ionewr ✿

╮ ─── ✦ ─── ╭ 🌙 عالمي الخاص ╯ ─── ✦ ─── ╰ كل ما أحب: 🎬📖🎧💿 ↓

من امس دخل الصيف رسميًا عندنا والحين مو قادره انام من الحر

واووووو جد كل التحديثات الجديدة للتطبيق تجنن مرررة حبيت للي عندهم تعفن دماغ ما بيتعبون

اللي ما قرأ الراوية ما يعرف انه اصلًا وقت لمسها أول مرة كانوا محْدرينه وجابوا له خادمة عشوائية وطلعت اللي يحبها وهو يكره ابنه لأنه يذكره بهذيك الليلة القبيحة اللي هو بنفسه يكره نفسه فيها واللي ما يعرف بعد ان تشيان تشيان بعد ما جابت ولدها كانت متجسدة من الزمن الحاضر لذلك هي ما تتذكر وش صار مع تشي مين ولذلك أول ما شافته بالمطعم حقها قالت ما اعرفه لكنه يجيب لجسدي قشعريرة أدلة تجسيدها من المستقبل كثيرة بالمسلسل بس ما قالوها بشكل صريح أولها فكرة لوحات المحلات بالرموز الذكية وثانيًا طريقة التنفس الاصطناعي اللي علمت قونغ سون ين عليها وفيها أنقذ الأميرة

جربت ترند الأمهات اللي وقت انهيار أطفالهم ينادون وحدة بشكل عشوائي اسمها جيسيكا عاد حقنا اسمه حمدان😂

ما نمت جالسه استرجع كم موقف مع المديرة السابقة واحس حسافه ما لحقت وقت التعليقات كل يوم تهاوش ليش المعلمات يوقفون نفس مكانهم بالطابور تبي حركة لو انها قالتها هالأيام كان قلت ما تبين كنتاكي بعد حساااافه ما لحقت

응!! بعد Pursuit of jade انهبلوا لدرجة منعوهم من الفلاتر حتى!!!!😂

اغنية Cinnamon Shake لـ ALD1 هالفترة تجيب لي استرخاء بشكل غريب وتخلي مشاعري مستقرة

بعد ما شفت لقاءاته مع المجلات عرفت ان اسمها Permission انتظرها تنزل رسمي ع احر من الجمر🔥🔥🔥

ٰ

الدراما مهما تكلمت عنها ما أوفيها وصعب أحط كل مشهد خصوصًا ان الحوارات مرتبطة وما احد بيستوعب جمالها إلا اللي يفتح اول حلقتين منها و وش قد انها حلوة وتستاهل الأبطال اروح وارجع عليهم احس ما ابي اسكت اتكلم عن شخصياتهم لكن "نخليها لحكم الأجيال القادمة"🤭😉 التقييم انتهى🤍

* اسمها: Pursuit of Jade تقييمي: 10/9.7 مؤخرًا طحت بالصيني التاريخي لكن ما جذبني أكتب عنهم إلا هذي الدراما الإنتاج والحبكة والتمثيل كل واحد يقول "أنا فزت" ابهروني بكل ما تعنيه الكلمة🔥 حقيقي تستاهل شهرتها 💯 #PursuitofJade #البحث_عن_اليشم

ٰ

ٰ

📖 أحداث Pursuit Of Jade وفقًا للرواية (ملخص القصة ، شرح للأحداث المبهمة ، الأحداث المحذوفة ، القصص الجانبية) #PursuitofJade #ChasingJade

حدث آخر محذوف من الدراما: "لي هوايان" بعد مصيبة جده حس بالأسف الشديد بعد ما اختار الجانب الخطأ لذلك طلب منهم يرسلونه لأسوأ مكان بالمملكة حتى يخلي حياته كلها تطوع ومساهمات شخصية يساعد فيها الناس في مرة من المرات بعد سنوات زاروه أولاد البطلين "تشانغ يو" و "تشي تشنغ" في البلدة اللي هو فيها ولما شافهم قال 'سبحان من خلق، أنتما يا أولاد نسخة طبق الأصل عن والديكما' البنت كانت صريحة وكانت تطبطب عليه وتقول له 'انت عارف انك ساهمت كثيرًا، وهالشيء ما كان خطأك وحنا نحبك لهالشيء(تضحيته بشيء مو ذنبه)'🥺 والولد كان واقف مثل ابوه بالضبط جنبها وبالنسبة لـ "لي هوايان" لما شاف الأطفال كان يحس انه شاف أصدقاءه القدماء وبنفس الليلة توفى مع إبتسامة على وجهه 🥲💔 من كثر الأشياء الرائعة اللي سواها للناس كان الكل يحبه وقاموا يزرعون كثير أشجار عشانه (دلالة على الاحترام والتقدير) 🥺

حدث محذوف من الدراما: 🧧زواجهم الثاني الجنرالات اللي أنقذوا الأمة والسبب اللي الشعب جالسين يعيشون حياتهم اليومية بسعادة ورخاء راح يتزوجون!! الزواج كان في شهر مارس جو ربيعي لطيف وجميل وزهور تتفتح بكل مكان🌸 كثير ناس حضروا الزواج وتمنوا للزوجين أمنيات طيبة خصوصًا أنهم عارفين أن "تشانغ يو" فقدت والدينها وبالثقافة الصينية لازم افراد عيلتك هم اللي يرسلونك للعائلة الأخرى بنفسهم لذلك كانوا الناس يقولون 'ما عندها والدين!!! أجل حنا كلنا أهلها واللي بنرسلها'🥹 واللي يضحك ان كل الناس كانوا عارفين انها كانت متزوجة من قبل خصوصًا انها وضحت للكل وقت راحت الجيش انها جايه تبحث عن زوجها "يان جينغ" لكن الناس ما كانوا عارفين ان "يان جينغ" والماركيز "وو آن/شي تشنغ" هم نفس الشخص وكانوا يقولون هو صح انها بتتزوج شخص ثاني لكن ما زلنا نحس انها كانت تحب زوجها الأول اكثر وخصوصًا انها راحت للجيش بس عشان تدوره وكان الماركيز يسمعهم و غيران من نفسه😭 وصار يمشي ويمسك الناس بالشارع ويقول لهم ان أنا نفسه زوجها الأول والناس مو مصدقينه وحزينين عليه انو ياااه يا مسكين لهالدرجة تحبها وجالس تكذب بهويتك بس عشان تكون الأول والأخير☹️ 😭😭😭😭😭😂

* ملخص Pursuit of Jade من وجهة نظر البطلة (🔆يتضمن أحداث محذوفة ، وبعض الفروقات بين الرواية والدراما)