Nada Harfoush | Wellbeing

انا عملت فيديو بحكي فيه من قلبي تجربتي في التعافي التام من التهاب المفاصل الروماتويدي عن طريق الكيتو والصيام المتقطع والفيتامينات والاعشاب والنباتات الطبية وان اها يا جماعة التعافي ممكن جدا بمجرد اتباع نسخة علاجية من الكيتو دايت وباقي التفاصيل في الفيديو👇 youtu.be/Uvf1JYtMDyc

Eid Mubarak

الحقيقة اللي مش هتسمعيها إن وقوع الشعر ده مجرد دخان لحريقة بتحصل في أمعائك أو مقاومة إنسولين خلت جسمك يرفض يغذي البصيلات عشان يوفر الطاقة للأعضاء الأهم. لما الكورتيزول بيعلى أو المعادن الرئيسية بتقل وبيتم استنزافها بسبب السكر اللي بتاكليه، أول حاجة جسمك بيضحي بيها هي شعرك.

الاستماع لجسمك أول خطوة في طريق التعافي

متى أتعافى

العافية هي عملية يومية مستمرة، نشعر بها عندما نتعلم الاستماع لما يقوله الجسد ونتعلم لغته.

الصحة ليست غياب المرض، بل قدرة الجسد على أن يسمع نفسه… قبل أن يصرخ بالألم.

ليس كل منهج بديل يرفضه الطب غير علمي، بعضه فقط غير مربح.

كنتوا تعرفوا ان فيتامين سي ليه خصائص ملينة للأمعاء وبيساعد على تنشيط حركة الجهاز الهضمي؟

Fresh start. New energy سنة جديدة سعيدة على كل الحبايب

عضوي مش معناها صحي، معناها بس أقل تلوث.. عشان مايتضحكش عليكم طبعًا بنصح بالأكل العضوي دايمًا، بس يكون عضوي بجد، وعليه رقابة وواخد شهادات، مش اشتغالة

طاقة جسمك مش بتيجي من أكلك وبس… بتيجي من نومك ونَفَسَك وأفكارك وعلاقاتك وإحساسك بالأمان والسلام النفسي عمومًا

تمر بيكي المحن، ويمر بيكي الزمان.. وانتي أغلى وطن، وانتي أعلى مكان ومهما كان انتي مصر.. وكل خطوة بنصر ❤️ اليوم تكتب مصر سطر جديد من سطور التاريخ، الذي تكتبه قبل أن تولد الدنيا.. وتضع بين أيدي البشرية صرح عظيم يُشهد الجميع على أنها كانت ومازالت أمّ الدنيا

🇪🇬 كل عام ومصر بخير 🇪🇬 في ذكرى نصر أكتوبر المجيد.. أتقدم بأسمى آيات الفخر والعرفان إلى جيش مصر العظيم رمز القوة والعزة، وإلى القيادة الحكيمة للقوات المسلحة المصرية، وإلى الشعب المصري الأصيل الذي كان وما زال سندًا لوطنه في كل وقت…

الكرنب من أكتر الخضروات اللي جسمك بيحبها لما يبقى محتاج ينضف نفسه. غني بمركبات بتنشّط إنزيمات الكبد وبتساعده يفلتر أي سموم زيادة. لو عندك كسل، أو بهتان في البشرة، أو بتحس إنك مرهق من غير سبب، ضيف الكرنب لأكلك مرتين في الأسبوع. بيتاكل نيّ في السلطة، أو يتسلق مع زيت زيتون وكمون.

تناول الدهون الصحية الطبيعية ✅ = مجتمع من الأصحاء وأصحاب المناعة القوية والإلتهابات الأقل. الاعتماد على الزيوت المصنعة ❌ = مجتمع غارق في الالتهابات والأمراض المناعية والمزمنة شاركها مع أهلك وأصدقائك ✅

المخ والنخاع والعين واللسان ولحمة الراس والكبد والقلب والكلاوي وباقي أعضاء الحيوانات المهملة.. في الحقيقة إنها كنز من الأحماض الدهنية الأساسية المهمة لتقوية المناعة وتقليل الالتهابات! فيها DHA أكتر من السالمون نفسه، وده بيدعم الأعصاب والدماغ والمناعة بشكل غير عادي.

بتخليك تشتري المرض بشكل مش واعي نهائي.. دي منظومة متكاملة وشبكة مصالح عملاقة، وعشان تفلفص منها محتاج حاجة بسيطة اوي بس.. انك تكون واعي ان بيتعملك غسيل مخ والهدف فلوسك وصحتك

بيبيع ليك المرض على انه ده العادي، وبيصدرلك فكرة إن “ماهو كل الناس بتاكل كدة”، “واشمعنا احنا هي هتقف علينا؟”، “وطول عمرنا عايشين وزي الفل”.. والمشكلة في ماكينة الدعاية العملاقة اللي انت متحاصر بيها في كل حتة، إعلانات في التلفزيون، والسوشال ميديا، وبنرات في الشوارع…

ماكدونالدز وكنتاكي والأندومي والساندوتشات اللي بتتباع على عربيات في الشارع، ومشروبات الكولا والبيبسي والعصاير المعلبة، والجبن النباتية، والفراخ المقلية الكرسبي والحلويات اللي مغرقة الدنيا بأسماء مستفزة وعارفينها كلها، وكل هذا العك مش نعمة ومش أكل، ده مرض.