ఉగాది సెట్లో ప్రదక్షిణకు నిరాకరించిన క్రిస్టియన్ కపుల్! దేవుడి మీద భక్తి ఉండక్కర్లేదు కానీ, దేవుడి పేరుతో నాటకాలు ఆడేటప్పుడు కనీస 'నటన' కూడా రాకపోతే ఎలా? ఏపీ మాజీ ముఖ్యమంత్రి జగన్ మోహన్ రెడ్డి, ఆయన ధర్మపత్ని భారతి గారు చేసే పూజలు చూస్తుంటే "చిత్తశుద్ధి లేని శివపూజలేల?" అన్న వేమన పద్యం గుర్తొస్తోంది. హిందూ సంప్రదాయంలో పూజ జరిగినప్పుడు ఆత్మ ప్రదక్షిణ చేయడం అనేది అత్యంత ముఖ్యం. తనలో ఉన్న దైవాన్ని స్మరిస్తూ మూడు సార్లు తిరగడం కనీస నియమం. కానీ, మన 'ఆది దంపతులకు' ఆ కాస్త ఓపిక కూడా లేకపోయింది. పంతులు గారు మూడు సార్లు తిరగమంటే.. "మేము తిరగం, మా వల్ల కాదు" అన్నట్లుగా మొహం మీదే చెప్పేయడం చూస్తుంటే, అది వారి అలసటా లేక హిందూ ధర్మం పట్ల ఉన్న చులకన భావమా అని భక్తులు ముక్కున వేలేసుకుంటున్నారు. మరీ విచిత్రం ఏమిటంటే.. క్రింద దైవం కొలువై ఉంటే, పైన ఉన్న జగన్ గారి భారీ ఫ్లెక్సీకి నమస్కరించడం! దైవం కంటే తామే గొప్ప అన్న అహంకారమా? లేక అద్దం ముందు నిలబడి తనని తాను చూసుకునే అలవాటు ముదిరిపోయిందా? దేవుడికి నమస్కారం పెట్టడానికి కూడా మనసు రాని వారి వేషాలు ఇలాగే తగలడతాయి. నిజానికి, నమ్మకం లేనప్పుడు పూజలు చేయాల్సిన అవసరం లేదు. అది వ్యక్తిగత ఇష్టం. కానీ.. ఓట్లు రాలతాయనో హిందూ వేషధారణ వేయడం, సెట్లు వెయ్యడం, అవమానించడం అవసరమా? పంతులు గారి మొహం మీద నిక్కచ్చిగా "చెయ్యం" అని చెప్పే ధైర్యం ఉన్నప్పుడు, అసలు ఆ పూజలకి ఎందుకు వెళ్తున్నారో వారికే తెలియాలి. క్రిస్మస్ కేకు అత్త నుండి తప్ప అందరితో సాంప్రదాయంగా పెట్టించుకుని తిన్న భారతి అయినా తిరగాల్సింది. లేదా మొగుడిని తిరగమని చెప్పాల్సింది. పేటీఎంలు మాత్రం ఇలాంటి పిచ్చి చేష్టలను ఏమని సమర్థిస్తారు?