السفر ماغيرك ، غير بلادي
ضعت فيه وكنت أدل أربع جهاته
فيه حبيتك وحبيت المبادي
والمبادي موت والحبّ إستماته
لا تخليك السنين تصير عادي
في عيون الليّ يقاسمك أمنياته
ونادني لو لا حياة لمن تنادي
أسمي بصوتك حياه بحد ذاته
الشوارع كئيبة والمدينة — تحيّر
والقلق منتشر بين البشر والمباني
أختفي ، وأتضايق ، وأحترق ، وأتغيّر
في مكاني وأحسّ إني ماني في مكاني
ليت الأيام ترجع بي يوم إنّي صغيّر
للهوى ، للفيافي ، للصبا ، للأماني
الشغف قلّ والعمر القصيّر.. قصيّر
غير هذا العمر محتاج لي عمر ثاني
– مشاري محمد