني تحت ظلمه ودیجوره على مشهاك خذني وين ما ودّك على مشهاك معك تحلى مشاوير العمر والروح مسرورة أنا عمري بدا من ضحكتك هذي عسى ما أظماك وكوني عقبها واقف و لا هو دار لو دورة و أخاف إن لا سهى بالي يفوت العين ضحك شفاك وأردد ليتني من قبل لا أسج ماخذ لها صورة وتخاف إني تناسيتك ؟ أنا وشلون بس أنساك وقلبي لا لمح عينك يشبّ صدري من شعوره وقلبي يا حبيبي كيف يقوى يحتمل فرقاك وهو لو ما تهب هبوب وصلك ماتت زهوره عزاي إنك تمّر البال تتمايل يا عود الراك وقبل إتصفّق كفوفي تطّلع قلب من طوره وعزاك إني حبيبٍ قد طوى وجه الليال وجاك وعدّك ضحكته فرحه وكل ناسه وجمهوره عسى عمري فدا ضحكة عيونك لو نويت أجفاك وعساني لو جرحتك ينفري ضلعي من كسوره حبيبي ما معي إلا خفوقٍ ما يبي فرقاك وقصيدة تفضح أشياءٍ عن عيون الناس مستوره وأنا وش خانت أيامي حبيبي من قبل لـ ألقاك عمر ضايع لياليّه على أيامه على شهوره

ودنا بالقرب و القرب عيّا .. لا يحين كل ما لانت له الروح قلبَه يستميت علموه إن المفارق على المشتاق شين و علموه إن كان ناسي تراني مانسيت

مامسحت محادثتنا كل يوم اقراها و كل يوم يطيح دمعي لا قريت حروفك َ يا سقى الله ليلةٍ نسهر على قمراها يوم أقول الشعر من جوفي و يدخل جوفك َ عشت أنا وياك ب أغلا ايامنا و أحلاها يوم كنت تزورني ما تعتذر بظروفك َ كيف رحت مع الجفيّا و أنت ما تقواها كيف ترقد عينك الحلوه و أنا ما اشوفك ؟