᷂سواري

أن عوّدو خير وأن ماعوّدو خيره.

صباح الخير ، اما بعد : لا تثق بأحد لمجرد أن أعجبك حديثه الحياة اصبحت مظاهر فـ بعض الأشخاص ظله أكبر من حجمه وقيل على سياق ذلك : حاول تشوف أبعاد .. كل الزوايا من قبل لا تعطي الثقة لأي مخلوق « لا تثق »

« من همّل الطير ما عوّد على راعيه يستاهل الضيق من فرط بشيهانة »

بغيتك يوم وقتي سمح والخاطر ضحوك وطرب وأنا هالحيّن، أحنك من غثاي وشينة أخلاقي أسمى مراحل الغلا هالمرحله إنك تدرايه حتى من نفسك

و إن مـا نشد عني مجمّـل ومـسموح

الوكاد/ والله حتى لو أنك لهايب .. خذيتك بالعناق

سبحان من يمسح على قلب الإنسان ويوزِع عليه مْن الرضا والرحابه الادمي يسعى على الارض بـ احسان والله يشرِّع فـ السماوات بابه الدعوة اللي ادعي بها كل الاحيان مرة قريبة.. وْمرة أبعد سحابة ماغرّ منها قلب مؤمن ولا لْسان والبارحة عيّنتها مستجااااابة ♥️

صباح الخير ، تأكدوا بأن الهجر أعفّ لصدوركم من القرب البارد وعلى ذلك قالوا : « أصعب من فراقه أعيش في قربه غريب »

عزّت عليّ نفسي وأنا اطلب وصالك أسكت ولو ماني على الوضع راضي لاصرت تنساني بوقت انشغالك مابيك تذكرني إذا صرت فاضي

لكن لي ايام وانا اعيد سالفتك ماودي أعيش معك ايام مجهوله غربتني لين صرت اسعى لمعرفتك وابعدتني منك بعد الراء من التوله من كثر ما أخالفك ماعاد خالفتك أخاف لا نتخلف خلفاً على أصوله حتى الكلام اللي اقوله اذا شفتك جفلتني منه ماعاد اقدر اقوله

لا تستنزف طاقة الشخص الحنون عشان ما يصير لك مثل هالبيت : مره ازعلتني ونمت عادي ومن بعدها ما عاد في قلبي لك حميّا .

عرفنا غلانا عندهم و أنتهى الموال وعسى الله على ما صار منهم يصبرنا ومسحناك يا اغلى رقم شاله الجوال و لا عاد به شيٍ على الوصل يجبرنا

ما عاد يغريني وجودك وفرقاك ان جيت وان ماجيت يامرحبا بك صرت اضحك اني كيف كنت اتحرّاك كيف المطر عندي وادور سحابك اوعدك ان رحت ماني قايلٍ وش جاك وان جيت ماني قايل وش جابك واوعدك ان ماجبت بالزين طرياك بالشين ما اسولف بـ حضرة جنابك

ماهي عوايدك تبطي وما تكلمني مدري من اللي خذاك وغير أسلوبك عن كل حاجة بـ قلبك ما تعلمني نسيت طيش الغلا وأيام محبوبك أزريت لا أفهمك وأنت أزريت تفهمني ما تدري ان القصايد كلها صوبك الله على الصبر والسلوان يلهمني عذروبي أغليك وأنت البعد عذروبك

تجنبت حبك بس ما عاد منها شي ولا يطيح فالحاجه سوى الي تجنبها تشوف العلاقه ياحبيبي مثل ما هي عيونك على ان ذا وسعها ماتشوف بها بدت تاخذك الايام مني شوي شوي ما ذهبتها لكن انا اللي مذهبها .

"مادام انا حلمك وجيت وتحققت وشفيك دايم كل مارحت تبطي ماخفت ياخذني من يدينك الوقت ماتدري ان الوقت ياخذ ويعطي"

ذكرتك وانتهى يومً من الفرقا بشهر ابريل وانا اللي تحت تأثير البكا والحزن والعبره ٰ يا اقرب لي من اللي في يديني وابعد من سهيل اخاف اجبر عليك الخاطر اللي مت من كسره

good morning احسّ كل شيء يبتسم لي ليا لديت واحسّ ان نور الصبح . . يطلع على شاني // المقحم //

" اكلمك وانا على باب الافراح والمح من الافراح مدري وش المح قلي كلامٍ زين يمكني ارتاح ولّا كلامٍ شين يمكني اسمح "

عوايدي ماهيب طرد المقفين لكن معك ماشوف فيها مذله بحاول اردك من الشين لـ الزين ان طعت .. ولا ويش انا قاعدٍ له

عساني خفيف حضور في كل قلب أجيه « وجعّل مايولف قلبي .. الا من يحبه »