𝐅𝐀𝐇𝐀𝐃

@xena960 @lara19ry شوفي انا بصدق ان البنت تلعب عليه وزوجها خفيف لان فيه ازواج خفيفين مهفه . لكن مو مصدق كيف ياخذ من ذهبها وهي ساكته ولاعارضته احس يبيله مسلسل بطولة هدى حسين وجاسم النبهان 😅😅

@lara19ry احس هذي القصص بالذات كذب لأن مافي بنت عمرها 22 تتزوج عجوز حتى لو هي وافقت اهلها ما راح يوافقو

من الخاص: أنا وزوجي بعمر الأربعين، ومن سنة تزوج بنت عمرها 22 ومنهبل عليها بشكل مو طبيعي. قبل فترة تزاعلوا ، والبنت راحت عند أهلها ، مو أول مرة يسويها... قبل كم شهر صدمت بسيارتها، وقام أخذ من ذهبي اللي أصلا من ورث أبوي وصلح لها سيارتها! والحين كررها أخذ من نفس ذهبي واشترى لها طقم ألماس عشان "يراضيها " وترجع له. ويبغاني أثبت له إني أحبه وأدعمه بعد!!!!وش اسوي معه؟؟؟

@MemesOficiial قلنا لكم تنازلوا اجعلوا بينكم مؤدة ورحمه واحترام لكن هذا نتأج العناد والتكبر على الاجر من الله تتعاملون بالند وماتدرون عن بركة رعاية كبار السن وبرهم .

يا جماعة، أبغى آخذ رأيكم بموضوعي… قبل خمس سنوات أمي كانت مريضة جدًا، وأنا ولدها الوحيد، وكنت أبغى أجيبها تعيش معنا عشان أعتني فيها. زوجتي وقتها رفضت بشكل قاطع، وقالت لي: “جيب لها ممرضة… أو هذا الزواج ما راح يكمل.” اضطريت أتنازل عشان أحافظ على بيتي. وللأسف… إلى اليوم أمي تقول عني عاصي ومقصّر في حقها، وأنا كل هذا كنت أسويه عشان بيتي 😔 الآن صار نفس الموقف معها… أمها مرضت، وأصرت تجيبها عندنا. أنا رفضت، وقلت لها نفس الكلام اللي قالت لي زمان: “وفري لها رعاية، واختاري بين بيتك وأمك.” هي اختارت أمها، وطلعت من البيت ثلاثة أسابيع… وبعدها توفت أمها. الحين رجعت وتبغى ترجع البيت كأن شيء ما صار. أنا بصراحة شايل في قلبي من زمان، وحاس إني ما أقدر أكمل… وناوي أطلقها، لكن المشكلة إن بيننا أطفال 😔 وش تشوفون الحل؟ أكمل عشان الأطفال؟ ولا أطلق وأنهي الموضوع؟ <من الخاص>

@B_shX93 افضل منتج يصلح للحقائب معقم يرش على المقعد قبل الاستخدام

ي ررراااسيييي الورم يجي من استخدام الحمامات العامه ؟!

@altuwaim_s اذا المسوق متهاون وغير متعاون ماله حق ان يطالب بالسعي كاملآ عن عائشة رضي الله عنها، قال رسول الله صلى الله عليه وسلم : ((إن الله يحب إذا عمل أحدكم عملاً أن يتقنه)) يخصص له نسبه فقط .

سؤال من الخاص: وردني عرض عقاري عن طريق أكثر من وسيط، ولدي مشتري جاهز. لكن المشكلة أن الوسيط المتواصل مع المالك مباشرة غير متعاون، بينما أستطيع أنا التواصل مع المالك وإتمام البيع. السؤال: إذا تمت البيعة، فهل يترتب لهؤلاء الوسطاء سعي عليّ أم لا؟

@SALIFATI9 جاي نشر غسيل هنا وش كبرك ماتفهم ماتعرف تصلح حالك وحالها ماعندكم تنازل لبعض خذها وسافر كم يوم خل الانفس تصفى شوي روح اي مكان .

#سالفتي زوجتي تغيّرت علي بشكل واضح بعد مشكلة صارت بيننا قبل 3 شهور… وقتها قلت لها بعصبية “جهّزي أغراضك واطلعي من البيت”، وفعلاً راحت عند أهلها حاولت أرجّعها أكثر من مرة، وبالنهاية رجعت، لكن أحسها مو نفس أول أبد… تغيّرت 180 درجة إذا سألتها تقول هذي تراكمات من قبل، وإنّي ما كنت أعبّر ولا أقول كلام حلو، وإن كلمة “اطلعي من البيت” كسرتها رغم إني اعتذرت الحين صارت تبعد، غيّرت اسمي بجوالها، حذفتني من السناب، وتطلع كثير مع أختها… هل فعلاً ممكن كلمة وحدة تغيّر كل شي؟ ولا فيه شي أكبر أنا مو منتبه له

@roon_otb51 @byherchoice اذا ابسط حقوقه ههههههههههههه تقول مايطول

@Fha1981 @byherchoice هي بلاها فيه مو بالعيال ههههههههههههههههههههههههههههههههههههههههههههههههههههههههههههههههههههههههههه

انا تعبت من زوجي حرفياً هو رجل يستهوي الفراش 🫢

@Askmuhami روحي للامارة

من الخاص📩 السلام عليكم انا من القبائل النازحه وتزوجت من قريبي سعودي ملكة عرب لكن بدون ايي ورقه وانجبت منه طفل الان عمره ٤ سنوات الله يحفظه تزوجت عام ٢٠٢١ وماعندي عقد زواج ولا طفلي عنده هويه ومو عارفه وين اتوجه ضايعه والاب رافض انه يمشي ب اجراءات الطفل محروم الدراسه والمستشفيات الحكوميه وكل حق له كامواطن

@Askmuhami اي اشتكيه وخذي حقوقك منه

من الخاص📩 السلام عليكم زوجي تزوجني عناد في زوجته ولما تزوجني بعدها بكم يوم اخذت بخاطره وراضته ورجعو لبعض وسحب علي وقفل رقمه الي كان مخصصه لي واختفى وبالعقد انه يوفر لي السكن والنفقه هل ارفع عليه قضيه وهل بيطلع لي مبلغ يستاهل علما انه فقير وانا موظفه

@loh9_ نتزوج ؟

اخوي رفض اني اتقدم على وظيفة في بنك لان فيه رجال يقول اختي ما تشتغل مع رجال حرام بعدين هو تزوج وسمح لزوجته تشتغل في مكان مختلط بدون اي مشكلة سالته ليش انا لا وهي نعم؟ قال فرق بين الاخت والزوجة !!

@SALIFATI9 انفصل وعطني عنوان بيتهم مو كفو تكون زوجها يالدالغه

#سالفتي انا شاب في بداية الثلاثينات خطبت فتاة جميلة وصغيرة، وكل شيء فيها يعجبني وهي متعلقة بي نوعا ما، لكن بعض الأصحاب اخافوني من طولها، حيث هي قصيرة، قالوا لي ستنجب لك أبناء قصار القامة، وانا هذه الفكرة بدأت تروج في ذهني. هل هذا سبب كافي للانفصال وكيف اخبرها بالأمر ؟

@FdFdHME ثقي بكلامي مايصلح لك والله بيجننك لو تزوجتيه ويخونك مثل مايشرب الماء مايهمك ولاراح يحترمك وبيعايرك بيقول خنتي اهلك معي اتركيه هجي منه نصيحه .

#فضفضه احب شخص من ٥ شهور ومابيننا الا كل احترام سوالف بحدود وبدون صور او مكالمات كثيره قال لي عن سفراته انه يروح لاونج ويسهر وبعد ضغط مني اعترف انه عنده بنات بالسناب بس حلف انه مايكلمهم واعطاني رمز حسابه ادخل واتاكد وتركته بسبب هالشي ورجع حلف انه بيتعدل ويحذفهم وقال انه صادق و بيجي يخطبني بعد ثلاث شهور بس يستقر ف دوامه لان توظف قريب احس مو مرتاحه من موضوع سفراته والسناب وبنهي العلاقه مو صغيره عمري ٢٧ احتاج رأيكم.

@SALIFATI9 الله يعينك بسالك ماعندك اخت للزواج ؟

#سالفتي انا يتيمه وفقيره وتزوجت رجال موظف وعنده مرض مزمن ولاكان عندي خبر عن موضوع المرض ابدا ! رضيت وتوكلت على الله لكن عيبه انه انسان عيار ولسانه بذيء جدا اعامله بالحسنى يعاملني عكس لدرجة ادعي الله ان يكفيني شر باسه وظلمه بينا اطفال ولا بخاطري يعيشون الطلاق والانفصال وش تنصحوني به ؟ وكيف اتعامل معاه !

@SALIFATI9 قول لااختك تشاورها

#سالفتي عندي وحده بالدوام أكبر مني بخمس سنوات، بيني وبينها تناغم رهيب لدرجة نجلس بالدوام مع بعض أكثر من الباقين وبيننا هدايا ونتبادل طبخات لأن كلنا نطبخ وأعرفها من أربع شهور، أنا دكتور وهي فنيه، خليت أختي تكون وسيط بيننا وتقدمت لها وبدون حتى تفكير رفضت بسبب العمر. من بعدها ما نتكلم إلا بحدود العمل وبشكل رسمي، وللحين مقتنع داخلياً إني لو تقدمت لها مره ثانية بتوافق، هل تستاهل اللي يتقدم لها مره ثانيه والا أقفل الباب نهائياً؟

@dl3045989635777 @SALIFATI9 تزوجها

@SALIFATI9 يابنت الحلال خلاص لاعد تدورين شي منه انتي تنازلتي على المؤخر عيشي حياتك

#سالفتي انا زوجي طلقني بعد زواج ٩ شهور بدون اي سبب وبدون وجه حق وتحايل علي لين ما تنازلت عن المؤخر ووثق التنازل وحتى نفقة للعدة ما اخذت منه وبالإضافة اني بعت له ذهبي كله يوم كان محتاج ولا عوضني منه الا ١٠ الالاف وفيه اشياء كثير اشتريتها للبيت ولا طالبت بشي منها مثل فرن وغسالة صحون وطقم كنب وطاولات وغيرها كثير لكن بالنهاية اكتشفت انه يتعالج نفسياً من ٢٠٠٧ وعندي صورة عن تقرير انه تقاعد من عمله بسبب المرض النفسي وانا كنت اشوفه يتعاطى ادوية اسمها " اسيتام" وياخذها بوصفة على اسم امه بالحاله هذي اقدر ارفع عليه قضية انه غشني بمرضه النفسي اللي تضررت منه ؟

@SALIFATI9 اذا صادقه بالزواج نسعى لك تعالي خاص

#سالفتي انا مشكلتي احتاج اتزوج شهوة الجنس سيطرت علي جدا وطريق الحرام جدا سهل علي وخايفه على نفسي طلعت في السيارة مرات كثير وارجع حزينه بعضهم بس يشوف وجهي وبعدها يتغير صوته ومعد يراسلني وقبل كان متلهف علي ويكلمني ويسولف معي بالساعات لين قابلني وانا نوعا ما مقبوله وكل رجل يتمنىاني ولما نطلع حددونا اشياء بسيطه لكن اتمناها وتعجبني مثل الحضن لدرجة لما مايطول معي ويرجعني انقهر ليش اكيد مااعجبته وانا هو عاجبني بشكل كبير تعبتت والله ابي شريك في حياتي نفس كل بنت لكن طريق الحلال صعب يجي لي عرفت ذا بعد انتظار سنوات طويله اني مستحيل احد يطلبني ممكن عين سحر حسد الله يعلم دايم اقول دام الحلال ربي مايريد يعطيك لانك ماتستاهلينه الحرام قدامك سويه وهذا قدرك احسن من تصيري ٤٠ وماعشتي نفس كل بنت في عمرك وشبابك وشكلك راح هذا التفكير يقتلني كل مايمشي عمري اقول ليش اصبر اسوي الي اقدر عليه واحس بعاطفتي حتى لو حرام

@8uug_ من تبي الزواج تجي خاص

بنات المتزوجات والغير متزوجات أنا لي سنتين وزوجي م ينام معي ينام باوقات متقاطعه يعني ثلاث شهور وبعدين يجي يوم صارحته قلت ليش قالي عشان جسمك والله يابنات انو مو مدح بنفسي بس فعلاً جسمي م فيه شي يجنن بديت اشك انو معيوب وحط عيبه فيني الصراحه انجرحت مره اعرف رجال مع حريمهم

@SALIFATI9 راجعي مع طبيب وانتي لسه صغيره انتبهي لصحتك لايصيبك ضغط او سكر من الضغوط عليك خففي عن نفسك وفيه اساليب كويسه للاطفال فرط الحركه youtu.be/ZaEY1S4prUg?si…

#سالفتي نفسيتي تدمرت عمري ٢٣عندي طفل عمره ٣سنوات وربي جنني جاب لي المرض والهم والغم طفل حركي بس يتحرك يتحرك ويحوس ولا يجلس ويضرب ويبكي ومستحيل يجلس في مكان واحد أبدا وانا كل اليوم وراه حتى اهملت نفسي وديني وشكلي وصارت فيني عصبيه كرهت اروح ل اهلي او برا البيت تعبت وعلاقتي مع زوجي زفت بسبب هالضغط النفسي عطوني حلول شسوي

@SALIFATI9 انا توفيت زوجتي ومازلت اتذكرها لكن الاهم انت راضي عن نفسك بماقدمته لها هي اقدمت لربها وانت راضي عنها قل الحمدلله الله يجعل ماقدمته لها أجره على الله وعش ذكرياتك وحزنك لكن لاتنغلق على نفسك روح لمكه سافر للمدينه اطلع غير جوك لاتنتظر احد يجي يمسك بيدك ويعلمك وفكر بحياة جديده .

#سالفتي زوجتي توفت في شهر رمضان بسبب مرض صابها قبل ٤ سنوات وخلال رحلة علاجها ما تخليت عنها او قصرت في حقها من سفر وعلاج وسهر وجهد وتخفيف عنها وتطمينها ان العلاج متطور وراح الله يشفيها باذن الله ارتبطنا من ١٤ سنة ومالله رزقنا بعيال وحمدلله كنت راضي لكن حاليا اعيش حاله مدري وش فيني ماتفرقني ماتروح عن بالي كل ماجيت بنام اتذكرها ويرجع الحزن يسيطر علي حمدلله ماخليتها ولا راح اخليها باذن الله من الدعاء والصدقه لكن الحزن زاد والذكريات اللي بينا ترجع لي وارجع ادخل بنوبه حزن تعبت مدري وش اسوي انصحوني

@99nk9 @Ask__Education بيكون الحجم كبير نفس المشكله

@Fha1981 @Ask__Education برنامج pdf وتسوي ارسال للملفات

🇸🇦 مـﻧـــ الخاصــ 📩 عندي مشكله ان المؤهل الجامعي صورته اذا جيت ارفقه في ملفي يطلع حجم الصوره كبير مشيت على كل الطرق بس ماضبطت معي .