Ministry of Interior | Rwanda
2.7K posts
@RwandaInterior
The official X handle of the Ministry of Interior | Ministère de l'Intérieur | Minisiteri y'Umutekano mu Gihugu
Uyu munsi, Umuyobozi mukuru wa Polisi wungirije ushinzwe ubutegetsi n’abakozi, DCG Jeanne Chantal Ujeneza, yasoje ku mugaragaro inama y’iminsi ibiri y’inzego z’umuryango uhuza abayobozi bakuru ba Polisi mu Karere k’Afurika y’Iburasirazuba (EAPCCO), yabereye ku cyicaro gikuru cya Polisi y’u Rwanda giherereye ku Kacyiru. Iyi nama yari ifite insanganyamatsiko igira iti: “Kwifashisha ubufatanye n’imikoranire y’akarere mu kurwanya ibyaha byambukiranya imipaka n’iterabwoba.” Mu ijambo rye risoza iyi nama, DCG Ujeneza yagaragaje ko akarere gakomeje guhura n’ibibazo by’umutekano muke birimo iterabwoba, ibyaha byifashisha ikoranabuhanga, icuruzwa ry’abantu, ubucuruzi butemewe bwambukiranya imipaka n'ibindi. Yongeyeho ko yizeye ko ibibazo bizana n’amahirwe yo guhangana nabyo binyuze mu bufatanye.
Uyu munsi, Mu ruzinduko rw’akazi akomeje kugirira muri Kenya, Umuyobozi mukuru wa Polisi y’u Rwanda, CG Felix Namuhoranye, akaba n'umuyobozi mukuru wa komite y’ubujyanama mu bya tekinike (TAC) y'ikigo cy'akarere gishinzwe kugenzura ikoreshwa ry'intwaro nto (RECSA), yafunguye ku mugaragaro ibiganiro byo ku rwego rwo hejuru ku ishyirwa mu bikorwa ry'amasezerano ya Nairobi agamije gukumira, kugenzura no kugabanya intwaro nto n’izoroheje. Muri ibi biganiro hatangirijemo ishyirwa mu bikorwa ry'imyanzuro y'amasezerano ku rwego rw'akarere (Regional Implementation Scorecard for the protocol). Iki gikorwa cyayobowe na Dr. Raymond OMOLLO, Umunyamabanga Mukuru wa Minisiteri y'Umutekano n’Ubutegetsi bw’Igihugu, muri Repubulika ya Kenya. Iki gikorwa cyanitabiriwe n’Umuyobozi mukuru wa Polisi ya Kenya, umuyobozi wa RECSA, abahagarariye ibihugu byabo muri Kenya ndetse n'abandi bayobozi bakuru mu nzego zitandukanye.
Tumenye Itegeko Rishya Ingingo ya 39.
