Deep Patel

અમદાવાદ ખાતે સરદારધામ સંચાલિત સિવિલ સર્વિસ કેન્દ્રમાં તાલીમ મેળવી UPSC પરીક્ષામાં સફળ થયેલ વિધાર્થીઓના સન્માન સમારોહમાં ઉપસ્થિત રહી, વિદ્યાર્થીઓને સન્માનિત કર્યા. ગુજરાત માટે ગૌરવની વાત છે કે આ વર્ષે 25 વિદ્યાર્થીઓ UPSC પરીક્ષામાં ઉત્તીર્ણ બન્યા છે, ત્યારે આ સફળ થયેલ યુવાઓ પોતાના સક્રિય સહયોગ અને ઊર્જાથી વિકસિત ભારત બનાવવામાં સહિયારું યોગદાન આપે તેવી શુભેચ્છા પાઠવી. દરેક સેક્ટરમાં યુવાઓનું યોગદાન મહત્વનું છે, કારણકે યુવાઓમાં જ કંઈક નવું કરવાની, કંઈક અલગ કરવાની માનસિકતા સાથે પ્રગતિનો પથ કંડારવાની તાકાત છે, સામર્થ્ય છે, જે દેશની પ્રગતિને ગતિમાન બનાવે છે. યુવાઓ આજે આગળ વધી નવી નીતિથી નૂતન ભારતનો પાયો નાખી રહ્યા છે. એટલે જ માનનીય વડાપ્રધાન શ્રી નરેન્દ્રભાઈ મોદી સાહેબે યુવાઓને 'ન્યુ એજ વોટર્સ' નહીં પણ 'ન્યુ એજ પાવર' ગણ્યા છે.