hind abdulla

وكالة تسنيم الإيرانية: قد يتم إلغاء الاتفاق بسبب عرقلة أميركا بعض البنود

توقعوووااا انا ويين؟

استوقفتني جملة غريبة جدًا قالها الفنان محمود حجازي في حواره أمس مع الإعلامية ياسمين عز في برنامج «كلام الناس». الفنان قال إنه تزوج زوجته أو أم ابنه رنا طارق في أمريكا زواجًا إسلاميًا لكن بدون توثيق، يقصد أنهم أجروا إشهارًا ولكن بدون عقد يثبت الزواج. المذيعة أيضًا استوقفتها نفس الجملة مثلنا، وسألته: يعني إيه متجوزين زواج إسلامي غير موثق؟ فقال: يعني رحنا مسجد وفيه شيخ جوزنا، وكان المفروض بعد كده نروح نوثق الزواج ده ونعمل أوراق رسمية في الحكومة، لكن ده ما حصلش، لأنهم ما كانواش عايزين يوثقوا الزواج هناك لأسباب قال إنه ما كانش يعرفها. فسألته المذيعة تاني: وهل في أمريكا عادي تقدر تنسب لنفسك طفل وتعمل له شهادة ميلاد باسمك بدون ما يكون الزواج موثقًا؟ فأجاب أن هناك في أمريكا يمكن تسجيل الطفل باسم الأب حتى لو لم يكن هناك زواج أو إشهار، يقصد أن الطفل الناتج عن علاقة غير شرعية يمكن تسجيله قانونيًا. هنا أنا اللي عايز أسأل: هل العلاقة دي بالشكل ده تُسمى زواجًا شرعيًا طالما فيه إشهار، أم مجرد علاقة بين شخصين؟ وما تصنيفها بالضبط؟ هل كده محمود حجازي ورنا طارق زي كريستيانو رونالدو وجورجينا، عايشين مع بعض ومخلفين لكن لم يتزوجوا رسميًا؟ اتنين مفيش أي ورقة تثبت إنهم متجوزين، لكن قدام الناس هي زوجته ومخلف منها ولد اسمه يوسف مكتوب باسمه. هل ده يُعتبر زواجًا شرعيًا شفهيًا؟ طيب دلوقتي بعد ما حصلت مشاكل وقطعوا العلاقة، وهي قررت تطلق، فهل الطبيعي إنها تطلق شفهيًا أيضًا، طالما مفيش زواج موثق؟ لأن واحدة في نظر القانون مش متجوزة مش هتروح تطلق رسميًا. ولما تيجي تطالب بحقوقها وحقوق ابنها، هتروح تثبت الزواج الأول وبعدين تطالب بحق ابنها؟ ولا كون الأب مسجل الطفل باسمه في أمريكا كافي للمطالبة بالحقوق؟ طيب لما تيجي تتجوز تاني، هتثبت إزاي إنها كانت متزوجة واتطلقت ومفيش مستند رسمي؟ هتقوله شوفوا الأخبار؟ وفيه مواقع كاتبة طليقته، وفي نفس الوقت فيه مواقع كاتبة مراته! ولو محمود حجازي قرر ما يطلقهاش، وهي عايزة ترفع عليه قضية طلاق للضرر، هتعملها إزاي؟ بناءً على إيه وهو مفيش زواج أصلًا؟ ولو قال لها: طلقتك، هل تحتاج شهود وإشهار برضه زي الزواج، ولا النية تكفي، وهي تقدر تتجوز واحد تاني عادي؟ لكن إزاي الطرف التاني يضمن إنها صادقة لو مفيش ورق يثبت الطلاق والعدة؟ والصدمة الكبيرة اللي اتكلم عنها محمود حجازي على الهواء، إن ابنه اللي مفيش ما يثبت رسميًا أنه متزوج أمه، رغم أنه عامل له منع سفر، أمه الأمريكية المصرية قدرت تاخد حكم بالسفر به، وده معناه إن الفنان كأنه لا تزوج ولا أنجب قانونيًا، وبالتالي ممكن ما يشوفش ابنه تاني بعد الخلافات. كمية لخبطة غير عادية… والدرس الوحيد إن الشباب ما يعملوش زي محمود ورنا، ومحدش يدخل في زواج غير موثق بالشكل ده، لأن الحقوق وحقوق الأولاد لازم تكون محفوظة رسميًا.