الملكة

وأنا صغيرة كنت قبل أنام أتخيل إني أجري بطريق طوووويل وأنا مبسوطة لين أنام. ومع الوقت من كثر ما أتخيل هالشي صار عادة لازم أفكر فيه كل يوم قبل النوم نفس المكان نفس الشارع نفس شكل السماء كل شيء نفسه. وصرت أحس إنه شيء طبيعي كأنه مفروض بحياة كل طفل عشان ينام لدرجة إني ما عاد أشوفه غريب أبدًا وبعد ما تخرجت من الجامعة وتوظفت أول وظيفة لي كنت طالعة من البقالة وجتني رسالة إيميل القبول. من الفرحة صرت أدق على أبوي أبي أفرحه وأركض في شارع عكس سيارتي مدري على وين! بس كان نفس الحلم اللي كنت أحلمه وأنا صغيرة نفس الشعور نفس الطريق نفس كل شيء. وللحين ما نسيت هالشعور وأحسّه غريب.

الساعة 10 بتكون جلستي طيب وش اقول كيف اتصرف وش اتكلم اف