آين | الصلابة الذهنية

قاعدة في الذكاء الاجتماعي 3: إذا ضخمت شخص بعقلك بتصغر أمامه وبتخاف وتتوتر وتفقد طلاقتك وترتيب أفكارك بمجرد ترجعه لحجمه بتستعيد قدراتك ويزول خوفك وتوترك وتتحدث طبيعي

@gCWaGgCEzr0X9xS الخوف من الفقد يدفع الناس لتقديم تنازلات لأشخاص ما يستحقون ولو قرر يتقبل الفقد ويستمر بحياته بيحصل علاقات أفضل

@dark2mass خايفين من الفقد ويبون البقاء المزيف

اللي يستهين بحدودك وقت المزح أكيد بيتجاوزها وقت الجد لأن الهيبة لا تتجزأ والتمادي يبدأ بضحكة بمجرد ما تضبط مستوى الميانة وتحط خطوط حمراء مستعد تدافع عنها بتفرض احترامك وتختصر على نفسك نص مشاكل العلاقات برأيك ليه الناس تتردد برسم حدود العلاقات؟

ذكي اجتماعيا ولبق بكلامه الطبيب وقت يقولك بقاء أصبعك بوضعه الحالي بيضطرنا لاحقا لقطع ذراعك والأفضل التدخل الجراحي بسرعة ما يعني إنه وقح أو يكرهك صح بتتألم لكن تنحل المشكلة وهي صغيرة السكوت حتى تكبر المواضيع من علامات ضعف الشخصية

@_9743ii رسم الحدود بين أهلك وزوجتك شي صعب لكن ضروري، إذا تركتهم بيكبر الموضوع وتخسر أهلك وزوجتك تتصرف من البداية ب ضرر خفيف أو بتتصرف لاحقا بعد تراكم المواقف وتعقد الوضع وتصير منبوذ من أهلك وماتت علاقتك مع زوجتك أي شخص يحب يقلل من الآخرين لازم يتوقف عند حده بغض النظر عن طبيعة العلاقة

مدري المفروض أزعل ولا أفتخر بزوجي. في الويكند أهله جونا زيارة، وكنا جالسين على طاولة العشاء لما أخته الكبيرة علّقت على الأكل اللي سويته. قبل ما أرد حتى، لف عليها وقال: ”إحنا كذا نحبّه في بيتنا. إذا رجعتي بيتك سويه بالطريقة اللي تعجبك.“ الطاولة سكتت فجأة.. وأنا حبست أنفاسي. لأن الوقفة قدام الأهل مو شي بسيط، صوتها يظل يتردد. ما خفف كلامه ولا حاول يلطّف الجو، بس حط حد واضح قدام الكل. وفي هذي اللحظة عرفت إن زوجي مو بس شريك.. هو سندي وحمايتي. يمكن بعدين يسوّون له اجتماع عائلي عشانه.. بس أنا؟ أنا فخورة فيه جدًا.

@Egyptianmemees زي ما تحرص تأخذ حقك أحرص تعطي الناس حقها يوم القيامة أنت محاسب على عدم إعطاء الآخر حقه وهم محاسبين على عدم إعطاءك حقك حرصك على إعطائهم حقهم أهم والحجج الواهية لظلم الناس سهل أي شخص يطلعها لكن ما تفيدك وقت تتحاسب

من الخاص : هل اللي سويناه حلال ولا حرام رحت أتعشى مع العائلة. المطعم كان زحمة، بس مو لهدرجة. قعدنا 20 دقيقة عشان يجيبون المنيو. 40 دقيقة لين جابوا الأكل… وجا بارد. طلبنا الحساب. مرّت 15 دقيقة… ولا شي. ناديت الجرسون، قال: “إي حاضر الحين.” مرّت 20 دقيقة ثانية. وكان واقف يضحك ويسولف مع الاستقبال. قمت، لبست جاكيتي وقلت لأهلي: “يلا نمشي.” طلعنا من الباب الرئيسي بهدوء. ولا أحد وقفنا. طلع العشاء علينا ببلاش… وقيمته حوالي ألف ريال. أهلي كانوا محرجين ويبغون نرجع ندفع. قلت لهم: لا. وقتي له قيمة. إذا بتخلوني أنتظر 45 دقيقة عشان أدفع على خدمة سيئة، أعتبرها عزومة من المطعم تعويض عن الإزعاج. هل بتسوّي نفس الشي؟

نفاق اجتماعي: تمدح شخص بوجهه بأشياء مو فيه أو تضخم مميزاته ومن وراه تذمه وتطلعه بصورة سيئة ذكاء اجتماعي: تمدح إيجابيات الشخص اللي تشوفها فيه سواء موجود أو غايب وتتجنب الحديث عن عيوبه من باب الستر والذوق

1- فرق بين زمان والآن مو كل موقف نسخة من الماضي ولا كل الناس يشبهون اللي خذلوك 2- واجه فكرتك اسأل نفسك هل عندي دليل حقيقي الحين ولا هذا مجرد خوف قديم قاعد يتكلم 3- ثق بـ أنت اليوم ذكر نفسك إنك الحين أقوى وأنضج وحتى لو صار شيء لا قدر الله تقدر تتعامل معاه وتتخطاه

ما يتأذى مرة ثانية هذا الرادار الداخلي يشتغل كحارس شخصي يحول الكلمة العادية لتهديد والصمت لرفض لأن العقل يعتمد في التفسير على أوجاع الماضي أكثر من الواقع وهالحساسية الزايدة هي مجرد إشارة إنك احتجت أمان وما لقيته عشان تبدأ تتجاوز هالحالة:

أحيانا سوء الظن مو خبث هو مجرد وجع قديم وضروري تتعلم كيف تتعامل معه حتى تتخلص من الحساسية الزايدة لما تعيش فترة بدون أمان عقلك غصب عنه يتعلم يبقى صاحي ومنتبه طول الوقت يراقب ويفسر كل كلمة مو عشان يأذي غيره لكن كدرع حماية عشان

@AbmAlamri92 الحصول على مصدر دخل ثم بناء قدرتك المالية خطوة أساسية قبل حياة الأحلام

@dark2mass طبعا 😆🤦‍♂️ كله بسبب 👈👈👈فيلوووسسس 🥲👎 و الأحلام ليست ببلاش برضووو 🤷‍♂️

@g_g1oo موجودة بكل الأزمنة ومسمياتها تختلف زمان كان يسمى الإكتئاب الحزن الشديد بشكل عام ارتفاع رفاهية الإنسان يصاحبه تدهور بحالته النفسية موضوع التغريدة ارتفاع المتعة لدرجة التطرف، زمان كان يحصل لكبار المسؤولين والقادة والحكام وعيالهم لأنهم الوحيدين اللي رفاهيتهم عالية وعندهم حماية

@dark2mass !!!! هل انتشار هذه الحالات النفسية والملل وفقدان اللذة والسيطرة سببه التطور التكنولوجي أم أنها كانت موجودة قبل هذا التطور؟

تمل وتطفش بسرعة؟ المشكلة مو العالم صار ممل المشكلة إنك عودت دماغك على مستويات دوبامين عالية لدرجة صار صعب أي شي يرضيك وما يعني إنك صرت إنتقائي يعني إنك صرت مدمن دوبامين بيعاني في حياته إذا ما حل المشكلة البحث عن أشياء أكثر متعة بيستمر برفع مستوى تشبع الدوبامين عندك حتى توصل لمرحلة ما تستمتع إلا بأشياء متطرفة تغسل دماغك وتدمر هويتك أو المسار الجيد إنك ما تقدر تستمتع أبد ودماغك يدخلك بحالة اكتئاب مؤقت حتى يخف التشبع عندك لكن كإنسان عاقل يفضل تتصرف قبل دماغك وبدل تستمر بسعيك للبحث عن أشياء تمتعك: -أوقف كل الأنشطة الممتعة حتى تصير تستمتع بالأشياء البسيطة -ارفع ساعات نومك إدمان الدوبامين العالي يرافقه اجهاد ذهني عالي (نام مبكر جدا حط منبه ع اخر وقت تقدر ترتب أمورك فيه وأترك دماغك يعرف كم ساعة تحتاج بتستمر فترة تصحى ع المنبه وبتعرف إنك بديت تتعافى وقت تصحى لوحدك بوقت أقل) -تجنب الأكل اللذيذ والألعاب (أي نشاط ممتع خلال فترة صيام الدوبامين يكسر صيامك ويرجعك لصفر) نطبق صيام الدوبامين مع بعض؟

الابتلاء يصقل قلب وشخصية الإنسان أو يدمره واختبار للإيمان هل أنت مرتبط بالله أو بمخلوقاته الأنبياء حاملين رسالة فعندهم معنى من الحياة يدفعهم للاستمرار بالعطاء رغم الألم فاقد المعنى عند الابتلاء ينهار أسرع ويجد صعوبة في النهوض مجددا لأنه ما يعرف ليه ينهض الإيمان والمعنى مفيدين لتحمل الابتلاء والاستمرار بالحياة

شيء ملفت: كثير من الأنبياء إن لم يكونوا جميعهم مرّوا بابتلاءات تتعلّق بالأبناء/الوالدين بدرجات وأشكال وسيناريوهات مختلفة. وهم أنبياء !!

لا تصدق كلام الوساوس حتى لو كان صح لأن الهدف مو نصحك الهدف تدميرك من خلال إثبات فشلك في الإلتزام بمعاييرك الأخلاقية (يستغل قيمك ضدك) الطبيعي تغلط تتجاهل الوساوس تركز تصحح غلطك تستعيد مسار حياتك مو طبيعي تغلط تستمع للوساوس تعيش بقلق وضغط حتى تكتئب تدمر مختلف جوانب حياتك

معلومة بتفيدك كثير وتخلصك من الضغط النفسي وجلد الذات والاكتئاب والقلق: "الضمير ما له صوت ولا يتكلم" ضميرك مجرد شعور إن اللي فعلته غلط المحاضرة اللي تسمعها بعقلك وتكرهك حياتك هذي وساوس هدفها تدمر استقرارك النفسي وتوصلك لمرحلة اليأس وكراهية الحياة وليست ضمير والحل؟

تعرف إن مديرك ضعيف شخصية إذا -الموارد اللي تحتاجها للعمل ناقصة -حقوقك تتأخر وامتيازاتك أقل من بقية الأقسام المشابهه -فجأة يرتفع ضغط العمل عليكم وتبحث عن السبب تحصل باقي الأقسام ترمي الأعمال المتعثرة ع مديرك يقبلها ويحملكم -خاضع لكل المناصب الأعلى منه ما يعرف يفاوضهم بذل جهدك مع مدير من هذا النوع بتكسب منه ضغط نفسي مستمر وحقوق مهدرة وسمعة سيئة داخل الشركة

التوتر يرتفع إذا زاد تعلقك بمظاهر الحياة المادية ويصل لمرحلة القلق وعدم الرضا عن نفسك إذا صرت تنافس على اقتناء الماديات يتوهم الذكور إنهم أكثر رجولة وتتوهم الإناث إنهم أكثر أنوثة والواقع إن التوتر يخفض نسبة هرمون الذكورة ويلعب بتوازن هرمونات الأنثى المرحلة الثالثة تعرفها ايش؟

ليه فجأة تشعر بنفور من علاقة، عمل أو حتى نادي وكيف تحله؟ السر في الخيط الرفيع بين إنك تبذل جهد وبين إنك تحرق نفسك لما تعطي كل طاقتك وتضغط بزيادة في شغل أو علاقة أو نادي أنت هنا تعديت مرحلة العطاء ودخلت في الاحتراق مخك وقتها يصنف النشاط كأنه خطر ويبدأ يعاندك وتصير كل خطوة ثقيلة وتهد حيلك عشان تحمي نفسك من البداية طبق قاعدة 80% يعني لا تعطي مجهودك كامل وتصفر العداد دايم احتفظ بشوية طاقة للراحة عشان مخك يحس إن الموضوع أمان وممتع مو معركة استنزاف كيف تطلع من الاحتراق النفسي لو طحت فيه؟ إذا كرهت النشاط وصرت تقاومه لا تضغط بزيادة بل صغر المهمة لأصغر شكل ممكن مثلاً لو نادي تمرن عشر دقايق بس الهدف هنا مو الإنجاز الهدف إنك تكسر حاجز الخوف عند مخك وتفهمه إن الموضوع بسيط وما يخوف لين يرجع يتقبله من جديد الخلاصة لا تخلص طاقتك كلها دفعة وحدة وتتخيل إنك بطل منقذ لأن إذا طحت محد بيهتم وبتحترق وحيدا ودايم أرجع بالتدريج الممل عشان تخدع المقاومة النفسية اللي داخلك وتستعيد مستواك

بتكسب قلوب الناس وتفرض هيبتك في أي مكان تدخله قوة الحضور مو حظ ولا مجرد موهبة هي خلطة ذكية تجمع بين القيمة الشخصية والأثر الطيب هذي 7 نقاط لقوة الحضور تحدد ايش عندك وايش منها بتشتغل عليه لتعزز حضورك: 1- الأخلاق والسمعة: هي الأساس وهي الأصعب لأن لازم تلتزم بأخلاقك بكل المواقف أو بتخسر سمعتك كل خلق تلتزم فيه صح بيكسبك عداوات لكن بيفرض احترامك حتى على عدوك 2- نفع الناس: مكانتك تزيد بقد ما تكون شخص معطاء ومبادر في مساعدة اللي حولك وحل مشاكلهم مهاراتك الشخصية وخبرتك الحياتية تعظم قدرتك على النفع 3- الحكمة واللباقة: وزن الكلام والهدوء وقت الشدائد والتعامل برقي كلها تعطي للشخص هيبة ووقار مهما كنت ماهر وخبير ومتعلم وغني بدون أسلوب محد بيستمع لك 4- الإتقان والتميز: التفوق في مجالك دراسة أو عمل يخليك رقم صعب والناس تطلب رأيك وتقدر وجودك 5- المال والكرم: المال يعزز مكانتك إذا اقترن بالكرم والجود فاليد السخية بذكاء دايمًا لها الوجاهة والصدارة واليد السخية بحماقة تستغل حتى تجف 6- عزة النفس والإستقلال الشخصي: قوة الشخصية والتمسك بالمبادئ وعدم الانجراف وراء الموجة تخلي لك بصمة وهيبة المحايد ومتقلب الرأي والإمعة مع القطيع وجودهم وغيابهم واحد 7- مظهرك وأناقتك: هي أول شي يشوفه الناس منك ويحرك افكار عنك بعقولهم اهتمامك فيهم يبني لك حضور قوي من البداية حتى لو كنت تشوفها شي سطحي غيرك بيفسرها إهمال وتضعف تأثير بقية الجوانب

@Nn3uf المهارة تعمل بالاتجاهين إذا شخص تظهر لغة جسده الضعف تظهر الاحتواء إذا شخص يظهر القوة تفرض نفسك عليه هدفها الوصول لمساحة وسط مريحة لطرفين تمكن تحقيق الأهداف خلال اللقاء وما يهم يكون واعي بنفسه وايش يظهر أو لا

تبي الناس ترتاح لك بسرعة استخدم مفهوم المرآة النفسية في تعاملاتك اليومية وتعني إنك تعكس أسلوب الشخص اللي قدامك بطريقة طبيعية وبدون تصنع، تشبهه شوي في نبرة الصوت وطريقة الكلام ولغة الجسد هذا الشي يخليه يرتاح لك ويحس إنك قريب منه وتفهمه حتى بدون شرح مثال لو الشخص يتكلم بهدوء وبصوت واطي أنت بعد خفف صوتك وتكلم بنفس الهدوء هذا يعطيه إحساس بالأمان بدل ما يحس إنك ضاغط عليه مثال ثاني لو ملاحظ إن جلسته مريحة ويميل للخلف لا تجلس مشدود ومتوتر خذ وضعية قريبة منه عشان الجو يصير أسهل مثال ثالث لو يستخدم كلمات بسيطة لا ترد عليه بأسلوب رسمي خلك قريب من أسلوبه بالكلام المرآة النفسية مو تقليد هي تناغم ذكي وبسيط هدفه كسر الحواجز وبناء الألفة