بندر الدويش

غربة الروح

@_msfar الله يسلمك وصح الله بدنك

@bdweesh ياسلام ياسلام صحت لسانك أخوي بندر 🌹🌹🌹🌹

غلق الصبر والوقت انتهى يامليحه مابقى في مراكيض الهوى شوط ثاني جازعٍ من نسم صدرٍ ذبحني فحيحه ومن تفانيّ مع شخصٍ مهو بمتفاني ودي اني حفظت من البخاري صحيحه ولااحفظ شعر بشار وصريع الغواني سامح من القصيد ومن نبطه وفصيحه ومن بحور الخليل ومن بحور المعاني بس لامرني شي يهيْض القريحه ابتسمت ودريت ان الزمن ذا زماني ليه حتى الشمال اللي يجيني بريحه ليه ماعاد ذعذع لي ولاعاد جاني رحت اهني عقول العالم المستريحه ماوطاها من اسباب الهوى ماوطاني من حرمني زهر نبتت خزامه وشيحه لااصرمت عشبته ماجيت له لو دعاني جرة خطاي في روضة غلاه الفسيحه لو تبع جرتي في وقتها قد لقاني (فاقد الشي لايعطيه) ماهي صحيحه هذا انا فاقده واعطي ولااحدٍ عطاني

شارد الذهن وأفكاري تعيد المشاهد في هذاك المكان اللي تمره وأمره جالس أجاهد الدنيا وأهلها وأجاهد وصلك المنقطع وطيوفك المستمره

في خريف السنين اللي ذبحني جفافه ماترجيت من غر السحاب برديه الرياجيل خلقوا للشقا والصلافه والهوى صلف وديار الغلا جرهديه كيف تدفى اليدين وللقلوب ارتجافه وياقف العمر وسنين المحبه مديه ياعيون المها مافيه جسر ورصافه فيه قلبٍ من الفرقا جروحه نديه حبك العام واثر الحب كله كلافه مرقبه عسر وايامه مهي ب اجوديه يوم كنتي تخافينه وماكنت اخافه كنتي ابعد نظر في دروبه السرمديه عاشقك عقب سعيه بالديار وطوافه ليت نفسه تعود راضيه ومهديه ماهزمته ظروف ولاهزمته مسافه ولا يحب الهوان ولا عزومه رديه يكره الحاجة اللي تنوخذ بالضعافه وما يحب الخشوم ولايحب الهديه فرقي يامره بين الكبر و الانافة مثل ما تفرقيْن الغره العسجديه وش يعذرك من قلب ملكتي شغافه جرتك فيه من مطلاعه اليا احمديه ادري ان ماحدٍ قد شاف وجهك وعافه ومالعنقك شبيه ومالقتلاك ديه جيت ادور كلام فيه لين ولطافه وكان عندك حروف اكثر من الابجديه كل عذرٍ وصلني منك لو كان تافه يقبل، إلا جفا مانتي عليه محديه @bdweesh

@8lx_99 @Dos11r مرحبا بكم والابيات مهي لي

@6olxr @alrajhibankcare مانقدر وفلوسنا عندهم

@bdweesh @alrajhibankcare اكتب فيهم قصيدة يابو فيصل

خدمتكم أولويتنا 💙 تواصلوا معنا في أي وقت عبر قنواتنا الرسمية!

@ab0btal @alrajhibankcare عسى عمرك طويل ياهزاع وخيرك واجد ومايامر عليك ظالم ابيك سالم وغانم

@bdweesh @alrajhibankcare مساء الخير يابندر اذا ماخدمك البنك ولا فك التعليق . ابد حسابنا ماهو معلق امر بس تحت تصرفك

@x_m07 مرحبا يامشعل وابشر بالسعد قريب ان شاء الله

@bdweesh متى ؟

فك شيخ مطير عن خضر الاجله ثم ندب صفرًا وصايفها رقيقه

@md8ml :(

@bdweesh صدق انه مرحله وانتهت يا بندر :)

جيبي لنا لو نهار من الزمان القديم

اليوم لا ( صفو بال ) ولا طمآنينة أعوذ بالله من نفسي و وسواسي يقلقني المستريح اليا غفت عينه ما يطرد نعاسه اللي يطرد نعاسي ويغيظني صمتي اللي: حد سكينه يحول بيني .. وبين وجيه جلاسي آودع الليل .. « كني » من محبينه واستقبل الصبح كني لاجئ سياسي…

@Poem011 من ذوقك وصح الله بدنك

@bdweesh ما اجمل هالقصيدة صح الله لسانك

طلاب ثار

@UsernameSrmdi من ذوقك وممنون لك

إسْراف بلَاغي مُبهر !

يستفيض الشفق

تراكمات العمر .. تتفجّر مع أول مشكلة والنفس .. شعرة بين ثورتها وبين عتابها إحساسك أصدق من نفاق الأجوبة للأسئلة أغلب مشاكلنا وراها أسباب .. غير أسبابها

@aldwesh6 مرحبا يابو محمد وصح الله بدنك وطول الله عمرك

@bdweesh الله الله صح الله لسانك يا ابو تركي

الصباح اللي معك تغري انسامه بينت شمسه وغنت عصافيره لي ثلاث ايام في وسط دوامه ميت من البعد والشوق والحيره عالجي نفسٍ من الوقت منضامه ويش امر من الجفا غير تبريره مرحبا والنفس ماهي بلوامه والشعور اللي معك صعب تفسيره خير مايقطع به العاشق صيامه وصلك اللي فيه ماشاور الخيره البسيّني لبسة المسلم حرامه لين يارد كل ضامي على بيره عاتقٍ مافيه مثله على قامه ودي اني ماتلوى على غيره لو نحرك الله يعديني اثامه شرهْ واشره من دماثه مزابيره في يمينه شامه وبايسره شامه زين جذبات النفس بين ازاريره اعذري من شاف فيك اجمل احلامه وزادت اشواقه وقلت معاذيره بكره وعقبه والايام قدامه كل ليلة وانتي اغلى مساييره من غرق بالحب لين اخمص اقدامه غلطته لايمكن تكون الاخيره

@qmrrc ممنون لك ياعبدالله وصح الله بدنك

الانسان شيٍ من جليسه ومن ماضيه وجيناته اللي تنتقل له من اسلافه اذا ربي اكرم عبده بعقلٍ يقديه درى ان المجامل لطف وان الغرور آفه تسولف يا ابو رايٍ محد قال لك تبديه تشوف وتحسب الناس ماهي بشوافه كلامك مع اللي لاتخافه ولاترجيه يبي يختلف لاصرت ترجيه وتخافه

@AL_JADiii 🙏🏼

@bdweesh يالله! 👏🏻👏🏻

@saddahalotaibi يامرحبا ومسهلا تقوله من طيبك وتواضعك ياكبير المبدعين

بندر الدويش مبدع بمعنى الإبداع في حسابه تجد الذائقة ما يرضيها .. @bdweesh

@albairq_t يامرحبا ياتركي

@bdweesh تشوف وتحسب الناس ماهي بشواافه 👏🏼👏🏼👏🏼👏🏼