أكاد أُجزم إن أحلى علاقة بشرية من بين جميع العلاقات، هي العلاقة الأخوية. قبل نص ساعة أنا وأختي متهاوشين ومتراقعين، ونصرخ على بعض، وقبل شوي وصلت قهوتنا طالبين قهوة وسويت والحين ناكل من صحن واحد والنفوس طيبة. أتحداكم تلقون هذا المستوى من الراحة وغض البصر عن الزلات بأي علاقة انسانية ثانية.

@_iuranus أنا كنت احسب علاقه الأخوان كذا دايمًا لين شفت علاقه ابوي بإخوانه اي واحد يزعل يقاطعون بعض سنين، صدق الحمدلله على النعمه ان شاء الله مايكون فيه اخوان زي كذا ابدًا الله يهديهم

@Killou69 @_iuranus صح مو كل الاخوان سوا يعتمد على شغلات كثير وأهمها طفولتهم وطريقة تربيتهم تعزيز الروابط الأخوية دور الوالدين والتحدي الرئيسي بحياتهم 🥲 عندي بنتين وتعبت وانا اقرب وجهات النظر ومجبورة اظهر العدل في أدنى تصرف حتى لو كلمة حلوة ممنوع اقولها لوحدة بدون الثانية ولا تقوم حرب 😭

@wala2_y @_iuranus كل ما زادت الاهتمامات المشتركه واللحظات الي يقضونها مع بعض بتزيد الرابطه من نفسها، زي حنا الحين ٤ خوات كلنا قريبين من العمر أنا وثنتين نفس الاهتمامات إلا وحده غير عنا فا طبيعي نكون اقرب لبعض لأننا نسوي أشياء كثيره مع بعض وعندنا مواضيع كثيره نسولف فيها إذا تقربوا يخف وقت الزعل