عـبـدالـرحـمـن الـصـالـح

انا انخلقت استحمل الضيم والهم
 عيب اشتكي عيب انحني عيب لا قول
 ورث قديـم وارثـه خـال عـن عم
 ان طبت ولا خبت محمول محمول
 يقولـون من زادت احزانـك تبسم يجي لـك من ربـك افـراج وحلول والنـاس لا تـاوي ولا هـي بترحم يطيح راعي الجـود ويقـال مهبول

يا قمر ليل حايل شق ستر السحاب لجل نسمر بنورك لين وقت السحر غط رمل النفود بفضتك والهضاب واسكب الضي يجـري فالاديرع نهر غرد الصوت وغني بالقوافي العذاب كـن بقعاء قصيــد وكـن جبـه وتر

كان الامـل بالـوصـل له ضـوح دخـان انـا غــدى صـــدري رمــاد وظلـمـا احـلـى شـعـور معانـق يـديـن خـلان فيـه الكفـوف قلـوب والـروح تسـمـا واصعـب شعـور وداع والــه لـولهـان منـه العيـون تخـالـط الـدمـع بالـمـا

اشكرك ياوقت كشف معدن الناس واشكرك يا جـرح ومنـه تـعـلـمـت علمتـنـي اعطي لكل احـد مقيـاس واطيـح واقـف حتى لو اني تـالمـت لا بـاس يا روحـي و يا قلب لا بـاس اهديـتـكم للي رخصني و تـنـدمـت وانا العزيـز اللي ابد ماوطى الـراس رمز بشمـوخي بكـلامي وبالصمـت

رغـم الـكـابـه والمـلل والرتـابـه رغم الجفا والضيق والوجد والصمت دوك السـوال اللي خنقني جـوابه وش فيـني اليـا مـن ذكـرتـك تبسمت

انا خـوي الـوافي وارقى به سـنـود ولا الـردي ينـبـح و محـد درى بـه والعيب من راعيه ماهوب منقـود عيب علي انزل له واحسب حسابـه

يـا سيـدة كـل البنـات الله عليـك ملامحـك جـمـر وسواليفـك خمر كانك تبيني والله ان امـوت فيـك واحرق قلوب الغيد من بيض وسمر

ان قلت شنت وخاطري طاب كذاب وان قلت ابيك ارخصت نفسي بعيني خيـرني امـري بيـن اصعـب خيارين موتـي انـا او مـوت الاحسـاس فيني

عن جمالك ودي اكتب كل ليله بس ما ادري ليـه عيـا الشعر يكمل كل ماصديت اشوف انك جميله وكل ما ناظرتك القى وجهك اجمل

خل الندم يا مضيع الود يسقيك كـاس الهـوان وذل نفـس تمتك وخل الهوى يملا بعذابـه لياليك مثلي وانا ساهـر جـروحي بسبتك شف ما بقى من غلا كود طاريك واتلى الذكر للي مضى من محبتك انا الذي بجـروح روحــي اداويك بشفاي اجفف دمعةٍ فوق وجنتك

من ردى الحظ قلبي طول الايام خايف خايـفٍ والليـالـي مـا تجـي لـه بكيفه ما تجي له بكيفـه مثـل ما كان شايف غيـب الايـام جالـه بالحيـاه الكسيفه الحـيـاه الكسيـفـه والعـنـا والكلايف عقب عـزه تعرقل بالظـروف الكليفه

وصيـت قلبي عليـك وفكـري وظـنـي ان غبت عنهـم عليـك عتابهـم هـادي مـا ودي تجـرح شعـورك كلمـةٍ مـنـي وانـت حيـاتي وعمـري ومهجة فوادي ودي تعـيـش العـمـر راضـي ومتهنـي مرفـوع راسـك عليـك الـعـز متبـادي

انـت حقيقـه او اسطوره مـلاك في صـورة انسـاني منـك المـزايين مقهـوره يـا حليـلهـا منـك تعـاني يـا جـرح قلبـي ودكـتوره لا تجـرح القلـب بالعـاني لا يخرج الوضع عن طوره واضـيـع اسمـي وعنـواني

احبس الـعـبرات يـغـرق داخـلي ليتني أغـرق ويغـرق بـي غلاك في ضميرك لي حكـي ماقلـتلي وفي ضميري لك حكي قلته وراك كل لـيـلـه عشـتهـا ما انت معي غيـرتـني والعمر يمضـي بـلاك صرت اخاف بيوم صـدفه نلتقي مانميز بعضنـا والـمـوت ذاك

الـى متى وانـا احتـري قلبـك يلين والـنـاس تتـقـدم وانا ارجـع ورا تـنـازلي عـن كبـريائـك للحـزين اللي على اهدابك من اللهفه سرى اواه لـو تدريـن عـن بعض الحنين والشـوق لا منـه تجـبـر وافترى

يا مكحل العينين عذب الاتبسام تذكـر وليفـك او تنـاسى وليفك ايقونـة الشاعـر وشـوفـه الالهام ولا تقـول كيفي لا ما هو بكيفك مصيافك في قلبي من عام للعام هـذا ولا يمكـن تغيــر مصيفك

للغـروب بـوسـط قلبـي ذكـريـات مـا تنـاسـاهـا الخـفـوق ولا نساها لـي معـاهـا قبـل مـا تغـرب حيـاة واغرقت شمس المحبه في مساها يـا عيــون الشـوق ويــن الامنيـات يـا عساهـا بداخـل عيونـك عساها هل هي تذكرني او ان الشوق مات او زمـان الصمـت بالقسوه كساها

ما كـل ضحكـه تهز القلب يشبعها وما كـل دمعـه تمـر العيـن تبكيها من شاف ضحكة زماني قال بايعها ما يـدري اني فقيـر ما اقدر اشريها يا اللي نثـرتي سنيـن كنـت اجمعها تكفين هـذي حصـاد العمـر لميها

ولهان انا ولهان و الوقـت محسوب هـذا وانــا ويــاك احـس ان ولهان يا كيـف لـو شالتـك هبـات الهبوب يـروح فيهـا القلـب ويمـوت انسان ريحة شذى عطرك تذكرني و اذوب تهـل مـزن الـروح و تزهـر بها الوان